သာရိပုတ္တတ္ထေရဝတ္ထုဂါထာ -၂
၇-အရဟန္တဝဂ်
၆-သာရိပုတ္တတ္ထေရဝတ္ထုပါဠိဂါထာ
ဣန္ဒခိလူပမော တာဒိ သုဗ္ဗတော၊
ရဟဒေါဝ အပေတကဒ္ဒမော,
သံသာရာ န ဘဝန္တိ တာဒိနော။
တာဒိ၊ ဣဋ္ဌာနိဋ္ဌ, ထိုနှစ်ဝကို, တကွတူပြိုင်, ရှုမြင်နိုင်သော။ သုဗ္ဗတော၊ ကောင်းသောအကျင့်ရှိသော ရဟန္တာအရှင်မြတ် သည်။ ပထဝိသမော၊ မြေဟူသော ဥပမာရှိသည်လည်းကောင်း။ ဝါ၊ မြေနှင့်တူသည်လည်းကောင်း။ ဣန္ဒခိလူပမော၊ တံခါးတိုင်ဟူ သော ဥပမာရှိသည်လည်းကောင်း။ ဝါ၊ တံခါးတိုင်နှင့်တူသည် လည်းကောင်း။ (ဟုတွာ၊ ၍။) နော ဝိရုဇ္ဈတိ၊ (ကောင်းဆိုး၂-ပါး, ပြုသူများ၌,) မလိုလားမခင်မင်, မဆန့်ကျင်။ အပေတကဒ္ဒမော၊ ကင်းသော ရွှံ့ညွန်ရှိသော။ ရဟဒေါ၊ ရေအိုင်သည်။ (ပသန္နောဒကော၊ ကြည်လင်သောရေရှိသည်။ ဟောတိ) ဣဝ၊ ဖြစ်သကဲ့ သို့။ (ဧဝံ၊ တူ။) အပေတကဒ္ဒမော၊ ကင်းသော ရာဂစသောရွှံ့ညွန် ရှိသည်။ (ဟုတွာ၊ ၍။ ဝိပ္ပသန္နောဝ၊ အထူးသဖြင့် ကြည်လင်သည် သာ။ ဟောတိ၊ ၏။) တာဒိနော၊ ထိုကဲ့သို့ ရှုအပ်သော ရဟန္တာ အရှင်မြတ်၏။ ဝါ၊ မှာ။ သံသာရာ၊ သုဂတိဒုဂ္ဂတိတို့၌ ကျင်လည်ရ ခြင်းတို့သည်။ န ဘဝန္တိ၊ မဖြစ်တော့ကုန်။ (ပါ-၉၅)
ဝိရုဇ္ဈတိ။ ။ အဋ္ဌကထာ၌ “နေဝ အနုရုဇ္ဈတိ၊ နော ဝိရုဇ္ဈတိ”ဟု ဖွင့်သဖြင့် နေဝ အနုရုဇ္ဈတိ၏ အနက်ပါအောင် ဧကဒေသူပစာရအားဖြင့် ပေးသည်၊ အနုရုဇ္ဈတိ၌ အနုရှေးရှိသော ရုဓဓာတ်သည် ဣစ္ဆာအနက်ကို ဟော၏၊ ဝိရုဇ္ဈတိ၌ ရုဓဓာတ် ဝိရောဓ(ဆန့်ကျင်ခြင်း)အနက်ကို ဟော ၏။ (နီတိဓာတု-၂၃၂၊ ဓာတွတ္ထ)။
နိယမာနိယမနည်းဖြင့် ပေးပုံ။ ။ အဖွင့်အတိုင်း နိယမ အနိယမ ထည့်၍ “(ယော ဘိက္ခု-အကြင်ရဟန္တာအရှင်မြတ်သည်၊) တာဒိ-ဣဋ္ဌာနိဋ္ဌ, ထိုနှစ်ဝကို, တကွတူပြိုင်, ရှုမြင်နိုင်၏၊ သုဗ္ဗတော-ကောင်းသောအကျင့် ရှိ၏၊ (သော ဘိက္ခု-ထိုရဟန္တာအရှင်မြတ်သည်၊) နော ဝိရုဇ္ဈတိ၊ ပထဝိသမော- မြေနှင့်တူသည်သာလျှင်လည်းကောင်း၊ ဣန္ဒခိလူပမော-သာလျှင်လည်းကောင်း၊ (ဟောတိ)၊ အပေတကဒ္ဒမော-သော၊ ရဟဒေါ-သည်၊ (ပသန္နောဒကော-သည်၊ ဟောတိ) ဣဝ-သို့၊ (ဧဝံ-တူ၊) အပေတကဒ္ဒမောသည်၊ ဟုတွာ-၍၊ ဝိပ္ပသန္နောဝ-သည်သာ၊ ဟောတိ)၊ တာဒိနော-၏၊ သံသာရာ-တို့သည်၊ န ဘဝန္တိ”ဟု ပေး၊ အထက်၌ ကျက်မှတ်ရ လွယ်ကူ အောင် ပေးခဲ့သည်။
သာရိပုတ္တတ္ထေရဝတ္ထုဂါထာနိဿယပြီးပြီ။