ანაკლია
ანაკლიას, ალნარკიას, ბჟა ტანს იბონს უჩა ზღვას,
დიდალეფიშ ალნარკიას, მუმალეფიშ ჭვილი დღას,
გიშნაგორა ბაღანეფიშ ჩათხია რე მუშ დიხას,
ულა რენ-და ართო სქუა, ღურა რენ-და ართო სქუა,
ხვალე ვარი, ხვალე ვარი, ვამკილუა რინაშ კარი.
შქაშ ენწერსი დაჩხირ ონტუ, იჭუ მარდუალიშ გური,
ხამისკურშე ბორია უმბარს, ინგირც მელე ხუმუშკური,
ულა რენ-და ართო სქუა, ღურა რენ-და ართო სქუა,
ხვალე ვარი, ხვალე ვარი, ვამკილუა რინაშ კარი.
ზღვაშა მეურს უჩა რაში, წყარს კიდირით მეჭკირუნსუ,
ჟი გიმახე უჩა კოჩი, უჩა ბაშლაყ გიორთ დუცუ,
ჭიი-ჭიეთ მედინ რაშიქ, ჭიი-ჭიეთ დინუ კოჩი,
ზღვოურს მოუღ ნარაგადა, ნაჩიებუ უჩა კოჩიშ,
ულა რენ-და ართო სქუა, ღურა რენ-და ართო სქუა,
ხვალე ვარი, ხვალე ვარი, დომკილეო რინაშ კარი?!