არაგვი'

please do not remove empty parameters (see the template documentation).

არაგვი
by რამაზ კუპრა

რამაზ კუპრა. ლაზონა დო მარგალონა 2009წ.ხ.13-14

ქომჩინიო,
     ვამარაგვა,-
სო ოკოლხეშ
     ორთაშ ნახა...
ირიათო
     ირაგვინჯუქ
კირდეს დუსჷ
     მიკმატახა...

თისხი ბორჯემქ
     მიკირულუ,
ვაგამკვირდჷ,
     ვამიჩინე,
გიჯინექ დო
     მოკო სქანი
ჯვეში ბირა
    ქიგიშინე...

ვო არაგვი,
    ქომხუტოლე,
მა შხვაშ თური
    ვადომძახა,
ნება ქომუ,
    სქან ფაფალას
ქალვოღობე
    ჭიჭე ფაცხა...

იმენდ მიღუ
    ამდღარ დღაშე,
ანწი ვარა
    ქომიჩინე,
მუშა მიღირ,
    თი ფაცხაშე
ცაშ ქაქაბის
    ქელვოჯინე...

ქომჩინიო,
    ჩქიმ არაგვი,-
სი ოკოლხეშ
    ორთაშ ნახა...
მა ჸოროფათ
   ქჷმარაგვი
კირდეს
   დუდი ვემკატახა...