ასე ჩონგურ ქოვთქუათუ (სახუმარო ვარიანტი)
ასე ჩონგურ ქოვთქუათუ
სქანი დო ჩქიმი გაჭირება.
ჩონგურს მუ რე არაგადე,
ვე გიადვე განჩინება.
ტარი მოღერებულ აფუ
კოპეშიაშ ღერიცალო,
ქორა გობარილი აფუ
ლაკვამ ჯოღორ რძღელიცალო.
ჩონგურ ნუ იხაბაკუქ ვარა
დუს გოიჩვაგ ტვერიცალო.
ასე ჩონგურ ქოვთქუათი
ფუთურ ვაჭარეფიშ ამბე:
ათე ფუთურ ვაჭარეფს
მუ დღაქიე აჭარეს.
ვითომ კუპეს ვორეთია,
თუთუმს გილუფათქუანა
მარგალურო ვა თქუანა,
ქორთულს თიფერს ქოთქუანა,
გურშა ქომოიკათუანა.
კაპიკიანს ახურდენა,
ჯიბეს გილეხაჭუანა.
ასე მოდას ქაკვირუქ დო
ასე კაბას იჭანა.
გური იშაღალირიე
ხორცი იშუღიჭანა.
ონჯღორე ქოთ ვაუჩქუნა
თეში გილეძიცანა.
ტეხური დო ენგურ წყარი,
ზუგდიდს წმინდა მარგალეფი.
აკორღვაფილ ბანძარეფი,
ჯვარელეფ დო ხეთარეფი.
ვაჭრობაშე ქებულიე,
სტანციაში ვაჭარეფი,
გულობაშა გეგაფილი,
ჩოჩია დო კაჭარეფი.
ეშმაკიშე ეშმაკეფი,
სუჯუნა ნაესაკარეფი.
ქუამ დიხაშ მახაჩქალი
კადარი დო წყემარეფი.