აჸონება
პოპორც მუ არზენც ჭყანას,
წყარ ეშე ეთმოწენცჷნი,
გვალა ქარწყენო გვალას,
ჭვემას ქუჩქუნო ჭვენცჷნი.
ქარაგადენო მითინც,
მუ შარათ მოურც აფუნი,
ვარა მუ ოკო ნირსის,
მინდორეფს მიწიფაფუნი.
მი უგანც ორთას მარდის,
მაფალუს ცუნდის ჩანცჷნი,
ქაგინნო ეთი ვარდის
ჰამო შურ გაფურკანცჷნი.
რჩქინა ქოძჷნო სოთინი,
მითინც ქუჩქუნო მუთუნი,
მი მიწინც, სოლე მოფრთინი
დო ვარა სო მეურქუნი.
პოპორც მუ არზენც ჭყანას,
წყარ ეშე ეთმოწენცჷნი,
გვალა ქარწყენო გვალას,
ჭვემას ქუჩქუნო ჭვენცჷნი.