ბაღანობა გიმაშინე ჩქინი
ჩქიმი ელხე, ჩქიმი გურიშჷ ჭუა,
სოვრე იბდა, სოვრეშე იმნჭუა,
ქიფრჩინუქ დო იშენ ვორექ ჩქიჩქი,
გურს ბონდღუნსუ თოლეფიში ჩხვიჩხვი.
ბაღანობა გიმაშინე ჩქინი,
მუსხი სერჷ დო ჭუას გივორჯგინი?!
ჩქიმი შარა ჩეშმანი რე, თინუ,
სქანჷ თოლეფშა დღასუ ვამანტინუ,
მუ დაჩხირი დორზამე თე გურსუ?!
ოხოხოი, მუსხი მუთუნს გურზუ,
ბაღანობა გიმაშინე ჩქინი,
მუსხი სერჷ დო ჭუას გივორჯგინი?!
მირაგადნა: გილურცია ხვალე,
მის დართინე ბორჯი უკახალე?!
ჯიჭონეფცუ გოჸუნცია ირო,
დოჸუნცია ჰავას, გოლვაფირო,
ბაღანობა გიმაშინე ჩქინი,
მუსხი სერჷ დო ჭუას გივორჯგინი?!
ჸურენცია ლალა ქომონჯისუ,
ნორჩალიშო ჸუმენცია ისუ,
სი ჩქიმჷ სერეფს ოთანუანქ ძღაბი,
ტყურათ რენო შური დომიჟვაბი?!
ბაღანობა გიმაშინე ჩქინი,
მუსხი სერჷ დო ჭუას გივორჯგინი?!
მორთი, ელხე, ქომიძირე აკა,
ქოძირჷ თე გურს მუჭო გილაკვაკვა,
ქოძირჷ თე გურს მუშ მასქვამა რექუ,
ქოძირჷ, ქოძირჷ, მუჭო გიმოჭვენქუ,
ბაღანობა გიმაშინე ჩქინი,
მუსხი სერჷ დო ჭუას გივორჯგინი!