ბოლო მელახ დღაშ ფირქეფი
„ბაბუკა“-ში მდივან ვეძირუკონი
თეში, წანას ვაიშეშქვანდ, ვაგუტენდ,
აბესალომ ტუღუში, ვამოუჸდკონი
მუჭო იჸიდ, მარგებელო მოჸვენჯენდ.
ზვიად ჸურე, გოძიცინით თოლს უტენდ,
სამანჯელი ოკოდ, გეიოჸოთკონი: -ტატოში,
„არაგვხურჩინა“-შე შინულენდ;
„ვემისვანჯასუნ, მუჭო იჸუაფ?
ღვინიც სუმშა ხომ გეგნიხუხუაფ?“
დო, `ნანინა~-ც ოკო ქუგაშინკონი:
„ჸუდე გედგ დო, კოჩი გერე,
ჩხოუ გებიჯ, ჯა გეჩანს,
მარგალურიშ ვამიჩქ გერე,
გეგნოთანგე, მუს მერჩანს?
_ ჩხოუ ხოლო გერენია,
შხვაში ნინა ეკიშქვანს".
უკულ მუში ოკო გოზინდუკონი:
მარგალურქი, ვაგკოდ გედირთუკონი?
რობაქიძე, ქომწი, ხომ ქოსხუნულენდ?
ოფერაშამ ჭირქა ვეშაწურწკონი
ეში, მულა იშ გაჭყორდუდ, _ ფუჩულენდ,
გემიოლდეს, უტურუანდ ტუღუში: _
ხომ ქიგგოხე კისერს ქორთუშ უღუში?
_"იშო მემიდინუთია, ბოშეფი".
დიანინა ჸურე ჯანუდ, რცქინულენდ.
"კვეთებული" ოკო გამკიბღიკონი,
ჩქიმწკმა ართო, უჸორდ, გიმეზეპირენდ.
უმულუო ჯვეშ მუნანანს ამოწმენდ,
"თექ ვაგმაშინ" მიწინდ, ქიმითვალკონი,
შორშეიან მუნანანი ძინულენდ,
"გოშინას მუქ, მუშე, აწმაფორკონი?" _
ნერს გუმუჩქუდ, ნაღდი გურით გონულენდ.
პაპეფს ვაკოდ თაქი ქიგერდუკონი,
ნინო მესხის მომიზეზენდ, წონულენდ,
მესხიშ ხატიქ ოკო გაჭყორუკონი,
მედროვეფი მუ დო მუს ვაგონულენდ,
სინოდიში უსინდისო მოხვარათ _
ზვიადი ყიზლარს, ხანო ვემთოხონულენდ?
მარა ძეგლიშ ბედიდ, ათაშ ფთქვიკონი:
"მიშაში დროშა" წოხლე აწურჩუდკონი,
ზვიადიშეფქ კუჩხი გიჯირქუკონი?
ამარEგერეთ, ნამთინ ვამოჩიულენთ.
მიშაში რე და, მუს მუნორეთ, ვაითხუნა
ათე დროშაქAთავრე გეგნიბორჯკონი?
დროშაშა პატ ვეგეიძუნა, ჟურნალი
"დისკუსია" ოკო წეკითხითკონი.
ამდღარი დღას "კოკო"-ქ ვაგმაშინკონი, _
უკორნებუდ, წიგნის ქინშმოჭარკონი.
"ბაბუკა"-ში სკამშა მის აშახუნედ?
გეიოჸოთანდ ეშე, მიდგა ორდკონი.
უჩინებ მის, მარია ბები აფრთხილენდ.
"თოისერს გოძირანქია დო, მეუფე",
ოჭიშამი, ჭყონშე გიშათოლირი
ბაბუში სკამს კოკოქ ქაშანთხ, აჯინედ,
მოთა აფუდ, მუჭო ელმავარინედ?
ელუდ, ელუდ, ბაბუქ გამნიჯინკონი,
მა ფივრქენდი; ჩქიჩქუს ვეიაჸოთინედ _
გამნიჯინუ, ნერშე გუმულ გოჭყორინქ:
"ეთი სკამი ჩქიმ ვარენო ბოშია?"
გესხაპ კოკოქ, გოკარკაცუ, არტინედ.
ომორდიუ "ვესპუჩიში" ქიანა,
მიშასი დო, კოკოს მუთ ეკართინედ?
ჭარუობას გვალო მუკორთუდკონი,
მიხაკო, დო შალვა ცალო არგინედ,
წუთორენჯიშ წაულირი ბორჯიშა
ბორჯიშ გამაჯგირებელი მაღინედ.
უჯგუდ, უჯგუდ, დიდჭყონ ქოჭყონენდკონი,
ჭყონდიდელიშ ენარდ ვალაზ-დავითენდ?
ამდღარი დღას დალი ვაბშინეკონი,
ირო თიწკმა, ზვიადის დრო აღინედ.
მანანასით შორს ვარტინე, ალუჩენდ.
მანგი, ჟირ ვარ, სუმიც ბორჯო ჸუნდუკონი,
ეთ, დიმიტრი მეფე ბშუნა, ვაუჩენდ?
"მეტიჩარა" _ ილიას ვალაფუნდკონი,
მარა ვამკვე, იმპერიას აგენტენდ,
დო კეკებეს ვამუხვარებუდკონი,
უნჩაშ მეუფეობას მი აღირსენდ.
შეულებუდ ზვიადს, ვეცილუკონი,
ვაგომკურცხეს გვიანშა დო, თის იცვენდ.
თე ბერეფი, არძოც დუქოსუდკონი,
"რუის-ურბნისიში კრება" აეჭვენდ?
"ვეკაწამას"-ს მეტი ქუგახვალკონი, _
"მუშნახუნეფ" გაიოზი ახერხენდ,
ზვიადს, მერაბს, ბეჯითს, ვაგორუკონი
ვაიშალედ, თიშნერო ორდ მუნახენდ.
"დადიობა", ზვიადს ქოუთხუდკონი,
ათე ხიი ოშ პარტიათ ვაკოცენდ,
ოშ გაზეთო ართიან ვაგაფუჭკონი,
იმპერიას მასსა აჸიდ უმუხენდ.
უკუნეფიშ ანბე ქიგიბშინკონი, _
მეტისეფი ქიანეფს დღას ვამინჯენდ.
კადრეფ წკუმა ბერია–ცალ ქორდკონი,
თუთმაცეფი თეზმა მუჭო გოუცენდ.
რაიხსტაგშა დროშა გეშებღითკონი,
ჩქი შივლებეთ, ქართი ჸურე, _მოიმენდ.
მომარგალე ხალხიქ გემიკურცხკონი,
მარგალონას, აიეტი დამითმენდ.