ბორიობას გჷნაშინა
ონჯუარე, ბორიარე, ცას ფორჷნცჷ მუნაფა,
ვამორთუო...ვეშემლებუ მა თიში მონდურაფა.
ცას მუნაფა გილეფაფუ ხუჯი აფუ ერთელი,
ბჟა ვეძირე, ფერ გინოძჷ ღურელიში - ყვინთელი.
ონჯუარე დო ბორია შაირენცჷ, ირქენცჷ,
ჭიჭე ჭყანა მიღუდუნი თინა ხოლო ირკენცჷ.
უიმენდოთ ქჷდობსქჷდი, ფსუა მაფუ ტახილი,
გური ეშალაფუსურე, შური ხოლო ლახირი
დარდი სანძღოს მენჭაფილი გურიში მოწკიტონაფარე,
მუ ფქიმინე ვართი მიჩქჷ, დუცუ მუჭო მუვეხვარე.
დუდი მაფუ გოჯოგელი, ბორიარე ისეროუ,
ბორიობას ნადინეფი აშო ვართი მუკირთოუ.
იქ მემდინჷ, ვეველჷქჷ, ვართ მოურცუ ჩქიმიდა,
თე წვალება მუშენ ბძირი ღორონთქ გემორჩქინჷდა