ბჟაშ ელოულაშ...
ბჟაშ ელოულაშ დოპილ ჯინაქ,
მუზმა აზრიქ ქუმორთ დუსუ....
ვაბჯერს მუჭო ვაიჸორქ მარა
გულოურქ დო რინა ბჭუნსუ...
გურშა ვარა ქიგიდვი ხე დო
ეგებ სიზმარქ გემირთასუ...
მუშენ გოკო შორშა ულა
ელგათხოზუქ ირდიხასუ...
ხასლა–ხასლათ ელვაჸუნუქ
შარა თუდო გუმართუსუ.
ტყალონს დოპწილ მოსართუს დო
დოხვამლაფირს გერდგუნქ დუსუ...
ირო რდუ დო ირო ივაფჷ,
თეთ ვეთებუ თე ქიანა.
თიშენ დებად ღორონს ოკოდ
დო ქიმერჩანს სქან თია დღას.
ვაგაბედა. დღას ვათქუა.
ვავორდ თეზმა უჩაშ ღირსი.
სი დებადი თე ქიანას
თი ჟამს გერჩქუდ მუზმა მისი...
ვარწანქ გურს და შურს ვეცილა,
ტყურას ვაუღ მუთუნ ფასი...
ოღურალო ვეგემეტა,
ხორცით ღურელ კოჩიშ თასი..
ირო რხვამა, ოდო შემლებ
უკულ ალბეთ ძირუნქ შხვასი...
ოჸოროფულ ორდი მარა,
ქენმორაგვე, ხვალე წყარსი.
აკაბურცხა გურიშ ამბე,
მუჭო ჭუათ ვეთუ დღასი.
ათეს თურმე ენინტირე,
წანას ნარგა, უმულასი........