გიფუჩუანთ
ქორდ თიცალი ახალ წანა,
მუმახვამალ ვამათვალედ,
მუთ მემიდინ ჩქიმ ნანაქჷ
ირო ბხვადუქ ხვათახვალე...
ჩქიმო ახალ წანა ვარე,
ვართ ქირსე დო ვართ თანაფა,
გურელაჭვილს ირინერო
მიჭირს სერიშ გოთანაფა...
თინა მისხუნ, ხვალე ვორდე,
თოლპირჭალეფს ვა ვორწყედე,
თქვანი გურშო ბჭარუნდე დო
ჩქიმ მილარნალს მილვოხედე...
თინა მისხუნ, გიფუჩუანთ,
მისხუნ თინა, ხვალე ვორდე,
გოთანაშა მიკვოხედე
ბჭარუნდე დო სი გიჸორდე...
სოხუმი, ფურთუთა 1991 წანა