გოიმორძგვას ომარგალე!

please do not remove empty parameters (see the template documentation).

გოიმორძგვას ომარგალე!
by რამაზ კუპრა

რამაზ კუპრა. "ლაზონა დო მარგალონა" 2009წ.ხ.127

ქელუდირთით ართ-მაჟიას,
მუჭოთ კირდე, ჯიხას-ჯიხა,
ჯვეშობურო ქომოლურო
ზუგიდი დო წალენჯიხა...

მორძგვას დირთუ სქანი ჭარა,
მუჟამს ართო დიბკათუთი:
გალ, სენაკი, ხობ, აბაშა,
მარტვილ, ჩხოროწყუ დო ფუთი...

თე ცაშ თუდო, უმინჯურო
წიმოტებულ სი რექ ხვალე
ვაგაშქურნას, ვადოზურდა
ვამოდირკა, ომარგალე!

ვაგმაჭყორა, მორდებულო,
ქორშგიდუე მა საჸალე:
გობაღ ლური, გომიკურცხი,
გომიკურცხი ომარგალე!...

ირო, ართო, ართო, ართო,
ართო დინახალე დო გალე,
გოიპირუდას, გოიფალუდას,
გოიმორძგვას ომარგალე!...
1993 წანა