გურიშ ოშქაბანეს
გურიშ ოშქაბანეს ნარღი ქენმასკვამპუნ,
ფარონშა მევურქ დო გილაპკოროფუნქ
ცხიმურიშ ჯალეფშა მიკოტყობინელ ხიოლეფს
ჩქიმ დადი ნაკვერანდჷ ფეცხეფს ყებურშონ დო
კართეშა აწიკოროფანდჷ უკულინ, ეთეშ.
მინ კვარაკუნჩხა გომიძიცანს დო მინ ია-ია.
მა მეტ მუ მოკო, აკაბცხა მობაღჷ შურეფურინშო -
გოძიცელ მუთუნს ქობძირჷ დო ხათე
ცხენიშ მაკიბირაიაცალო კილმამირჩქინდუ
კიბერეფი ძიცაშა მიმაწურაფალი.
გილაბკარკაცა უკულ ხვალე დო
კიდუეფი ფორტვა ჯაში მიკონინძგაფით
ტაშის გითმემიშკვანა, გიმმოძახანა ჟიშე ნჯარებულო -
"მუ აკაბცხა რე გობაღჷ ხიოლშონ,
მუშ მაჭიჭა რე გობაღჷ ხიოლშონ"...
დიბრძღუქ ჯალონფალეფშე მოქაქინელ
წკონდა მასქურიშ შუმათ,
ოხარჩალაიაშ რგილ წყარი ორდასინ თეშ დო
თელ დღას ვამოკორდჷ ბედინერობა...
ათაშ გინვოსქიდი მა უჩა ნარღის დო
ათაშ რე იბრდუნქ ჩქიმ დუდს წანეფ რენ...