გური ფართას ქუდოიტე
გური ფართას ქუდოიტე,
მუკონჯამილ კარიცალო.
სინთე დღას ვა ფსქირაფუ,
მიხვარჩალუ მალი-მალო.
გებდირთი დო ნარღეფც ვეჩი,
შურიშ კუმა ჸოფე რუმე,
გინძე ფერდის ქათვოდირთი,
დუდი სკანო ქაწიბჯუმე.
ცას მუკობუდ შურიშ ბანდი,
მუ უწიკო ჭუაშ ლანდეფს,
მირულედეს დღალეფ თავრე
დო მუნაფეფც მიორჩანდეს.
სინთე დღას ვა მობრკებუ,
ვართ მიგორუ ცალი-ცალო,
გური ფართას ქუდოიტე
ღორონთიში კარიცალო!