გურ ვეგიტახა,რინაქ დითირჷ და
გურ ვეგიტახა, რინაქ დითირჷ და
დღას მოჸუნს სერ დო ეკოსერუა;
უკმელა გეთებჷ დო სინთე გეკლურს,
იმენდის გურშა ქენოიხორუანს...
ღვინს იჩინენა მუკულირ ხანით,
ზიტყვას მაჸალეშ, უღ წონა ორქოშ,
სკან ართ მიბაღჷ მა ინოჯინა
ართ ზიტყვა სკანი, მა დღას ვაგმოჭყორდჷ;
ბაღჷ ართ ნაოშალ, მუს მასკიდუქუნ;
ართ ინოძიცა, გოხვიჩინაფა,
ართ ლერს დო ვარა, ართ ბირა, სკვამი,
ხონარიშ სკანიშ ჸუს მორჩქილაფა,
რინა ჩქინ ხოლო ხვალე რე ართშა,
ცას, ართ გოძიცა, ბარჩხალა ჩხანაშ,
მარდიანს ქვერსემს ბწირუნქ მარდისჷ,
ქეშმოხვამილეს, ჩქინ ოულარჷ შარას...
დეკემბერი, 2018
ვაშინგტონი- მოსკოვი