დამორჩილი რე
დამორჩილი რე.
იგანს ბორია.
სიმინდს ტან ვაუმარგ- ტარიშ სიმონკათ, წელ აფ ტახილი.
ლებია ხერხალს მიკიბაწარ დო, იფრელ ართიანშა აფ მელამბირი.
დიხას აშაზეპ კოფეშიეფი, დოშინაფენა ელანჯირათუ.
ყურძენ წილირ რე დო მაჭარი, ინობურდღინუნს, მინ ლაგვანებს დო მინი ბოჭკასუ.
უშქური, სხული, ბია, ჭუბური,
ბორიას გიმე ქეითუფორჩაფუ.
ხვიმას ზესკვეფი გაკილოთუნა,
ჩიტ მითიცხვანტალ ტრიფოლიატასუ...
ზოთონჯ მოტყობუნს...
ვეცად ბორია დო მუშობურათ კინი იგანსუ...
უმოსო...იშენ, რჩინ ჯა მოცოდუ-საბუხარეთ მეურჩქუნა დო მუთუნით არგუნ ვეიოჩირთუნი.