დორთაქ ვაგაშქურინას
ზოთონჯჲ რე დო შარა-შარას
ობირგულე გილაძ თირი,
ცოდა ორე კოჩიში სქუა
მუმაწკმა ჩილათირი,
მუშ ჸუდეშე გინულირ დო
გალე ელასქილადირი.
დიხას მუთუნი ვეფალჷნც
ონდო თჷნც დო ჸინნცჷნი,
მუ გოხვარ, მაზაკვალი
ტვინც მოირხინნცჷნი,
ორქოთ მუგოთონუანც
ტყას მუთ ქიმთორწკინნცჷნი.
შურდინაფილქ ეშე ცაშა
მუჭო ოკო ფურინას,
მეჩირთიდა, კინ მუმაშა
დორთაქ ვაგაშქურინას.
ოღონც, შურქ წკუმონტილი
შარეფი ოკო გოთინას..
ღორონთი მიახიოლანც
ჩილათირიში დორთინას.