დოჩინა (ტარას შევჩენკო)
დობღურუქუნი, დომასაფლით
კაბეტი რზენიში ლუბას,
დომტახით აკარდამა
ჩქიმი ქიანას ტატალს,
ნამდა ფართო ეწერეფს,
ქოთ დნეპრის, ქოთ გაბარს,
ვორწყედე დო ბგინაფლენდე
მუჭო მოურც, ღვარანც.
მუჟამც გორჩხუნც უკრაინას
ზღუაშა დოხიმინწანს
ზისხირს..... ნტერიში საწიწკარიში
ვადიტალენც დიხას.
---მა თიწუმა ქოდიპტალე
რზენეფცუ, გვალეფც,-- ირფელც,
გებდორთუქ დო ქიმვანჭუქ
მა ღორონთის ხოლოს,
ქიფხვამენი თიშენი...
დო თეიშახ
მა ვებჩინე ღორონც.
დამასაფლით დო გედორთით,
კანდალეფი გოკვათით
ნტერიში ჸალა ზისხირით
ალობა დოჩხაპით.
დო მა ფანიას ქვერსემს,
ფანიას დუდშულს, ახალს,
ვაგგოჭყორდათ ქოგომშინით
ჯგირი ნინარით ნარას.
5.11.2015 წ