- დოჭყაფუს ორდუ სიტყვა დო სიტყვა ორდუ ღორონთწკუმა დო ღორონთიდ თი სიტყვა.
- ეთინა ორდუ დოჭყაფუშე ღორონთწკუმა.
- ირფელქ თიშე დიჭყუ, დო თიშ უმუშო მუთუნ ვადოჭყაფე, მუქით დიჭყუნი
- თიწკუმა ორდუ რინა, დო რინა ორდუ კათაშ ნათელი.
- დო ნათელი უკუმელას რჩქჷ, დო უკუმელას ვაგაკიტინუ თიქ
- რდუ კოჩი მოშკუმალირი ღორონთიშე, დო ჯოხოდ თისი იოანე
- თიქ მორთუ მოწამეთი, ნამდა დუმოწმებუდუკონი ნათელიშე ნამდა არძას ქუწამუბუდუკონი თიშე.
- თინა ვარდ ნათელ, თინა რდუ მოშკუმალირ, ნამდა დუმოწმებუდუკონი ნათელიშენი
- რდუ ნათელ ჭეშმარიტი, ნამუთ უნათენს წუთისოფელშა მუმალჲ არძო კოცს
- წუთისოფელს რდუ დო წუთისოფელქ თიშე დიჭყუ დო წუთისოფელ ვეჩინუ თინა
- მუშიანეფშა მერთუ დო მუშიანეფქ ვემიღეს თინა
- ხოლო შიმაწყნარებელ მინეფს ქუჭყოლოფ ხემონდალა ღორონთ-სქუალობაში, ნამნეფსუთ წანს სახელი თიში.
- ნამნეფთ ვართ ზისხირშენ, ვართი ხორციშ კორინიშენი, ვართ ქომოლკოჩიშ კორინიშენი, ინავარი ღორონთიშე დებადეს
- ზიტყვაქ გინირთუ ხორციელო დო ქჷდოდირთჷ ჩქინ შქას, მარდი დო ჭეშმარიტებაშ ეფშა; დო ქოვძირითი თიში დიდება, დიდება მუჭოთ ბაბაშე დუნაბადაში
- იოანე მოწმენს თიშენ დო არგამათ იჩიებ: “თენა რე თინა ნამუშ გურშენი ფთქვი:მა ეკოპნდჷნჲ ეთინა ჩქიმ წოხოლე ქჷგედირთუ მუშენდა ჩქიმშახ რდუ
- თიში ეფშათობათ მიბღით ჩქი არძაქ, მარდი მარდიში წილო
- მუდა, რჯული მოჩამილი რე მოსეშენ, ოდო მარდიქ დო ჭეშმარიტებაქ იესუ ქირსეშე გორჩქინდ
- ღორონთ დღას მითინს ვაუძირუ; ხვალე სკიქ დაბადებულქ, ნამუთი ორდუ ბაბაშ წიაღის, თიქ გეცხადუ
- აჰა მოწმობა იოანეში, მუჟამსჷთჲ ჰურიემქ ქუმუშკვეს ელსამეთიშე(იერუსალიმიშე) პაპეფი დო ლევიანეფი, ნამდა ქოკითხესკონი თიშა: მი რექ სი?
- თიქ გაცხადუ დო ვამოუარუაფ,გაცხადუ: ‘მა ვავორექ ქირსე’
- დო კითხეს თის: აბა მი რექ სი? ელია რექო? დო თიქ თქუ: ვარი.წომიმორაგადე რექო? თიქ ქუპასუხუ: ვარი.
- ქუწის თის: აბა მი რექ სი?ნამდა პასუხ ქიმებჩათი ჩქინ მუმაშქუმალარენსი: მუს თქუანქ სი სკანგურშენი?
- თიქ თქუ: მა ვორექ ხონარი მოქადაგეში უდაბნოს: გუხაზირით შარეფი უფალს, მუჭოთ თქუ ესაია წომიმორაგადექ
- დო მოშკუმალირეფ რდეს ფარისეველებშე
- დო თინეფქ ქოკითხეს თის; აბა მუშენ ნათუნქ, ვართ ქირსე რექ, ვართ ელია, დო ვართ წომიმორაგადე და?
- იოანექ ქუპასუხ თინეფს დო თქუ: მა ვნათუნქ წყარსუ, მარა თქვან შქას ეშარე მიდგარენჲ, ნამდგას თქვა ვეჩინენთჷნჲ :
- მა ეკოპუნდუნ თინა რე, ნამუთი ჩქიმ წოხოლე ქიგედირთ; მა თიშ ჩაფლაშ მონწყუმაშ ღირსი ვავორექ
- თექ მოხვადუ ბეთაბრას იორდანეშ პის, სოდეთ იოანე ნათუნდუნი.
- მაჟირა დღას ქოძირუ იოანექ მუშა მალ იესუ დო თქუ: აჰა, ღორონთიში კირიბი. ნამუთი ეთმეჭოფუნს მუშ დუდშა წუთისოფელიშ ცოდეფს.
- თენა რე თინა ნამჷშენით მა ფთქვი: მა ეკოპუნს ქომოლკოჩი, ნამუთი ჩქიმ წოხლე ქიგედირთუ, მუშენდა ჩქიმშახ რდუ”
- მა ვებჩინენდ თის; მარა თიშენ მოფრთი წყარით მანათალო, ნამდა თიქ გეგმეცხადუკო ისრაელს
- დო მოწმენდ იოანე დო რაგადანდ, მა ვორწყექ ტორონჯი ცალო შურს ცაშე გიმმაულარს თის ჟიდო გერინელს
- მა ვებჩინენდ თის; დო მიქით მუმოშქ მა წყარს მანათალო მიწუ მა.”მიდგას ვუძირუნქ შურს გენმაულარს ნამუთ ქიგიოდირთუ თის, თინა რე შურწირდეთ მანათალ”
- ქობძირი მა დო დუვამოწმი, თენა რე სქი ღორონთიში
- მაჟირა დღას კინ გერდუ იოანე დო ჟირი მუშ მოწაფე
- დო ქოძირ მალ იესუ დო დირაგადუ:”ა ღორონთიში, კირიბი”.
- ქიგეგონეს თიშე თე სიტყვეფ ჟირ მოწაფეეფქ დო ქეკახუნეს იესუს
- იესუქ მიკირთუ დო ქოძირ თინეფ ეკოხუნდესი, ურაგად თინემს: მუ გონებუნა თქვა? თინეფქ უწუეს თის:’რაბბი,-მუდგა ნიშნენდ:’მაგურაფალს”,-სო ცხოვრენქ?”
- ურაგად თინემს:მოლართიდ დო ქოძირუნთ.თინებქ მიდართეს დო ქოძირეს, სო ცხოვრენს თინა, დო ქუდოსკიდეს თიწკუმა თიმ დღას იხაფუდ თაშ ვით საათი.
- ჟირშე ართიქ ნამდგაქ მირჩქილუ იოანეშე იესუშ გურშენ დო ქეკახუნუ თისჲ, რდუ ანდრია, სიმონ პეტრეში ჯიმა.
- თიქ პირველო ქოძირუ მუში ჯიმა სიმონი დო ქუწუ თის:”ქობძირითი მესია, ნამუთ ნიშნენს: “ქირსტე”
- დო ქიმიხუნუ თინა იესუშა.იესუქ ქენაჯინუ თის, დო თქუ: სი-სიმონ იოანეშ სქი; ქიგვადვალუ სახელი კიფა, მუდგა ნიშნენს: “ქუას”(პეტრე)
- მაჟირა დღას ინებ იესუქ ულა გალილეიაშა დო ქოძირ ფილიპე დო ურაგად თის: ქეკმახუნი მა
- ოდო ფილიპე რდუ ბედსაიდაშე ანდრია დო პეტრეშ ქალაქიშე
- ფილიპექ ქოძირ ნათანაელი დო ქუწუ თის: ჩქი ქობძირითი თინა, ნამუშ-გურშენი მოსეშ რჯულს ჭარუდუნი დო წომიმორაგადეეფი, იესუ იოსებიში სქი ნაზარეთიშე”
- ნათანაილქ ქუპასუხ თის: ნაზარეთიშე მუქოკო იხუას საჯგირობუოქ? ფილიპე ურაგად თის : მოლართი დო ქოძირი”
- იესუქ ქოძირ თიშა მალ ნათანაელი, დირაგადუ თიშგურშენ: ა, ჭეშმარიტი ისრაელელ ნამუსით ვარე მაზაკვალობა
- ნათანაელ ურაგად თის: მუშენ გიჩქუქ სი მა? იესუქ ქუწუ თის პასუხო: სოიშახ ფილიპე დოიძახუდუ, მუჟამსით გერდი ჯაშ ჯინსი მა გორწყედ სი
- ნათანაიელ ქუპასუხ თის: რაბი! სი-რექ სქი ღორონთიში, სი რექ მაფა ისრაელიში
- იესუქ ქუწუ თის პასუხო: სი რწანს მუშენდა მა გიწი სი: “მა გორწყედ სი ჯაშ ჯინჯს გერდინი” თეშ მეტის ძირუნქ
- დო ურაგად თის: ჭეშმარიტო, ჭეშმარიტო გირაგადუთ თქვა; ანწწიმუ ძირუნდათ იხი ცას გონწყუმილს დო ღორონთიშ ანგელოზემს კათაშ სქიშა ეშმაულარემს დო გიმმაულარემს.
