ეკონია ლერსი სქანდე
მა მოკო თიცალ მუდგაიჸინ გიწუენ,
მუთ ჩქიმ დუდს შეგოცოდილუანსინ...
მა ათაშ მოკო!
მა ვა ვორექ ასე შოშეს,
ვა ვორექ გოჸინილი,
ვა ვორექ ღორებული,
ვა ვორექ შქურინაფილი...
მარა მა იშენით
მოკო გიწუენ მუდგაიჸინ თიცალი,
მუთ ჩქიმ დუდს შეგოცოდილუანსინ!
მა ასე ვოჯანუქ
მა ვოჯანუქ
მუდგარენნერ უშონთუ რჩქალობუათ,
მუდგარენ ძალამო ჩქიმი დო
ძალამო ხოლობერ შურუბუმობაშ მორინას
დო გურს ვუჩა:
მუ შემილებჷ გიწუე თიცალი,
მუთ ჩქიმ დუდს შეგოცოდილუანსინ...
მა მოკო თოლშა აწიბრინუენ
სქან მუნულა ოთახუშა.
მა მოკო თოლშა აწიბრინუენ
ჩქიმ დოხვალამა.
მა ვა მოკო შეგოცოდილუე ჩქიმ დუდი ჯვეში ჭუეფით,
ვართ ჯვეშ ბორუობეფით,
ართ ბორჯის ხელერდჲ ჭვემას წიმორინათ
ართ ბორჯის ნგარათ...
ამდღა მა ვორექ ჯგირო
დო მა მოკო შეგოცოდილუე დუდი
ჩქიმ ამდღანერ ჯგიროიანრინათ,
ჩქიმ ამდღანერ სირჩქალათ,
მუშენ-და, თე სირჩქალა დო ჯგიროიან რინა
ხოლო ართშა ქუგმოშინანს თის,
ნამდა ჩქიმდე გიშელჷ ჸოროფაქ.
მა მოკოდჷ მითქუალუდუკო მუდგაიჸინ თიცალი,
მუთ ჩქიმ დუდს შეგოცოდილუანდუნ
დო გირაგადუქ:
„მა ვა მიჸორქ ანწი სი!“