ეს ფიქრი წავა ოცნების იქეთ
| ეს ფიქრი წავა ოცნების იქეთ ავტორი: ტერენტი გრანელი |
ეს ფიქრი წავა ოცნების იქეთ
და შენ გაჩნდები, როგორც მისანი.
მე დღესაც ვნანობ, რომ ვერ გამიგე,
რომ შენ ამდენ ხანს ვერ გამიცანი.
თუმცა სიცოცხლე მაინც კარგია,
ღამის გრიგალი თავზე მევლება.
სიკვდილის გარდა, კიდევ რა ჰქვია
ჩემს ასეთ გლოვას და აღელვებას?!
ვფიქრობ, ხვალისთვის ძალას დავიკრეფ,
ვფიქრობ, მძიმეა ჩემი მიზანი.
ვნანობ ამდენ ხანს, რომ ვერ გამიგე,
რომ შენ ამდენ ხანს ვერ გამიცანი.