ვადაინდეს ჩქინი ხვითო
დანიელ ფიფიას
ოჯინჯალეს სქანი ჯას სერდათ ვუჯინექ,-
აქ ჭვიმა რე ჩილამურიში, ბრელშა სუნჯი რე
დაფირქება, სქანი გურსუ, ირო მეტი რე,
ქუვორწყეთ, თე ქიანას, ირფელი ბედი რე.
მუსხანი რე, სქანი ჸუდეს ორწყექ მელეშე,
ვადაინდეს ჩქინი ხვითო, ჩქინი მელერსე
გაგმირჩქინეს უკოჩობა, თეში მანწარა, -
მიქ მასქიდ, "ხუმლა კოჩიში" ჭკვერულ მაჭარალს.
მიქ ოჸოთ "ბულათიაში" კვანწილჲ მაკვირეს,
სო რდჷ ღორონთი, მუთ ვაჭყვიდჷ ტერეფი აქილე.
ვეშილებე, ვეჸუაფჷ თენერჲ ჸვილუა,
ქოთქუანა: ჩქინ დანიელქ ქიანა მილუა.
ირიართო ცხორცხალცალო დო ჭკუათ გიგულენთ,
ჩქი ვაჟა დიდებუანს ბრელშა გიგურეთ,
ანწჲ სიზმარო მოღვარანა ხოჯეფჲ უღული,
ნატყვიუ ჸვას გიფერუანქ ბორჯიშჲ უკული,
მუქ შაყარუ ეშმაკეფი, თესხი მესეფი,
მონარღჷ სქანი უჭარუო ჸვილირჲ ლერსეფი.