ვავა, ჯიმაია
გურქ თაიშა ბრელი ღვარუ,–
თე ქიანას მუ ოხვარუ!
ვავა, ჯიმაია!
შურქ დინახლე მიონგარუ,–
ჩქინი ბედი მის ობარუ!
ვავა, ჯიმაია!
სქირუ ჩქინი ინჭა, ღალუ...
ბრელქ ჩილამურს უღვარღვალუ!
ვავა, ჯიმაია!
მიქ გინობჩეს დო მიქ ბჭყესუ,
ბჟა ვეძირე თოლონჭესუ,
ვავა, ჯიმაია!
მოსირესუ ჭყინტურეფი,
ჩქინ ნტერი რე ჩქინ თურეფი!
ვავა, ჯიმაია!
გუმაღვარღვუ ფირქი ნართი,
მუჟამიშა იფთვინათი...
ვავა, ჯიმაია!
შურქ დინახლე მიონგარუ,–
ჩქინი ბედი, მის ობარუ!
ვავა, ჯიმაია!