თითქოს ვარ, თითქოს არა ვარ

თითქოს ვარ, თითქოს არა ვარ ავტორი: ტერენტი გრანელი

თითქოს ვარ, თითქოს არა ვარ
(ალბათ ვიღაცა დამეძებს).
და შემაშინა სიზმარმა
მე, წუხელ შუაღამეზე.

ვიღაც გავიდა ეზოდან
(ალბათ ვიღაცა დამეძებს).
რაღაც ჩურჩული მესმოდა
მე, წუხელ შუაღამეზე.

ასეთი ლანდები მომდის
(ალბათ ვიღაცა დამეძებს).
და შემეშინდა მოკვლის
მე, წუხელ შუაღამეზე.

რესურსები ინტერნეტში

• მამარდაშვილის ციფრული ბიბლიოთეკა