თირი (გალაკტიონ ტაბიძე)
მა ძალამს მიჸორს იაშფერ თირიშ
ცირეფიცალო ხიდეშე ღვაფა:
ნწარას გინაფა შოლირი ჭირიშ
დო ჸოროფაში თაშ მოთმინაფა.
გოლუაფირო! შურ მაფშაფ თირით,
დღალეფ მეულა დო მა დოფრჩინექ...
ჩქიმ ოდაბადეს მა ხვალე მივლი
ტიოზი ლურჯო გინოფორჩილი.
ოჰ! ჯგირო რინა ჩქიმოთ ვაშინერს:
იანარიშოთ ჯიმათ ვრდელექი,
მარა მა ირო ქოგუმაშინე
სქან თირიცალო ფაჩილ ხელეფი.
ვორწყექ სქან ხელეფც, თირიშ მოვალეს,
სოდეთ დაფისი შური ახორსი...
გოვალუნს, შკირტუ დო კინ გოვალუნს
ათე ტიოზის სქანი ცახორცი...
ათეშენ მიჸორს იაშფერ თირიშ
ჩქინ წყარმალუში ხიდეშე ღვაფა,
მუჟამს თუალა რე ართო ჯგირი
პეულეფიში ზისნახე მაფა...
თუნც! თეჯგურა დღაშ რხინაშ სიდიდათ
თირს ოფორალო ითამ მეპუნდა...
მუთუნით ზოთონც გინვოსქიდი დო
მუთუნით ქარქ დუდ დომანებუდა!
ორე შარა დო სი მეურქ შქასი,
ლაჸაფით მორთხოზ დღალეფ ულირი.
მა თირი მიჸორს, მუჭოთ სქან ხმასი
ართ დროს მიჸორდუ ჯაბი ფულირი.
მიჸორდუ თიმწკმა, არძაშ უმოსო,
შუში დღალეფი, თირსი ნაჩუა,
დოლოშ ფურცელეფ სქანი თუმასი
დო თუმეფიში ქარით ფაჩუა...
მპუმენქი ასე, თეში ნწარეთი,
მუჭოთ ჭკორს ჸუმენს რინა დოხორეს...
ჩე ტყალეფიში მოპუნს ჯარი დო
კინ ხვალე ვორექ მა ჩქიმ წოხოლე.
თუნც! თეჯგურა დღაშ რხინაშ სიდიდათ
თირს ოფორალო ითამ მეპუნდა.
მუთუნით ზოთონც გენვოსკიდი დო
მუთუნით ქარქ დუდ დომანებუდა!