ილვოსორგუთ ღალუს
„სქან ოცქვაფურ ისტორიას
ხეჭკურილო მიკურექ.“
„შურობუმუ“ გ. სიჭინავა
პონტოქ „საპონტოთ“ გინირთუ
აიაქ საარიკოთ,
ჩქინ ქიანაშ მითაჟამს
კოროცხუნა არიკო.
ინგირი დო ჭოროხ
ირისი დო ჰალის,
ქიანა მევოდინეთ
ილვოსორგუთ ღალეს.
ირანქ დო ბიზანტიაქ
შქას ქინშმოყალეს,
აწი მუთა მაღოლენა
მოჭნან თიშე ვარეს.
გერდუდამს მუთ ვოგორით
იფრელი თიშ ვალეს,
ჩქინ ქიანა ეჭყვიდეს
ვართ მუნეფს გაფალეს.