კოლხიშ იმენდი
ქირსე ცაშე ქიგნმოჯინი, სქანი ანკია გურითია,
ძალა აშალიერი მაფუ, შური ეფშა ფურითია.
მუჟამირდუ მუმა სქუას, ოღურუშა უტენდუა,
კოლხი მტერებს ურძუდუნი, ქირსეშ მადლი უღუდუა.
ადამ ღორონთ სი გარჩქინი, თე ქიანა ჩუქებულო,
ონწეშ ნინა ქიმურჩქინი, ბჟა დო თუთა ანთებულო.
დონთხაფილო ქოძირინი, სკანი ძალა ვემეირკებუ,
ახალი რჯული გარჩქინი დო, არძო კათა გიშაირსხებუ.
დადიობას მა ვართხულე, თე ქიანაშ მეფობასი,
სქანი წკონდა ძალას რთხულე, შურიშ გინმასქილიდარსი.
ჩქიმ გურს სქანდა მუ აფულე, ნინას ვორაგადაფუე,
სი რექ ჩქიმი ღორონთი დო, ძალა ქომუჩი გემსახურე.
უფალი იესო ქირსე, სქუა რექი ღორონთიში,
მა უღირსო მონას, ირო მიღუდუ სქანი შიში.
რჯულიშ მიმარჩქილე ვარე, კათაში გინმასქილიდარი,
რჯულიშ შემასრულებელიშ ხვამა რე, მარჩინალი.
იბერიაშ პირსელი რექი, სი ანკია მარიამი,
სქანი იმენდი უდინაფუს, შარა გეუძუ მადლიანი.
ჩქინ ცხოვრებაშ გინმაჯინეს, თოლეფ ჩილამურით ეფშა,
სი სქან სქუას ოხვეწუქ, კარ გომინჯან ოხვამეშა.
ქირსე გოთანას მინათენა, წკურუმიას ვენუანთხათი,
დიო დღარო ვაფსაჯენა, ჩქინ შაყარელ ცოდათი.
დიდედა რექ მარიამი, სქანი თოლეფი უსქირაფუ,
გური შეწუხებულ გაფუ, ჩქინ რინაში მაძირაფუ.
სუფრას ხვამაშ მანგიორო, ართიანსი ვოცქვანთია,
შხვაშ ოჯახშა მეულირო, ხვალე კუჭის ვორძღანთია.
კათა გამართლებას ელუ, ვარჩხილიში ძალათია,
კოჩანაში მუ გიწუათ, გინიბრთით კუჭიშ თია.
სი პირსელი მარიამი, ღორონთი რე სქანი სქუა,
ჩქიმ ნინა დო ოდაბადე, უმინჯურო ვადომტუა.
მა უღირსო ქირსეშ მონას, ღურა დღაშა ქუმოძირი,
ჩქიმ ქიანა იბერია, ართო აკოზგუმონჯილი.