კოჩჲ ირო...
კოჩ ირო დახონებულიე, ნარტით,
ზალამით დო ჸოროფათ.
წყარმალუეფ, გვერელია პეულეფ
ჩქინო რენა.
ინეფც აჭუნან, ჩქი ვა ბგინაფულენთ,
ჩქინ – ინეფც ირო აჭუნა,
მარა ვეკაღვარენა მუნეფიშ შურუბუმობათ,
მარდის მიგანა დო ბრელ მუთუნც მიკოფორილც
მუკმომრჩქინანა.
ქობძირუნთო თენეფც ირფელც? ვარა ბძირუნთ, ვარა – ვარი.
უბენარობა მასქურო ინმაქაქალუნა,
გეშებკაშათ აკაშა შურ დო ართიანიშ ამნახანტეფ
ქუწყორუათ ცას.
აქ იშენ ბოლოშა ვებწყორუთ ნამთინ.
ჩქინ ნარზაქ სო ოკო იგორას?
მურიცხეფც ინა ვა რე,
პიორც ხოლო ვა უღაფუნც ლენიშფერ ოსარეს.
ართიანიშ ფირქეფც რე ჩქინ ნარზა,
ცაშ ინოხ რე მიშაშილი.
შურ გირთუ დო ჩქინ ლანდი
გიფშაფუ უხენო თუთაშორო....
ადამიერო დოსქილადას უჯგუ
გვიგვილერ ბჟას ცუნდო
ელაძაციუენ,
დაცორქებულ შარა მიკილენ დო
მიარე რზაფა შურუბუმო გეკოღვარუენი,
მინშა ნინათ დო მინშა აგოთანათ.