კუპლეტი.1-3

1.ნამუქით გარჩქინ ქიანა
მუშ ძალით ჭყანიერითუ,
ჟიმორე ირ შურდგუმილი
გებიჯგუ თიშ იერითუ,

ჩქინო მუჩამუ ორინჯეშ,
იკარკანტ იშნერ ფერითუ,
თიშე რე ირი ხენწიფე
სახეთუ მუშნიერითუ

2.ართი რექ დო მარდიანი,
სქანდე სახე ირი ტანსუ,
გემოტე დო გემორჯგინე
თე სატანა ღილიტასუ.

მეტ დღა ვადოდვალუდასუ
ჸოროფასუ კინირთასუ,
ცოდეფ გიმე ქუდუფართხი
ჟინ შარაშა მიქ იდასუ.

3.მის ოსქუ,- ჯილოს,- მორქია
ჭვირთი დო ყამა-ფარიში,
ღვაჭიჭვა, თომა-გიშერა
მაფაში ბჟა თამარიში.

მუთი ვშკიდუა ოცქვაფურ
ხენწიფეს დიდი კარიში,
თიში მოჯინესუ ოკადრუ
ცქვაფა სისქვამაშ ძალიში.