კურდღელეფი დო გორდეფი
კურდღელეფი ნაპტანს იჭიროთუდეს მუნეფიშ გინომეტაფილ შკურანჯიობათ დო ირიათო ხიფათიშ ლებათ. ათე წუხებათ კისერშა ეკულირეფქ ართ დღას გეგნოჭყივდეს დუდი დუჸვილუდესკო არხაშე ტომბა მერეშა სხაპუათ. გინნაჭყვადუშ ოქიმინალო რულა ქიდიჭყეს ბრელქ ართო. მერეშ პიჯის წუმონჯირელ გორდეფქ ქიგეგეს თენეფიშ თვათვეფიშ რეფაფი, დოშკურონდეს დო აწა-უწათ ინტეს ტონბა წყარშა დუდიშ მუკაფორაფალო. ართ კურდღელქ ქოძირ გორდეფიშ აჭი-გაჭით სხაპუან, გაჩენდჷ დო ქუდუძახ მუშ მაჸალეეფს: „ჯიმალეფი გაჩენდით, დოტოულეთ, ვაღოლათ მუდგას ორთუთუნ თინა; ქიმკაჯინით შხვა სქელედეფს, ნამდგეფი დიოდღარო შურდგუმილეფი რენან, ჩქინდე უმოს შკურანჯიეფი ჸოფენა.“
კოჩის გურ აძინუ, მუჟამს მუშე უარესის ძირუნსუნ.