ლუკა. დ.18; ხ. 10-14
XX. ჟირი კოჩქჲ ეკიმიიშესჷ ოხუამეშა ოხუამალო, - ართი ფარისეველი დო მაჟირა მაზირალი. ფარისეველიქჲ ქეგედჷრთჷ დო იხუამანდჷ მუში დუდიშო ათაში: "ღორონთი, გიმარდჷქჷ სი, თეშენი ნამუდა ვა ვორექჲ შხუა კათა შორო: მიდჷმაღალარი, მეტჸურანჯე დო წკუნწკი - ხორცამი, ოკო ნი ათე მაბირალი ჯგურა: ვიპიჩანქჲ მარუაშე ჟირი შახჲ, შეთეპწირენქჲ ირიფელი ჩქიმი მონაგებიშე ვითიში დუსჲ". დო მაზირალი შორსჲ გერდჷ დო ჟი თოლითჲ ეშაჯინასჷთი ვა ბედჷდჷ დო კიდირიშა იბახუანდჷ დო რაგადანდჷ: "ღორონთი, გჷმატიბი მა ცოდასჲ"! - გიწიინთჲ თქვა: "ნამუდა ათექჲ გამართებულო მიდართჷ მუში ჸუდეშა ფარისეველიშე უმოსო, თეშენი ნამუდა: მითი მუში დუდითჲ დუსჲ ეემაღალენსი, თინა დეენდაბლებუ დო მითი დეენდაბლენსი მუში დუსჷ ნი, თინა ვემაღლებუ."