მარგალემს
ჩქი ჯვეშ კოლხეფიშ ვორეთ გამნარყი
დო ირო ოკო ფშუდანი თინა,
სამარგალო რე ჩქინ ოდაბადე,
მარგალური რე ჩქინ ნანაშ ნინა.
მის ატყობინე ჩქინ ისტორია,
ჯვეშმარგალური ხვამა დო ბირა...
აიაშ მაფა აიეტი დო
მედეა-თიში თოლგვირა ცირა.
მა ირო ფთქუანქ თიშ გასაგონეთ,
მის გურს უჸვილუნს მარგალიშ შინა:
სამარგალო რე ჩქინ ოდაბადე,
მარგალური რე ჩქინ ნანაშ ნინა
დო ირო ოკო ფშუდანი თინა.