მარგალურ პოეზია

1.თენგიზ ფეტელავა

            *გეიშანათი!

• სი რექუ ჩქიმი ოდაბადე დო ნახაფული ყათე ცაში
  
• ორსხეთიში ტიბუ ფერეფიში ეკნამუნათი გეგმოორთი აში
  
• დარჩიჩიებუ დღახუეფი ოხვამედო ცხოდიში მესი
  
• მიქუ მუჩესუ ჩქი ბჟა კოლხიში ზღვასუ ენაქვერსი.
  
• კინოხ მემიჩქუ გილეთხინდი სქანი სქუაში შური დო გურცუ
  
• ვაგოურკა თინძალასუ დო დიდაშა მურცუ!
  
• სახიოლოს დო ნაბორიუს კინოხონც ლურცუ.
  
• გეკოქვაჩი გოძვაძვილი სქანი ფაფარი
  
• ჯვეშიქუ მიდართუ ნოსისმარი, ვითომც ღუმა,
  
• ცას ქუდეფითუ ევოფშანთუ, სით გახიოლე
  
• გუმანგი თოლი სქუარენდო არძო ართირე;
  
• გეიშანათი!
  
• გეიშანათი, გურიში გაბლა კორკონტია.
  
• სქანი ორინესუ არძო დართუ ღორონთია,
  
• ქიდარჩქალ, შქირენული სქანი სქუა
  
• ქირქეში დუცუ მერინელი აშო მიკირთინ, ჭუა!..
  

            *ჯიმაგე!

• მა, დობღურიდა ვადოფულა დუდი დიყვილუშო,
  
• სქანიდა მემჩამუ სითელა დო ჩქიმი რთინა,
  
• მა ვამმაჯინ, ნჭყოლირი გურც მუჟამს ბსქიდუქუ,
  
• მუჟამს ეთმოდორთუ ნახაფულიში გოჯორგელი ჩონგურიში ბირა!
  
• თი შური, ნამუთი სქანდა მემჩამუ, უღურალაში ნოცხაცხელარე,
  
• ნამუთი გოტყვაცი შქირენალაში გიმოულასი.
  
• კოჩანობაშო მიორღვი სითუ ხე დო ბირგული დო,
  
• ფინთილი ცაში კარაკანტი ქიგნმოოდირთუნი!..
  

       *კინოხონიში ყუდე

• მა გეგმოობჩი ჩქიმი ჯვეშეფიში ყუდე,
  
• თიში ვარკალიში ცოდას ენოობყუნდე,
  
• ვაგოურზი სიჭიჭარაში ტირტინცუ
  
• საწიმოთო ვამათვინე მითინც!
  
• მა გამვოსქიდი ანდა წანერი ყუდეს
  
• ნუძუ ჯალეფიში შური ენართუდესუ
  
• თიში გორგოთისუ გინარჯგინუ რაქვალქუ
  
• მიდამიღუ საწიმოხუნო ჯაქალქუ.
  
• მირაგადუ აბა თეში იბშიო
  
• შურიშია შური ვეშებშიო
  
• მუკი ყვან ვეშვაშვალუ ჩხვერი
  
• მუშენირე რინა ოშინერი?!
  
• დო გოფაბჩუნქი ჩქიმი არზეფიში თანგალს
  
• ბაღანობა შარას გილეხანგალც
  
• თურმე ნოყელც ნაფეფინა პირი
  
• მუში ოროსუ გითოღურუ კინი.
  
• ასე მონჯარუ ჯვეშეფიში ჯერღვი
  
• უსისხირექუ გილააბრთი, გილებყერყი:
  
• მა გეგმოობჩი ჩქიმი ჯვეშეფიში ყუდე
  
• თიში ვარკალიში ცოდას ენოობყუნდუ!...
  

   *ქომხუტოლე ართშა!

• შხვაშო ეფუნქუ თხოლო
  
• ჩქიმ გურც გიომარჩხა
  
• ქომხუტოლე ართიშა
  
• ხოლო ! ხოლო ! ხოლო !
  
• ცა დო დიხაში ფოლო
  
• თოლემც მეთხოზ ღოლო
  
• უსქანებას ორო
  
• ირკოც ბჭკომუნა დოლო.
  
• ვორექ სქანი მართვე
  
• ფსუა ქომუჩი მარდირე
  
• მეტო მორდული სქანიცა
  
• ეშე ვეიჭვართე!
  
• შხვაშო ეფუნქუ თხოლო
  
• ჩქიმი გურც გიომარჩხა
  
• ქომიხუტოლე ართიშა
  
• ხოლო ! ხოლო ! ხოლო !
  

     *ფანდური

• ვო, ფანდურ–ფანდური
  
• სქან ტანი ნამ ტყას ჩანდუნი,
  
• მახოხია ჯაშქვიდუ
  
• კისერც გითოიფშანდუნი.
  
• ვო, ფანდური–ფანდური
  
• სქან ტან ნამ ტყას ჩანდუნი.
  
• ნამ ბორიეფ გიქინძუანდუ
  
• კაბას ეკკოღანდუნი!
  
• ეჰეჰეი ფანდური,
  
• ტყა ხომ ქორთხილანდუნი
  
• ამდღა ჩქიმი ხე გითქოხვახვუ
  
• ჯაშქვიტუში მანგური!
  
• სქან გოლუაფირო ფანდური
  
• გიყორც ხინტურ–ხანტური
  
• საქორთუოს ქიგნაქუნი
  
• სქან ჭუეფიში შქართუნი!..
  

2.მურმან წოწორია

      * * *

• სოიშახ
  
• სიზმარს ვორწყექ მარგალურო,
  
• სოიშახ
  
• ჩქიმი და დო ჯიმაშ შური მანთხანს,
  
• სოიშახ
  
• ჯოღორეფშორო დოვძიძგონუნთ
  
• ართმაჟიას.
  
• ვამიწყინა
  
• სქან ნინაშა ლექსი ვჭარენ,
  
• ვამიძალა
  
• დიდაშ ნინაშ გოჭყოლადა,
  
• ვაგომძიცა
  
• ეგებ ვორდე გვალო ხანგა,
  
• ვამაცალა
  
• სქან ჯინჯიშე მოჭყოლადა.
  

  *ჩქიმ ცხოვრება ათაშიე

• საქორთუოშ ისტორიას
  
• სამარგალოშ ვგორუნქ ჯინჯეფს,
  
• ღორონთუმე გამაშერენს
  
• მითაჟამიშ სიმახინჯე.
  

• მუქ აღოლეს ვაგმაგინუ
  
• ჩქიმ წინაპრემს, თე ჩქინ ჯინჯემს,
  
• ჩქინ ნაჭარა წიგნეფიშე
  
• გეიშალასეს, გეიშაგრინჯეს.
  

• ამდღა ხოლო სამარგალოს
  
• ბრელი გითმუტახუნს ბიჯგემ,
  
• ხოჯიშორო გილვოგაგანთ
  
• გილავღორანთ, ვგორუნთ მინჯეს.
  

• ჩქიმ ცხოვრება ათაშიე
  
• დიო შარა გიძუ გინძე,
  
• თე ქიანაშ დიდა ვარდას
  
• მა ვორექ დუდიშ მინჯე.
  

• ვქეიფენქ დო ლერსის ვწარუნქ
  
• ჯიმა ორდას ვამწანს ღიჟე,
  
• კოჩი რექ დო, სი ქუგალე
  
• ჩქიმი გური იერინჯე.
  

      * * *

• შურობუმუ გინვორთინეთ
  
• შურუბუმუ ქიანათ,
  
• ჭიე–ჭიეთ მევოდინეთ
  
• ქიონი დო დიარათ.
  

• ორთაშ დორთაშ თოისერი
  
• მემორჩქუნა დიარათ,
  
• თეშენ მითინს ვემიორჩქუ
  
• სამარგალო ქიანათ.
  

    * * *

• მარგალ ვორექ, მანგარ ვორექ...
  
• ცაშა მემიჭოფუ სუა
  
• აიეტიშ ჯიშიშ ვორექ
  
• საქორთუოშ ხვითო სქუა.
  
• არამხუტუშ მოთა ვორექ,
  
• ამირანიშ ძიძესქუა.
  

     * * *

• კატძღაბშორო მევკორობუნქ
  
• ჩქიმ ქიანაშ მითაჟამს,
  
• მუმა ჩქიმი თუთა რე დო
  
• დიდა ჩქიმი ორე ბჟა.
  

• ხვიჩა–ხვიჩა მურიცხეფი
  
• ორე ჩქიმი ჯიმა–და
  
• უკახალე ჯინა მიორს
  
• ვამიორს კინორთა.
  

• პიტა–პიტათ მომილებუ
  
• ოხვამეფ, ჟინოთა
  
• ლექსით მოკო დინაფილი
  
• მითაჟამიში მიკორთ.
  

3.ლუდუკი ძანძავა

        * * *

• ჩქიმი ყუდეში მარჭიხოლი
  
• შხვა ქიანაშა ვაფურინა
  
• ჩილამურით ვემიფშა თოლი
  
• ვამომიწამალუა რინა
  

• გელუქი ოდაში აბარწაშა,
  
• ქიმიობირე, ქიმიოწკაფი,
  
• დღას ვაფთირუა შხვაშა,
  
• ჩქიმი გურხანტურელი ძღაბი.
  

• სქანი ყოროფათ ხეში შკა გური,
  
• ჩილამურით მაფუ ეფშა,
  
• ზესქვი ვორექ ვართ მალაღური,
  
• ვარი ვაფთირუა შხვეფიშა.
  

• გოფინი, გოფაჩი სქუალეფი,
  
• ქიმოძირი ბჟაში სინათლე
  
• გევორჩქინათ სქუალეფი
  
• ყოროფა ხანდა დო სიმართლე.
  

        * * *

• სერი მიყორს თუთარჩელა
  
• მურიცხეფით ხანტურელი
  
• ცხიმურიში ჯინს ტაბაკი კველა
  
• ყებურს ქოთომი შამფურელი.
  
• ორკოლს ღვინი ოჯალეში
  
• სქვერი მინდორო გოტებული,
  
• ლუღი ნაწილა ოჭმარეში,
  
• ბაჯარს დაჩხირი მონტებული.
  
• სქვამი ცირაში ხეთ ნაქარგა,
  
• პაჭიჭი ცქვამას მორგებული,
  
• ვარყა ახალი ნახენდი ხანგა,
  
• შულადირო მოთებული.
  
• ნაპოში მორჩქილა ჩონგურით,
  
• აკაკიში წიმოწყაფილი ობირაშე
  
• ძუკუში სარანჯი თოფურით
  
• ზინთხი ეშაყუნაფილი ოქუმ წყარშე.
  
• მარულე დო შაყარუა
  
• ძღაბიში გინოძირაფა,
  
• ჯაში ჯინს ხოჯიში ტყაბარუა
  
• შვებას ეთო ბირაფა.
  
• დიარას კუჩხიში გერინელო
  
• კოჩანიერი რაგადი
  
• ჭიშკარს ცხენით მერინელო
  
• ღართი კაბა დო ნაბადით,
  
• ათენერი მიყორს, ათენერი მწანს,
  
• ღორონთიშ რსხებულო
  

       * * *

• ალილოიდა, ალილოიდა,
  
• მოქუჩუჩელი სქანი ოდა
  
• გოკურცხი მენძელი ვაგგოჭყორდა
  
• ქისეში მახარებელი ვორდა.
  

• ქისეში მოულას მიგახვამა
  
• გოწოს ვარდი ეში მასქვამა
  
• ყუდე ელი მოლი ელნახვამა
  
• თოფური შანქარიში მაჰამა.
  

• ორდალი სქვამი ბაღანეფი,
  
• ტან დო კუჩხის ახალეფი
  
• ჩხოულეფი ღეჯეფი მახალეფი,
  
• გოფსირედანი ძაღარეფი.
  

• მარან ეშა ხვარიელი
  
• სინჯა ჭკვერი ტარიელი
  
• ოდა საბზადი განიერ
  
• ორდალი ჯამთელი ხანიერი.
  

      * * *

• მებთხოზუთ მუნაფას,
  
• კომერციული გურაფას,
  
• მიდაღალათ შქურინაფას,
  
• თოლიში ეთოტყურაქფას.
  

                     

• ამდღა მის ოკო ნახაზეფი,
  
• ცალიორი მაღაზეფი,
  
• მივოდინეთ აფხაზეთი
  
• უყვაწდელოთ ანთასეფი.
  

• სორე ამდღა სამართალი
  
• ა ტყურა დო ა მართალი
  
• შხვაში ქონებაში გიმართალი,
  
• თასო მონძო გაჭყვადალი.
  

• ვაყუნს მინჯე ქიანას,
  
• სერიშა ვედგეგვიანას,
  
• ჭაჭაქ ვედგეზიანას,
  
• მუმოხვარუნა იანარს.
  

• მუჟამიშა თეცალი რინა
  
• ხანდათ ართიანს ელარინა,
  
• ჭეში მეტი დეპკუნტორანი ნინა
  
• საზრდოთ ევობშათ ბინა.
  

      * * *

• ათათია, ბათათია
  
• დემეფს დუდი მებკვათათია,
  
• ყილოს ქიგებდოხოდათია დო
  
• შქა ტყას გეკიბკათათია.,
  

• თექი მითი დობხვადუნა
  
• აშო გეგნოფაფრთხათია,
  
• ეთეში თინა ქორხვადუნა
  
• გური მაფუ მოულირი ამდღათია.
  

4.ივეტა წითაშვილი
 

     ***

• დამორჩილიშ ბუძოლიას
  
• არყებენა ბერწულეფ,
  
• მელე-მოლე ქურღვაფუნა
  
• მუნეფიში მაყარეფ.
  
• ტანს კაბა ქუგოხარცქუნა
  
• ჭითათ ელაძარწუფელ,
  
• ბერწულეფიშ ელაჯინათ
  
• პიჯ გუნჯამნა ჭუბურეფს.
  
• წყარი ღალსი ქელაყუნდუ,
  
• მუშ ოლაგეს ვენტირედ,
  
• ავარცხილს ახვარჩალუდუ
  
• გურშა ველაცადინელ.
  
• ბორია-ჭარკანტ ნაჩილათუს
  
• იკილოთუდ ოხვამეს,
  
• ჩილამურით ოშკვიდუანდ
  
• ცოდას ელადაჩხირელს.
  
• ცასი კარი გოუნჯამუ
  
• ჭარკანტიში მოჯინეს,
  
• გეცუმენა ზესკვეფ ჟიშე,
  
• ართო ქიგორგოთუდეს.
  
• თოლეფ გეწკურილ გაფუნო
  
• გური ენოდარაზელ,
  
• დამორჩილის ბუძოლიას
  
• მუჭო გარძი უჩქიმეთ.
  
• ვეშერყიპ ბერწულეფიშ
  
• არყებული მაყარეფს,
  
• წყარი ღალს ვაიძირუნო,
  
• ოლაგეს ვადონტირელ
  
• ჭარკანტიში ნაკილოთა,
  
• ელნანგარა ოხვამეს,
  
• ვარა ცას ვამკოიდგუდუო,
  
• ჩარდახ ეკოჩარდახელ,
  
• ზესკვეფს ვაუთქუალნანო,
  
• გურშა ვენოცადინელ.
  
• მა თეშ რაგად ვამოსკვანსი,
  
• მა თეშ რაგად ვამშინერს,
  
• მარა ოკო ქოიწუე
  
• ჭკუა იშენ ქექე რე
  
• ჩქიმ ოსხუნურ სი ვაგაში,
  
• სკანი ხიოლ მა ვორექ,
  
• სი ჩქიმ გურიშ მურიცხ რექ დო
  
• მათ ვადმარნე უსკანეთ!
  

     
     ***

• ჩენჯას ეშე ეზგუმონჭილს
  
• ეწაფაფუ ნოყელეფ,
  
• მეახალუ გურიშ ჭუაქ,
  
• ნარღებაშე წაურთ ფერქ.
  
• ავრე დაჩხირ ეთაგვარგვაზ,
  
• ევრე წყარმალ მიორე,
  
• ჩილათირ დღალეფს ეკანგარს,
  
• უფაფუანს ნოყელეფს.
  
• გოხოლუას მითინს ვარწყე
  
• ელმარინეს, მოხვარეს,
  
• არძო მუშის იწკუმონტუ,
  
• არძო მუშის უჯინე.
  
• ელაფარკალ ჭველა ჭველას,
  
• იფინდიხნა ჭანდარეფ,
  
• ღირთანს ჭარკანტ აკვარჩხილი,
  
• ქიანას ნწყუნს სოდგარენ.
  
• თაში ყოფე, ჭარაშ წისქვილ
  
• მუშის მექუნს დღაშ დო სერს,
  
• ქუმწუფართხაფ ჩენჯას ჭუა,
  
• მუსვანჯუაფ ნოყელეფ,
  
• გუნწყუმ გურს სკვილ, კვარკვაზელ დო
  
• თეზმა ხანიშ ნანარღეფ,
  
• ჩენჯა ჩენჯას ქუგოლუაფ
  
• კარკაცანდეს ნოყელეფ.
  

     ***

• ცას მუნაფა ელასხუპ,*
  
• მუნაფაშ გურს ზღვარზღვალანს,
  
• გვალას რცხიმალ ცხიმურეფს
  
• ჭვემა ელასხარსხალანს.
  
• იკიონტუ ტყას მაფა
  
• უგამაგათ, არგამათ,
  
• ელაჯინე მუნაფას,
  
• იშოლუ დო რაყვალანს.
  
• მიკახორცქუ ჯაშე ჯას,
  
• იშო _ გვალას, აშო _ ტყას,
  
• ვაუტორხუ დუდს ვარა,
  
• გურს გოლოფა ობარბანჯ.
  
• ახავაია, თიშ ცოდა,
  
• ქუფაფუაფ ყოროფას,
  
• მაზმა სერ დო გოთანას
  
• იწირღოლ დო იწანწალ.
  
• ნაყოროფას ივარანს,
  
• ნაჭვემურსი ჭაბაკანს,
  
• ელაჯინე მუნაფას
  
• მინ უკურთხანს, მინ ხვამანს.
  
• გურს ნაბარბანჯ გოლოფას
  
• ქოუფალუ გვიმარას,
  
• სო ატყობუდ ყოროფას,
  
• ნამუ გვალას, ნამუ ტყას.
  
• იკიონტუ ტყაშ მაფა,
  
• გილეფაფუ არგამათ,
  
• ტყურათ ირჯებ დო გორუნს
  
• ოლაფარეს ყოროფაშ.
  
• ცას მუნაფა ელასხუპ,
  
• ჭვემა მუშის სხარსხალანს,
  
• ობარბანჯუ მაფაშ გურს,
  
• იძიცანსი გვიმარა.
  

     * * *

• მინდორ ცუნდელ,
  
• გვალა თილ,
  
• ცა ნაჭვემა,
  
• ნირს ფაჩილ,
  
• შარა ულათ
  
• შულადირ,
  
• დაჩხირ ყებურს
  
• დორძამილ,
  
• ყანწი ღვინით
  
• შუმაფილ,
  
• გურ ყოროფათ
  
• წყუნაფილ,
  
• ტყვია თოფის
  
• მორხინილ,
  
• ჭყორ ნაფურნა
  
• ვაჭოფილ,
  
• ცურუ ჯას ჟი
  
• ჭირნაფილ,
  
• ბუძგურიეფ ჯას
  
• ცუმილ,
  
• ხინჯი ბოგას
  
• გოდგუმილ,
  
• ოშ ნაულა,
  
• ოშშა ნწყვილ,
  
• აკნარღვეფი
  
• აკონწყილ,
  
• ოფულარი
  
• ვაფულირ,
  
• სიტყვაშ რთაფა
  
• კვარკვანტი,
  
• იშო-აშო
  
• კვარკვანწი,
  
• ნახარებუ
  
• ხიოლი,
  
• გოთანაში
  
• ციორი,
  
• მუმულეფიშ
  
• ყიონი,
  
• დადულეფიშ
  
• ფიორი,
  
• ოშშა ჰამო
  
• რაგადი,
  
• ოშშა ჭვახეთ
  
• კვარწახი,
  
• ავრე ათორჩქინაფა,
  
• ევრე ღირთაფ-რცქინაფა,
  
• დღა-სერიში ჭუებულ
  
• ვაიწუე, მუს გიფულ,
  
• ტყურათ გოპუნქ
  
• გუმართუქ,
  
• მა ვავორექ
  
• დუმართუ.
  
• შარა ბოგას აკორე
  
• ნირს გოთანას აწაფაფ
  
• მუთუნ კოჩის ვაჭოფე
  
• ჭყორ ფურინელ აკაშა.
  

      ***

• ხე ვამოფთხა გოპირე,
  
• ყვინთელ, კაბაჭარჭულერ,
  
• კისერ ყირტალ, ტანი სკვამ,
  
• ჯღარ ფურცელით ხარხუნტელ.
  
• ოყვავილეს ყვავილეფს,
  
• ქაცუეფით დორშვილეფს,
  
• აკუნწყუმნა ანდანერ
  
• ყოფირელ – ვაყოფირელ.
  
• _ მუ უნკუნჭაფ რენია
  
• უგურე დო უშურე.
  
• ყურმულო უჯინედეს
  
• ზუკოლუნდეს, წონენდეს,
  
• ბორიაქ წასაგებელქ,
  
• ვამოხვარელქ, ვანტირელქ,
  
• ქიმწაფაჩუ ყვავილეფ
  
• ნატრებულ – ონატრებელ,
  
• აკობანძღუ აკოსოფ
  
• ხარებულ – ოხარებელ,
  
• მითაჟამიშ ნაჩიებ
  
• ქიმთარაყუ ოტყალეს: _
  
• ხე ვამოფთხაშ მეთხუმა
  
• მუთუნნერო ვაშინერს!
  
• ქარ-ბორიაქ ვედეჯერ,
  
• მუქ იყუა თექ თეფერქ,
  
• ტანს ოშფათ ქიგაკვამანჭ
  
• გოპირელს-ვაგოპირელს.
  
• ჭარაშა მის ეწარნე,
  
• მის ულინუ უშარეთ?
  
• ქარ-ბორია ყოროფათ მოჭონკე დო
  
• დუდს ქიჭყენდ.
  
• ენა, მუქ შემერყუა,
  
• რჩქინებულ-ურჩქინებელქ.
  
• ირო ართნერო ვარე,
  
• მინ ჩხანა რე, მინჩა ჭვენს,
  
• ქარ-ბორია სოდგარენ
  
• გვალაშ იშო დოხინწე.
  
• ხე ვამოფთხა ობაღეს
  
• ხე უნკუნჭაფ ქეშარედ,
  
• თაში ყოფე, თაში რე,
  
• მუთ ვაშინერს!
  
• ვაშინერს.
  

     * * *

• ფსუაჭითა ფარფალია,
  
• ელაღოზელ ღაჟურია,
  
• მიკაფურნანდ კამელიაშ
  
• მინ ართ ყვავილს, მინ მაჟიას.
  
• სი სარალო ფარფალია,
  
• მის რე გალაყაფუქია?
  
• ართ დღაშ რინა გაფუნია
  
• ღორონთშე ჭყოლოფირია,
  
• გური ჯგირო ქოუჩია,
  
• დღა მალას ისერუნია.
  
• ჩე ყვავილეფ კამელიას
  
• ტანსი გახცხანტალუნია,
  
• ჩილამურეფ ძიაცალო
  
• მინ ასკუ მინ უცენსია.
  
• არძა ართი ვარენია,
  
• შხვა რენია კამელია,
  
• უფერუანს ფარფალია,
  
• მის ართ ღვანწკის, მინ მაჟიას,
  
• ჩილამურეფს უსკირუანს
  
• უყოროფეთ სო ულია,
  
• ართიანიშ ვორეთია,
  
• ღურელით დო თელითია,
  
• უყოროფეთ თე ქიანა
  
• ჩქიმო რე ლიებურია.
  
• გეგკასერუ ფარფალია
  
• ვეგეგონე რაგადია!
  
• მუ ფქიმინა, მიყორსია,
  
• ვამნარღენქი მუთუნსია,
  
• ყოროფათი ართ დღაშ რინა,
  
• თაში ხოლო ღირუნია!
  

   *სამარგალოს

• ჰოუ, ნანა,
  
• თოლი სკვამი
  
• ცირეფ, ოსარსალაია,
  
• ენგურ ჭკუაგუნოლასირ,
  
• ართო ოხვარჩალაია,
  
• ოდა კისერგუნობეჭილ,
  
• ჭველეფ ოწარწალაია,
  
• აშო, გურშა ქომხუტოლეთ
  
• ,,ჩქიმი ჭიჭე მახარია”.
  
• ,,ასე ჩონგუ ქოფთქუათი”
  
• ღვინიშ ეფშა მარანსია,
  
• არძო ჭუა დიღვამანწკუ
  
• ართათ შორი გვალასია.
  
• სოურს შარა,
  
• ჩქიმ მიჩქუდ დო,
  
• არქა, შხვაში ვარდასია,
  
• ჰოუ, ნანა,
  
• სკანდა მოულ,
  
• ხეს სი გოილუანქია,
  
• სამარგალო სკან ძირაფაქ,
  
• ირო ქუმაჭარასია.
  

5.ბათლომე სართანია


      *რინა

• კოჩქ ვაგოზურდა, ხანდა დო ლ/მათ
  
• რინას დაღალი თია–საღალე,
  
• სქან(ი) რინას შხვაშის ვაუძინანა
  
• მუსხიშახ ეშე ვა დუმაღალე...
  
• ართშა ერჩქინდი, ართშა ღურუქუ,
  
• ქიჰამ(ი) ღურაშა ირფელიშ გემო,
  
• თე ცხოვრებაშა ირკოც უკათ/,
  
• აბა ქიანა ართიში რენო?!
  
• ღურაშ უკული მეტ(ი) რინა ვა რე,
  
• ეცად(ი) თაქ ორდე გიმოთ რინელი,
  
• თევრენ დორთელი თაქ კოც ვაუძირ,
  
• ვართ თაურე ულირ(ი,) თექი შინელი,
  
• კუნტა ცხოვრება– წვალებათ ეფშა,
  
• დრო გ/წონტებულ(ი) ვა მიჭირინე,
  
• თოლეფც ვაშაყუნდას ოშქათ ჩხვინდინი,
  
• თოლეფ ოთოლეს ვადინტ/რინე.
  
• ათეშენი რე ირო ლ/მარე,
  
• დო ცხოვრება რე დიდ(ი) ზღვა დურუმი,
  
• მინ(ი) „პოპკაცალო“ ჟი მინიფაფუ,
  
• გიმე ინჭყუ ქუა ყურუმი...
  
• ზღვაქ ვადოსქირას ქუაქ ვანდღულას,
  
• ათაშ(ი) იყუაფ(უ) ნირზება რკინი,
  
• უბადო შურიში წ/რდეს ოჩხუპუ,
  
• ჯვეშშე მოძუნა ნირზება – წყინი.
  
• ათაშ(ი) ირთუუ ჩქ/ნი ცხოვრება,
  
• კოჩ(ი) დო ეშმაკი რინას მართენა,
  
• არძას ობაღ/ ათე ქიანა,
  
• მარა ართიანც ნებას ვარზენა!..
  

      *მუ საჭიროდ თე სიცოცხლე

• მუ საჭიროდ ცა დო დიხა, ონირზე დო ოლიმური?
  
• მუ საჭიროდ თე სიცოცხლე, ხან კუნტა დო დღა დალური?
  
• კოჩქ გორჩქინდუნ, უკულირე, ირფელს გებუ ხაჯალური,
  
• ქიანა რდუკო უკოჩეთ, კოც მუთუნქუ ვაბაღუნი!
  

• კოჩ ტალიკეთ იბადებუ, დო ტარკალეთ ღურუ კინი!
  
• ერჩქინა დო ღურაშქას/, წვალება დო გასაჭირი,
  
• დაბადება სავალდებო, ღურა ვარე გასაკვირი;
  
• მითინს მუთუნ ვაუკათუ, ბუნებარე ჩილათირი!
  

• თე ბუნებაქ სოლე მორთუ, უხურგე დო უძგალეთ/
  
• ეშმაკიში ოფუტე დო, უხორცე დო უძვალეთ?
  
• დიხა გონორაზილო დო, ჟინი ორთა უკარეთ?
  
• ღურა ფარათ ოყიდე დო, ჟინი ორთა უფარეთ?
  

• კოჩქ მუ მეჩუ ქიანას/, რჩუალადო ჭყვიდაშ მეტი?
  
• ირ სიავეშ მედუდალე – კოჩი ეშმაკიში კეში.
  
• ინა ირფელ ზაკვილირე, მინათხუმა კოჩიშ ხეში;
  
• მუ იყიდუ კოჩ– ვარდუკო, დო ქიანა ფართას თეში?!
  

• მუ თასირე ათე კოჩი, მირე თეში დამბადებუ?
  
• კოჩი მუჭოთ მაყურყანი, თელ ქიანას კისერს გებუ!
  
• კოჩქ სიცოცხლე აწვალასი, ათე წესი წილო რგებუ;
  
• ვადოღურას შარა ვარე, თაქ დასქიდუ მუნაგებუ.
  

• თე სიცოცხლე მის აფუდუ, საჭირო დო სახიოლე?
  
• სიცოცხლეს ვადაბაღ/, ზღვა დო გვალაქ მელე–მოლე!
  
• სიცოცხლე დო ღურა ნირზენს, აბა, დაბოლება სორე?
  
• ნირზი ვარდას, ყოროფა რდას, თე ქიანა სო იგორე?
  

• ბჟა დო თუთაქ ანათუკო, მურიცხეფქ/ იჭკვაჭკუკო,
  
• ზღვა, წყარი დო ოკეანექ, კალაპოტის იქვანთუკო,
  
• თაშ უჯგუდუ ბუნებაქ/, მუს გემოშა დიკვანწუკო;
  
• მუში ბედნიერი კართე, ტყა–ურუმსუ იფართხუკო!
  

• მიში ინჭას ეიობეს, თესხი ზღვა დო ოკეანე?
  
• დო ზღვა დურუმს ინოხენი, ნამ შონიში ნანთხორალე!
  
• თეზმა დიხა, თეზმა გვალა,ნოტე მისი ნაგორალე?
  
• ურემი თეში მანთირალი, ვარა მიში ნათოლარე?!
  

• მიქ მოუნტუ თაკარი ბჟას, ონტუ–იჭუ–ზანთალანს?
  
• დაჩხირს უნჭირინუანს, გიმე დიხა წკვაფანას,
  
• წყარ დო დიხას ქუმონტებუ, თუდო დუღა გვარგვალანს;
  
• თუთა გოფშა, ბჟა– თაკარი, მიქ მოხაზუ კვარკვალას?
  

• მირე თეცალ მედაჩხირე, ვარა მირე თეცალ ჭკადუ?
  
• ბჟაში ქურა აკეთუდო, ცა მურიცხით გინოჭკადუ?
  
• ჟი ცა ქუდო გიორთუდო, დიხა ჩაფლათ კუჩხის მადუ;
  
• ვართ ეშმაკიშ, ვართ მენცარიშ, ვართ კოჩის ხეს ენა ვაგუ!
  

• თე ქიანა უკოჩეთ, გემო იყიდ სანატრელი!
  
• ტყა–ფარონს/ ცხოვრენდუკო, ნონტყელეფი ბრელშაბრელი.
  
• ნადირეფს/ ქუღუდუკო, თე ქიანა ქუჩუჩელი:
  
• კოჩი ვაგორჩქინედუკო, ინა ღორონთიში ჭყელი?
  

    *კოლექტივიზაცია

• კოლექტივი საშუალება,–
  
• ღარიბეფიშ მარსხებელი,
  
• მოხანდეფიშ სასარგებლო,
  
• ნტერიშ დამამარცხებელი.
  
• გომორძგვილო ყოფედას
  
• თეში დამაარსებელი,
  
• გოხვამლაფირი მოხანდეფი
  
• თიში დამაფასებელი!..
  
• საუჯგუშოთ მუჭო ვა რე,
  
• ართო იმუფშუათუნი,
  
• ჯიმალობა მიღუდანი,
  
• ართიან იფუფჩუათუნი?
  
• ვარა ფარა მუშოთ გოკო
  
• კიდობანც ფჩუათუნი?
  
• ხიხილერი აგაფას
  
• ხოჯეფ ათუვსქუათუნი?..
  
• ვა უჯგუნო ტრაქტორით
  
• დიხა მუნოგორთინუათ,
  
• ქუალეფი გუვორღვათ,
  
• ფერდის მივორგინუათ,
  
• ჯვეშოიან ცოდილება
  
• იშო მიკოდინუათ?
  

                    



     *ჩაიში კულტურა

• მუსხი ორქო დო ფარა
  
• ჯვეშო მიშუ გრანიცაშა,
  
• ნიკოლოზი უგუნურცუ
  
• ეცალი ვემკუეჩანდ ყაშა
  
• ფიქრენდეს, ჩაი მის ხერენდ
  
• ხვათახვალე ჩინეთის
  
• ჩქინ ქიანას მი მერჩანდ
  
• ე კულტურაშ ბილეთის?
  
• ამდღა ჩაი მის ვა უჩქ,
  
• ჩქინი კუნთხუ, ჩქინი განც
  
• კაკლარონი გეგნოჭვარეს,
  
• მილიონ ჰექტარც ჩაი ჩანც.
  
• მოხანდეს თე კულტურა
  
• სიმდიდრეს მოუღანც.
  
• ჰე ბრიგადა, კოლმეურნე
  
• ჩაის ჯგირო მუკუულე,
  
• ღარიბიქ მიწიკინი,
  
• შელებუანც გუწუულე?..
  

   *კვარკვანტია

• კვარკვანტია ტანი ქექე
  
• თელო ორქოში კაკალი,
  
• ნამ(უ) ბაღ/ს/ ინოჩანც/,
  
• თქვანიცალი ტატალი.
  
• ხურხიჩელა, თოლიგვირა,
  
• ნერ–ფერი წყორილი,
  
• ბროლიშ(ი) კიბირი მეჭუდათ,
  
• ართიანც მეწკ/რწკოლირი...
  
• დეჯერი კოჩი ცოდა ორე
  
• მაძირაფუ თეცალიში, –
  
• კ/დ/რ(ი) ოთანთალაია,
  
• მეგვანაფილ(ი) ჩხეშაში:
  
• თუმა ოშიალაია,
  
• ყვა გიღუნა ფიჩალი,
  
• თელ სიცოცხლეში ფასი ღირ,
  
• თქვან სხეულიში მირცხალი.
  
• ეშმაკურო ვა გამგანი,
  
• მითინქ ვაგმაფიჩხანი,
  
• ქობწანდანი ართიანი,
  
• ეგებ ღორონთქ მირსხანი!
  

    *რკინაშ ხოჯი

• გოფუშინი, რკინაშ ხოჯი,
  
• სი ვაგიკო ჭადო ფურჩა,
  
• სქან ბარბალიშ კიბირეფც
  
• ჯიმალობას მივოფუჩა.
  
• რაშა რერა ვორერა,
  
• სი ჩქიმ რკინაშ მოზვერა.
  
• აკოფხონათ სანძღვარეფი
  
• ჯვეშ ბორჯიში აკნახურგა,
  
• ხანდაშ ქართას გაკიბკათათ
  
• რკინაშ ბუსქაქ, ყაზაყ–მუშაქ.
  
• რაშა რერა ვორერა,
  
• უჯგუშ ვამაგორენა.
  
• თასო მოფსპათ კულაკეფი,
  
• ვავაჰამათ შხვაში ფურჩხა,
  
• გეგნოხონი უტახ დიხა,
  
• გეიორღვი ჯიკიშ ჩხვინჩხვა!
  
• რასა რერა ვორერა,
  
• ხანდა ვადმაღორენა.
  
• შურო მუთას მოხვარუნა,
  
• გორდა ცხენიშ ენაბურცხა,
  
• მოხანდეფც თოლც ურძღანცუ
  
• სქან ბარბალიშ გინაბურსა.
  
• რაშა რერა ვორერა
  
• ხანდა ვადმაღორენა.
  
• გოქვარქვაშელ მინდორეფი
  
• გიჯინენა, გელუნა,
  
• კოლექტივიშ მოხანდეფი
  
• სქან მოხვარას ელუნა.
  
• ხიო, რერა, ორერა,
  
• სი ჩქიმ რკინაშ მოზვერა.
  
• ადრე თსის ქინკორღვანთ
  
• სქან ხვეიან ნახონას,
  
• ართინერო გინუუსვათ
  
• ნახურგა დო ნანთხორას.
  
• რაშა რერა ვორერა,
  
• სი ჩქიმ რკინაშ მოზვერა.
  
• ვინტეფც ჯგირო მოუნჭირი,
  
• ფთხილას, ნტერეფ ვაგუნას,
  
• შარას ვეჩვერცხიებუთ
  
• სქან ბორბალიშ ნაგორას.
  
• ირხიალი, გიგობირა
  
• რაშა რერა ვორერას.
  

    *ჩიტი, ქორშ/ნო?

• ჩიტი ქორშ/ნო, მა სქანი ქირი,
  
• ეკოთხოზინით სი ქეკაშირი,
  
• სი გომირჩქინი თიცალი ჭირი,
  
• მუთუ გინიბღი, ოხ, გასაკვირი!
  
• ითამ ფიფრქენდი, მაფუდი ჭოფილი,
  
• კაკალი ფსუა გაფუ სოფილი,
  
• სი ჩქიმ(ი) ცოდათ მიკოქოსილი.
  
• უჩა ბედით, გაფუქ მოსილი!..
  
• იმენდი მიღუ, ხოლო გელუქუ,
  
• გურიში მალამათ ირო გელუქუ,
  
• დო ჰა, თეზმას ქ/გოფერუქუ,
  
• სი ჩქიმი გურცუ უჩათ ნწერ/ნქ!..
  
• დით/რე ნერი, ქომუჩი გური,
  
• მოშქვიდუანც/ ჩხე ჩილამური,
  
• ვარა მაღირსი სამარეს ლური,
  
• ქოთქვი, საბოლათ მუ გილამუნი?!
  

    *ჭითა ჯარი

• ჭითა ჯარი–უშიშარი,
  
• ჭითა ჯარი–ნაცაცხალი
  
• ტერც ვამართე სანძღვარიშა,
  
• გერზ გენია ნაცანხალი.
  
• სადარაჯოს გეურეთ
  
• გიმათუთაში ნაშიბუს,
  
• შხვას ვემდუღა, ტერც ვარზე,
  
• სესერეკაშ ართ(ი) ტკუს,
  
• ვაშა ჭითა არმიას,
  
• სოციალიზმიში დარაჯეფც!..
  

    *ხარხიში გენია

• ,,ირკოჩ(ი) ფიქრენც, მუ ორთ/ნი
  
• შხვა კოჩიში უჯგუში/“
  
• –მუგოშინანთ ერკებულო,
  
• მის–მი მუთუ უჯგუნ თის/.
  
• ართგან კათა ვაწუხენც/,
  
• დუდ(ი) მეუღუ დიდი ჭკვერო,
  
• ირო ქვარას ალაჯინე,
  
• ქააფუნო ვანი რძღელო;
  
• საქიანო ეიონწყ/მ(უ);
  
• დუც(უ) მეუძ/ ორთუმელო;
  
• გოკურცხუნ, თქუანც ,,–მიბგია,
  
• ართი კვალა, ართი ლელო!..“
  
• მაჟრა ფა რე ნულიშ გიმე,
  
• ხანგეფი დო ლენჩეფიში,
  
• ხაკუცეფი, ხირმიშთეფი
  
• აბრაგი დო ქენჩეფიში.
  
• ათე ფა ოგვაჯე რე,
  
• ირინერი შერეფიში.
  
• მასმა ფა რე ჟი ნორმა,
  
• დიდი უღუ ასა–გასა,
  
• ოკითხუო თის გეუხე,
  
• თელქიანა, თელი მასა.
  
• თე ჟი ნორმა გენია რე,
  
• თელქიანაშ(ი) მარსხებელი,
  
• მარა თენაუფონდიკეს
  
• ვაუჩქ, მირე მარგებელი;
  
• შხვა უჭკუეთ მიოჩქ/ დო
  
• თვითონ ვა რე სარგებელი.
  
• ნული ნორმა სიბუგე რე
  
• ორსიმინანც ხვათაფალო,–
  
• სადილი დო საკაკალო,
  
• ათენეფი ზეშ–კეკი რე,
  
• მაჯინე რე ზეფირიში,
  
• ჟირპიჯალას გეგაფილი,
  
• იშო–აშო ფეფინიში.
  
• ვაგეგებუ მერთელეფი,
  
• ბოროტი დო კეთილიში,
  
• ვართ(ი) ურაშა მიოთინანც,
  
• ვართ(ი) მინჯე რე ხენდილიში.
  
• გენია ურას დოხენდ/ნც,
  
• ბუგა ხენდილც ონტინუანც,
  
• ბუგა შარას გილას/ნც/,
  
• გენია შარას გოწურუანც,
  
• ბუგაშ გური ჰოდია რე
  
• გენია პოპორც გონჩურუანც.
  

6.ალიო ქობალია



  *დადი სინთუანიში

 

• დადი, სინთე ქუმოძირი,
  
• ვენმოქოსა გარამემს,
  
• აფხაშ რხვილქუ ქიგმაწკურუ,
  
• გილვოგაგა წკვარამემს.
  

• კურუმემსუ ვემიოხე
  
• მენცარეფიშ ნაჭარეფი,
  
• ყურუმულო გეგნოსქველე
  
• მითაჟამიშ ნაჭარეფი.
  

• ქარ-ბორიას ქოთხოზაფუ
  
• ნაშილუა ნოსეფეფი,
  
• იშო დიხას ქიმთოფულე
  
• ოხვამე დო ნოგეფეფი.
  

• არძა ართო გამკოცუმე
  
• ჭკარჭკუნტია მურიცხეფი,
  
• მებდინაფუ თუთაშ გურ დო
  
• მუში ჩელა ოროეფი.
  

• სო ვორექ დო სოლე იბდა,.
  
• დინაფასუ მევორექ,
  
• ვესინთორუ უსქანეთუ
  
• სოფელიში მუორექ.
  

 

  *ცარ-მეცარე

• დიასქურიშ ეშნაველს,
  
• ორქო უცენს კირიბემს,
  
• თუთა გარე ეშალემს,
  
• ბორჯეფიში კიბირელს.
  

 

• მენჭაფილი ომუნეს,
  
• თუთაშეფიშ ორეკე
  
• უსინთუანს უკუმეფს
  
• ნაწყარუა ურეკეს.
  

• აფხარხვილი მეცარე
  
• გირინუანს ოროემს,
  
• სილირ ორქომელანემს
  
• ორგილუანს ორეემს.
  

• მიშესოფუ, მიორე
  
• ურთა-ორთაშ ფულირემს,
  
• მეორიე-მიორელს,
  
• მასქურეფიშ ფიორემს.
  

• ტომბა სერიშ დალიერს,
  
• მოგოთანე, კიაპელს,
  
• გეგნირულე თუთაშ თე
  
• ზღვაში წვანე ნიარემს
  

 

 

   *აია რიელიში

• ერია რე, მორია რე.
  
• თუთაშფერი ბორია რე,
  
• ზღვა ორიუ ოდიარეს,
  
• ფორილიე ფურიალე.
  

 

• მაფაშ ხორი-ხორიალე,
  
• ხორგონი დო ხალია რე,
  
• ორქოყილო ხვიარელსუ
  
• ხაიაში ხოლუა რე.
  

 

• გინულასუ მიორენი,
  
• მადინაფუ მედია რე,
  
• მონიარე მიარენი –
  
• უთურეფი მეფიარე.
  

 

• ერია რე, მორია რე,
  
• გილეფაფუ მორიალე,
  
• ზღვასუ კოკო გელაფირი
  
• აფსირტე დო აია რე.
  

 

 

 *მენიშოლი

• ათე ნიში მიში რდას, ზღვაში ეკნაყოთემი,
  
• ბორბოლიაშ ნამოსას მითუტყობუ ნოთენი,
  
• მუჟამიში ფარონემს ნარდიე დო ნოგეფი,
  
• სონი ბორიეფიში უსოფუანდ ნოდეფი?
  

• ქოძირუო ნასისმარუ მაფა-ბჟაში ნოხვენი,
  
• უკულ ბორჯემს ყუნაფილი, უკიანოს ნოზღვენი...
  
• მურე მიკიფიორუნი, ცასუ მიკოქოსელი,
  
• მენიშოლიშ შური რენ დო ერქემიში ნოსეფი?..
  

 

 

  *ბინეხისუ ქუდვოყაშა...

• ბინეხისუ ქუდვოყაშა,
  
• ეშე გეშვაყუნუქუ,
  
• ცასუთ ქიგიბჯინექუ დო
  
• ნერჩის ვედვეთხიებუქ.
  

• თუთაშ იშო გიბგორუა
  
• ჯვეშეფიში ხონარემს,
  
• კათაფილი იყუაფუ
  
• ჟინი ცაში ბორიემს.
  

• მურიცხემსუ ქუსინთუა
  
• ნასერუა წკვარამებს,
  
• თუთაშ ფერსუ ქუხოლუა
  
• ნაჩერუა ლაწკარემს.
  

• ...ბინეხისუ ქუდვყაშა,
  
• ეშე გეშვაყუნუქუ,
  
• ცასუთ ქიგიბჯინექუ დო
  
• ნერჩის ვედვეთხიებუქ.
  

 

 

   *გესერელს

• კირიბია წინიკელს
  
• გიოხანტანდ მურიცხემს,
  
• მენცარული წინიგეფი
  
• მითუტყობუდ ფსუალემს.
  

• აკა ქიგმაგორედას,
  
• მიშეფსოფუქ სიზმარემს.
  
• ,,მებდინაო გესერელს?” –
  
• მევორექუ თუთაშემს.
  

 

 

 *ოდაბადეში

• დიაჩქიმიშ ჩე კისერს
  
• დარაია გაფარფალუ,
  
• ოდაბადე ოხვამერს
  
• შარა ვაკო ნაბარბალუ.
  

• სანთელ გილაქიმინელს
  
• ოროეფი მიშევალუ,
  
• ღორონთიში ფსუალერი
  
• ნირსო ცაშა მისარსალუ.
  

 

 

  *ანა საჯიხე

• ადა მარია, დადა მარია,
  
• სი დომთხილე დო სი დებარია
  
• ჩქიმი მოთა დო ბადიში ნარდია_
  
• თაშ იხვამანდუ ანა საჯიხე.
  

• ადა მარია, დადა მარია,
  
• სი გემწონია ცოდა დო მარდია,
  
• ცოდა – ჩქიმო დო ნარდის მომდარია
  
• თაშ იხვამანდუ საჯიხე მახვამერი.
  

• ადა მარია, დადა მარია,
  
• კიდირს გიფინუნია ია დო ვარდია
  
• სი ქოიჩქუნია ნანაიაშ დარდია –
  
• თაშ იხვამანდუ საჯაია დადი.
  

• სანთელს გარენია ჩილამურია,
  
• უღუშა გემირთუნია ხაჯალურია,
  
• სქანდა მუკომჭოფუნია ღურელ გურია-
  
• თაშ იხვამანდუ საჯიხე განგარებული.
  

• ადა მარია, დადა მარია,
  
• დაჩხირო გუმორზუნია ზისხირელ ოსარია,
  
• ჩქიმ სქუაშ ნოშირიენ დო სქანიში, ვარია,
  
• ჟირხოლოშიავო, დიდაქირსე! – დადიქ.
  

 

 

 *ნაცოდარი

• ცაშ ნოტეხი გამკოლაფე,
  
• უხვამერიშ ნაჭარა,
  
• აკოსერილს უსერეთუ
  
• ვემიოჩქუ ნავალა.
  

• მუხურონსუ გილესოფუ
  
• ჭითა ხოჯი ნაზალა,
  
• ჭყეში ოროს ქოთხოზაფუ,
  
• მისარონი ზარზალანს.
  

 

   *ნირსიშ ფელუკეფი

• ზღვაშ მორია, თუთაშ მორთა ართო აკოშაყარელი,
  
• ძინულენსუ რუმე წყარი, ოკიდირეს მორინელი,
  
• კიბოია გილეღვარღვუ, ტყასუ მიშახვიარელი,
  
• ნანწყვიშ არფის მიკოკირუქ, თოლეფ გაფუ დონირსელი.
  

 

• ულირ ბორჯემქ ქინოიტუ, ჩხოროფათუ დოხართელი,
  
• მორო ესუთ ვეკაწამა, ვაგურქიე შურო ხენი,
  
• დუდი მედვალირი გაფუ, ზღვაში ლუბას დოკარელი,
  
• შურიშ ვესუ მეჭირხინუნს თოლეკირილ სქანი ცხენი.
  

• ქვინსუ მურე გიწონებუ – კოკიშ კოკი, ფერთიშ ფერთი,
  
• ექ ნათუნსუნ, შხვა მუთა რე - მუკნაციმა მურიცხეფი...
  
• ელე ცაშა ქელეჯინი, ქიგიშინი ორგიეფი,
  
• ჯვეში ნიშიშ არფიშ გამა მოჩქუ ნირსიშ ფელუკეფი.
  

 

 

  *გალენიში

 

• უჩა ზღვასუ ამუსერი
  

• მურიცხეფი ქინოცენს
  

• ქიგვაყუნუქ საროტემს,
  

• თუთა მართუშ ნამოსერს.
  

 

• ზღვაში მაფა გონირსელი
  
• უფაჩუანს მუარემს,
  
• მირე ალმოფურცქინანს,
  
• სოფელიში მუორეს?..
  

 

• აქ მუთუნსუ ეკვაჭუქდა,
  
• ვარჩხილჯგუა სქუალემს,
  
• ჩილამურით გომბონუნა
  
• ბრელშა ტახილ ფსუალემს.
  

 

• ასე ვარა მუნულუანქ,
  
• ორუმეს დო ორომეს,
  
• მუაჩქიმით ქიგლაბაჯგანს
  
• თუთაშ ქართა-დოხორეს.
  

 

   *აკმანთხაფუ გვალეფი

 

• აკმანთხაფუ გვალეფშქას ბჟა დო თუთა კილაგანს,
  
• აშნაჭოფა ჩიტეფიშ ფსუა ივალ კირდანას,
  
• საარქანო იჭკირჭკინ, პელაგონი მიაგანს,
  
• გასოფუნა გვერშაპეფი ლეჭკანდერიშ კილანას.
  

 

• ბორიეფი მითოხვილ არქანემსუ კიაპამს,
  
• დიასქანშა ქუგუ თოლი ჯაშ ნათოლა კიბალას,
  
• კოჩიშ შურშო ფულირიე ჟინი ორთაშ პიანა
  
• ბედი რენდა, უწორუა ბიკარუა-კილარას.
  

 

    *ნასისმარუ
 

• ზღვაში პოპორსუ იმწყუქუ, ითამ,
  
• დიხა ვარე დო ცა ქორე ეშე.
  
• ათე ქიანა მუჭო რე ირთანს
  
• თე გონწერილი ბორჯიში ხეშე.
  

 

 

   *ჯვეშ შარეფი
 

• მაშარემსუ ელუდეს
  
• ამდღარიშა ნაშარეფი...
  
• ნანა, მუზმა ბრელი რდეს,
  
• ვეპალუნა გაშარეფი.
  

 

• ჯვეშ ნაულა ნაშარემს
  
• ძიგირ-ბარდი მორიებუ...
  
• მეურაყუ, აჩქარენს
  
• ჭვიმემს ასე ბორიეფი.
  

 

• მაშარემსუ ელუდეს
  
• ამდღარიშა ნაშარეფი...
  
• ორთა ირთანს, ბრელი რდეს,
  
• ვეპალუნა გაშარეფი.
  

 

 

     *ლიმაში

• დიირთიოთო, თქვა ცოდეფი,
  
• დაჩატებე გურმანგარი,
  
• ჩილამურით დოშოლერე
  
• დიაჩქიმიშ ყვალანდარი.
  

 

• ცოდაშ კითხირ გადიდებე-
  
• გოჭყოლადა ღორონთიში,
  
• გურს ნოღვენა, შორს მითირე,
  
• ქორენია ბოლო თიში.
  

 

• დიირთიოთო, თქვა ცოდეფი,
  
• გურ ნორღვენა მუ მანგარი...
  
• ჩილამურით დოშოლერე
  
• დიაჩქიმიშ ყვალანდარი.
  

 

 

    * ...

• გური მუზმა წყანწყილ მაფუ,
  
• ჭვიმა რე დო გოლოფა...
  
• მიდგა-მიდგა გილერქაფუ,
  
• ვამაცალეს ყოროფა.
  

 

• წყარპის ფეშერ დომირჩაფუ,
  
• ბაწარ გობძუ ჩხოროფა,
  
• გური ბრელშა ჩართილ მაფუ,
  
• შური ოკნაკორობა.
  

 

• ცას მუნაფა მუშე გაბუ,
  
• ეშმაკეფიშ ჭყოლოფა
  
• ბრელსუ ირფელ ართი აფუ,
  
• ჭოროფა დო გოლოფა.
  

 

 

 

    *მოქვი
 

• მიქუმინ- ჩქიმი მოქვი,
  
• ვარჩხილ ოხოლ მიარე...
  
• ვამარგენს= მუთუნ თოკი,
  
• კალმახაში ბინა რე.
  

 

• ართი აფუ ჭვიმა, კოხი,
  
• ადრე ენადგინა რე...
  
• მელე-მოლე უფინ ნოხი,
  
• ჟინი ორთაშ ნინა რე.
  

• გაფაფუნა, ჯალა-ჩქონი
  
• კირდედუსუ მინარე,
  
• მესოფუნსუ სქვამას ორქი,
  
• ნდღულაფირი კინა რე.
  

 

• მოჭითარე მუში როკი
  
• ჭილოუში ჭილა რე
  
• ტაროზემსუ ცაში კონკი
  
• ჩხორიათუ გინარე.
  

 

• მიხარჩალუ ქუა-მოქირს,
  
• უჩა ზღვაში კილარე,
  
• დიაწყარსუ მოქვიშ კონქი
  
• სიზმარცალო დილარე.
  

 

 
   *ცალსაროტი

• წყარმალუში მერულაფას
  
• კამარეფი იბარბალ.
  
• მუნარქია, ორო, ლაფას
  
• ჟინიშ Yყინი ივარვალ.
  

 

• უჟამური ჟამიშ მერქა
  
• ვერჩხიშორო იკარკალ,
  
• მერცხულეში ჟირფა ჭირქას
  
• ცაიშარა იკარკანტ.
  

• ქიანურიშ თარი შური
  
• უქიანოს გილევალ,
  
• ჩეთ ნწერილი თუთაშურო
  
• უფალუსუ ალაფალ.
  

 

• მურიცხეფიშ ბეჭილია
  
• ცასუ ცალსაროტო გაბ,
  
• ქაყუნი და ვადგართინე,
  
• უკულ დიხა მუთა გაფ.
  

 

 

 

     *ჭვიალია

• დიყვინთუქუ ოლე ზღვას
  
• მურუჟეფიშ მაგორუ,
  
• მესეფები გილეშხანს,
  
• ინისქირიშ მაფორუ.
  

 

• დარანიშე იფუჟღანს
  
• ვერეხიში ნაშურუ,
  
• ნაშქვიდერიშ ხოპო მოჩქ,
  
• კიბოიაშ ნასულუ
  

  

• წყარმურიცხი ივარვალ
  
• ტობა-გირი ნარუმუს,
  
• ფირტველია ინივალ
  
• დაფორტვებულ ნანიშუს
  

 

• ვემიოხე ელე წყარს
  
• ნიშეფიში ნალინუ,
  
• უსისანდე ლიარემს
  
• ჭარაქ ბრელი დალინუ.
  

 

• გიმეიან გორობას
  
• ზღვაშიერი ისასურ,
  
• რეჭილია კორობას
  
• მირგატული მიშალურს.
  

• მეგე ვარე მუთუნ შხვა
  
• ყოროფილიშ ჩილამურს,
  
• შურიაკოკორობილი
  
• სქან ნიშიშა გეკანთხუქ.
  

 

• მესეფემსუ გიოსქიდ
  
• ღინჭილიაშ ხუმლა ხუ...
  
• ჭვიალიას აფუნიშ
  
• პეულეფი გიოთუნს.
  

 

 

    * ელიშორი

• სამარგალოშ ნაშქასერს
  
• თუთას უცენს ვარჩხილეფ-.
  
• დოლო მარდუშ მასიმერ-,
  
• იკარკალნა ვერჩხილეფ-.
  

 

• არიკეფი მიშატყობ
  
• დოფა-დაჩხირ ფანილემს,
  
• ჭყონონიში ტებენეს
  
• მითონათუნს ფაშქუნჩეფი.
  

 

• დიასქურიშ ინიგირს
  
• ილასირუ ლაზურეფი,
  
• მიკახორცქუ კოდმე-ტკილს
  
• ეკიმალუ ქვითორეფი
  

 

• ორთვალემსუ ყინიშელს
  
• გილახენა ჭარუეფი,
  
• გასოფუნა ჟინიშის
  
• აგაგა დო ორუეფი.
  

 

• სერგეგიაშ ნანიშოლს
  
• ისასუნა ისირეფი,
  
• მელანიში ელიშორს
  
• წყემიშ ორქი იხვიებ.
  

• ეუკუნანქი, თუთა რენ დო
  
• დუკუნანქი – ტუტა რე.
  
• მურე ოჩქვანს თუთაშფერო,
  
• დიხას შხვაშო ტუტაშფერს?..
  

 

 

    *ნოღურიში
 

• ნაბადიაშ მიშაჭელს
  
• ყასუ ქიგლამტენქო,
  
• დიხაშფერო გოსანთილს
  
• არწის ქაშმოტენქო,
  

• ჟინოთაშე ვარჩხილიშ
  
• ჭვემათ ქიგმოწენქო.
  
• მოლასირი მურიცხიშ
  
• ტვერო ქიგმოცენქო,
  

 

• თარშურო დო უჯგუშშურო
  
• ზღვასუ გინილენქო,
  
• ჩხორო ცაში მაძირაფუ
  
• ეშე მეხარენქო,
  

 

• მა სი ირო გამონკანდ,
  
• აშ ვემკიჯინექო,
  
• რინას უჩათ დოხართელს,
  
• დღას ვემისაჯენქო?..
  

 

 

 

     *გონიში
 

• ნანა, მუზმა ინინტირე,
  
• აკაბუცხა კოჩიშ თოლს,
  
• წყარმალუ დო მინდორეფი,
  
• ეშე ცა დო გიმე რობ.
  

 

• ჭარკონტი დო სიორეფი
  
• ალახვილუ კოჩიშ ყუს,
  
• ალიშ კიბირიში მეგეს
  
• ზღვა ილენს დო ინოფუნს.
  

 

• ირფელ ართო უბურჯუანს
  
• კოჩიშ ჭიჭიხელი გურს,
  
• მუში დღაშა ვაგასოფე
  
• ხიოლსუ დო ჩილამურს.
  

 

• მუთი რდუ დო მუთი ვარე,
  
• მუთ იყინი თიში მოხ,
  
• თოყუჯი დო გურიშ გამა
  
• ვამკაკორდუ ხვალე გონს.
  

 

     *ფაშქუნჩიშ მუორე
 

• შქასუ მურე აშაყუნსუ ტომბა ზღვას დო მუშ პოპორს,
  
• აკამურიცხიში ცას დო კამარეფიშ სარსიოლს,
  
• სოფელსუ დო მოსოფელსუ, ოლე ჯას დო ტყაფარონს,
  
• სამარგალოშ უღურ შურს დო კუნტა ხანიშ მარგალ კოს?
  

 

• ეში გამაშ გორუასუ ნიშ დობრაქუ სარაქონს,
  
• სერით გვალო გამწობლაფექ, აყუნაფილ სანარღოს...
  
• ფაშქუნჩიში ორქოსუა ქუგორზამუ სინთეთ ჭყონს:
  
• ,,სითი ღურაშ უკულ გენწყუნქ მუორელი ირიათონს”.
  

 

 

 

    *ათაბოგი კირდე-ზღვას

• ათაბოგის ქიგვოღობა
  
• კირდე-ჩქონიშ მოფერდას,
  
• მითინქ ოჭიშ ქომრთინუდა,
  
• არძა ჯგირო ყოფედას.
  

 

• ოჭმარესუ ქიგვოჯინექ
  
• წყარიშ წვანე დობერა.
  
• თომაშ სირმას ქიგვოჭაჭანქ
  
• ჩილამურ დო მონგერას.
  

• სერიშ ზღვასუ ქიმვარჩქილექ,
  
• ნიარეფიშ მოფენდას,
  
• ჩხომეფს ქიმიბდიარუა,
  
• ორქოს მუთას ოფერდას.
  

 

• ინორობას ქინვოხვილა
  
• წკონდა ჭვიმაშ მობენას,
  
• ნიშის დომწყუნქ, დღას ვებზალა
  
• ქიანეფიშ მოლებას.
  

 

 

   *დეიშ ყუდე
 

• მიოხვამუ დეა-დიას
  
• ათუჩოქუ დეიდია,
  
• შუმნაშუა დარაიას
  
• აწუწილუ ია-ია.
  

 

• დუდოხატის მუცირუანს
  
• ფეროსუ დო ფერაიას,
  
• შურუბადო ქიმთოშქურდუ
  
• ისიროტა-ისირიას.
  

 

• პეულეფიშ მინდორიას
  
• გილევალუ მარწკინია,
  
• ხუს გილაბხე სინთორია
  
• დადა ცირა-მაცირია.
  

 

• ოზეს გინი გილერულე
  
• ქაუჩა დო სქვამაშია,
  
• კიდას ყამა მიკორწკინუნს
  
• ვარჩხილერი შანაშია.
  

 

• ...სი ქომიწი, ჭვიმაშია,
  
• რინა რენ დო სისმარია.
  
• ...კურკანტელა ჭითაშია
  
• გარზუ დეიშ სამარიას.
  

 

 

   *ორთაშ ლუბა
 

• ნარღიშ ზღვასუ ქიგიოლუ,
  
• შურიაკონკარილი,
  
• ქუნჭუანსუ გიმე როხუ,
  
• თოკიშ აკოჯვარილი.
  

• წყარპის რინა ქეკასკიდუ,
  
• ტვერქუმუო ფანილი,
  
• წყითეშ მოსა ქუგაკირუ,
  
• ხვიარიაშ ბანდილი.
  

 

• მაფა-ჩხომი გეიაზადუ,
  
• ერქემ-სუა ფაჩილი,
  
• შიშ დო ორო ქუგადირთუ,
  
• ქვერსემიას ფალირი.
  

• ხოლო ცაშა უჯგუ ულა,
  
• შარა გობუ სარკილი,
  
• მიანტებუ ორთაშ ლუბას,
  
• ჩხურუშ ეყოთამილი
  

 

 

    *მესიშ ჭვიმა
 

• ჭვენს, ჭვენს, ჩხაპალანს,
  
• დოლო-მოლსუ ვარკალანს,
  
• თომაჭითა ალდაჩხირი
  
• ჯიკუტიას გალაყაფ,
  
• წარღუზილი ბადიდია
  
• ყებურს მიშაღაჭალანს.
  

 

 

 

    *შარა- ჭარა ბორზიეფი
 

• სერიშ კარსუ გემნუონჯა,
  
• ქელვოჯინექ ცაშ კარეს,
  
• მურიცხეფიშ ჭვემა ცენსუ,
  
• მევარჩქილექ ხონარემს:
  

 

• მუაჩქიმი გაფურცქინანს
  
• თეა ხოჯიშ ქასანთელს,
  
• დიაჩქიმი გიობირანს
  
• პატონემსუ ფანდურელს.
  

 

• ია-იაშ წყარი წენსუ,
  
• ჭურჭულანსუ ოდაშ რჩელს,
  
• გუნაცხანტა პეულანსუ
  
• მუმულიაშ ბირბილემს.
  

 

• სასინთოშე მუთოფუნსუ
  
• ჩელაია თუთაშ თე,
  
• ყვას ფურცელო გემოფინუ
  
• ნანაიაშ რგილი ხე.
  

 

• სინჩხე უთაკარუანსუ
  
• ბაღანობაშ სიზმარემს,
  
• ცხვინსუ გილაწირწინუნა
  
• უჩა ორო-მესერეფ.
  

• დუსუ ქიმთიბტყობინუა
  
• შქართუნს, სქვამას გურისტელს,
  
• გურშა ქიმიბხუტოლუა
  
• ჭითა-ჭითა ჩაფულემს.
  

 

• ...ირფელ ართო დაფთხიებუ,
  
• ელვოჯინექ ცაშ კარეს,
  
• მირე გიშმოწურუანსუ
  
• შარა - ჭარა ბორზიემს
  

 

 

        *ნწკელი
 

• მესეფიში მარუასუ, მოსოფელიშ ზღვარუას,
  
• არზენაში ზარზალსუ დო კურუმ კაპუშ ზარუას,
  
• გარულ თოლიშ გორზამას დო გვარგვანჯუა – ქარუას,
  
• ნაჯვარლენსუ დუნაწიმა ზისხირიში ყალუას.
  

 

• ძელ დო ძვალიშ ჟვარუასუ, გურგიშ ყვილიშ ტკვარუას,
  
• თუთა ფორცხოლერღვაფილიშ კუმა-რუმეს ნკარუას,
  
• დიხა გოდარდალაფირიშ ეშა-გიმე ყარუას,
  
• ქვერსემიაშ ნაფულეში ელე ეშაყარუას,
  

 

• ერთელ წყარი ზვირთილიში ცასუ მიკოხარცქუას,
  
• არქანეფი გუნაჭაში ხირატუა-ხართუას,
  
• გოჯარილი ჭკანდერეფიშ უკმო-კვარჩხო ქართუას,
  
• მურიცხონიშ სარსიოლშე გინოციმა-კვარჩხუას,
  

• ცაშ ლაკვეფიშ რულაიას, ყურუა დო ლალუას,
  
• ვითაამშვი მასქურიშ დო მუში დიაშ ნჭალუას,
  
• მართუში დო მაშარულიშ დაჩხირს მიშარგალუას,
  
• დალურიში კველა-დინცხო კარუელიშ გალუას,
  

 

• ზღვაშე წყარ დო ცაშე ტვერიშ უჩათ აკოწყათუას,
  
• რინა-ღურუშ მერთელეფიშ ჩილამურით წყარუას,
  
• ...ქიგვაყუნუქ ქირსეშ ლებირ კუჩხეფიში ნაულას,
  
• კირდე-ჩქონშა გეკვანთხუქუ, შურს გინვოტე წაულას.
  

 

 

    *ონწარე
 

• ბარას გარე წკონდა ღალი
  
• მაფელ ონწარე.
  
• ოზეშ სანძღო ბაღანობაშ
  
• მაფუ მოწამე.
  

• ხვარჩალია წყარიშ ზესქვიშ
  
• მორჩე ნოხორი,
  
• ქვაჩახია ლეფონეფიშ
  
• რუმე ოხოლი.
  

 

• წყარ-პატონი მიშატყობუ
  
• გორდა ქალამი...
  
• ამარ, გოთეს დუგაგორე
  
• ტყაში წამალი.
  

 

• სია-სია იფაჩალ
  
• დოლო – ისირი,
  
• ქოლოწყუსუ ინივალ
  
• ბჟალა სილირი.
  

 

• ...ნანა მიჭანს, ხიოლი რე,
  
• ორო მუმაში...
  
• წყარი მოჩქუ, ქიგნოდვალ
  
• ფერი კუმაში.
  

 

    *სქიბუ
 

• ჩქიმ ჭოღაშე ხუმინუნქ,
  
• მოცაცილი სქიბუ,
  
• ხოჯიცალო ზუმინუნქ,
  
• მუნაწისუ ქუნქუ.
  

 

• საიმენდო ღორონთის
  
• სიხვეიეთ გუქუ,
  
• ოდიარუანქუ თის
  
• ვამოიწყინდუ გურქუ
  

• უკვანწუანქ ნაბოგას
  
• უსქვამაშო რჩელსუ
  
• ყაზახურო იხანჩალუქ,
  
• ვარულუანქ რჭელსუ
  

 

• ჩქიმ ჯვეშეფიშ ნათოლა რექ,
  
• ვადორხვამუ მიქუ
  
• წინკეს ყუნსუ ნაფენთებუ,
  
• კისერ მიტახ იქუ
  

 

• ცაში ნოთეშ გერძუ ფერი,
  
• იდანდალუქ, სქიბუ,
  
• მითი ღირსუანი რენი,
  
• თიშ სახელი სქიდუ.
  

 

 

 

   *ნამაყალუ
 

• მეშარულო მეშაყარანქ
  
• დოსქილადირ წონწემს...
  
• ვარსქილად= ყოროფაში
  
• ჯვეშებური მონძე.
  

 

• მუს გოხვარუ საჯიმალოს
  
• გუნანტებუ ონწე,
  
• ათეზ=მა საცოდებას
  
• დუდო ღორონთ ორწყე
  

 

 

 

     *შქედი

• ...ამარ შქედი, საორიო,
  
• ჩიტეფიში ეფშა...
  
• ჩქიმ აბლაკი მეჭირხინუნს
  
• თე სოფელიშ გეშა.
  

• მეურქუ დო გურსუ მიღუ,
  
• ქომიშითო ხეშა...
  
• მარა იშენ, საწყალცალო,
  
• ართის ვემუოქეშა.
  

 

• გერს კირიბი ნოხირით
  
• დოგვანუნო ჩხეშა,
  
• ირიათო ყურუას,
  
• ვამოშქურუ თეშა.
  

 

 

 

   *სამუელიშ ობინეხე

 

• ბაბუშ მოშინაფაში
  
• სამუელიშ ობინეხე
  
• ყურზენიში ეფშა...
  
• ჩქინი შქაგას გეუჭოფუ
  
• დოქუნილი ჩხეშა...
  
• ხოლო ჯგირო დოსქილადე
  
• ათე ბორჯიშ გეშა.
  

 

 

   *დღალეფი

• ირი წუთის, ირი წამს
  
• დიდაშ დოზუკოლი ბწანს.
  
• ჩიტ გილახედ ცაში წვანს,
  
• დია მიწინდ ორდო ჟამს:
  
• თუთა, თახა,
  
• ჯუმა, ცა,
  
• ობი, საბა-
  
• ტონი, ჟა.
  

 
 

    *ზარა

• ტანი ოხვარჩალაია
  
• სქანი წყარი წკონდა რე...
  
• პოპორ ოქვაჩალაია,
  
• ჩქინი უმშო ცოდა რე...
  

 

• ყვანა ოშვაშვალაია,
  
• სიმინდეფი – მოტარე.
  
• აქ გიბირუ, მაფშალია,
  
• გვალო ჯვეში, სონდარე.
  

• ჯიმაკოჩი მარშანია
  
• მიხვიჩინანს, მოთარე,
  
• აქ ალიო ქობალია,
  
• სამუელიშ მოთა რე
  

 

• მა მონირზუ მი დარღალა,
  
• მუნაველი, მოშარე...
  
• დიადიხაშ მიდაღალა,
  
• ვავა, მუზმა ცოდა რე.
  

 

• ქაარწყეთო ,,ისტორია”
  
• მუშ მაპუხა გორდა რე...
  
• მერთომესუ ნისორიათ
  
• ზარაქ, ცოდა მონკა რე.
  

 


    *...

• ჭყონი გერე ასე
  
• ვადირიკუნს ყას...
  
• გოსოფილსუ შქაშე
  
• რინა იშენ წანს.
  

 

• ქარ-ბორია სოლე
  
• ოკონ ლამბუნს, ჭანს...
  
• მარა ზღვაში მოლე
  
• ვორწყექ მენდიშ ყას.
  

 



    * ...

• ჩქიმი ბაბუშ ჟირ ჯიმას
  
• შაფის უღუ საფულე...
  
• ვარინუანს დაჩხირ-ჭვიმა,
  
• ურჯულაში თაურე.
  

 

• ტერქუ მურე ჩხუპით მიგ=,
  
• საჯიმალო ქიანას...
  
• უჩაფულეთ კოჩი ირგ=
  
• ოსოგოთე იანარს.
  

 

• ქიანასუ დღას ვაყუნდუ
  
• ჯგირობუაშ პიანა...
  
• მუჟამიშა ჩქ=ნ ნოხორის
  
• ყვარანეფი ყიანა.
  

 

 

   *გამნარყი
 

• ჩქიმი კუჭურუა ბოში,
  
• ჩქიმი ცქვერელია ცირა,-
  
• ცაშა გიღუნანო ყოში,
  
• ორქო-ვარჩხილიში ციმა.
  
• წანა მურე, იყი ოში,
  
• ქორდას კოჩანაში ძინა.
  

 

 

    *...

• გური მუზმა წყანწყილ მაფუ,
  
• ჭვიმა რე დო გოლოფა...
  
• მიდგა-მიდგა გილერქაფუ,
  
• ვამაცალეს ყოროფა.
  

 

• წყარპის ფეშერ დომირჩაფუ,
  
• ბაწარ გობძუ ჩხოროფა,
  
• გური ბრელშა ჩართილ მაფუ,
  
• შური ოკნაკორობა.
  

 

• ცას მუნაფა მუშე გაბუ,
  
• ეშმაკეფიშ ჭყოლოფა
  
• ბრელს= ირფელ ართი აფუ,
  
• ჭოროფა დო გოლოფა
  

 

 

 

    *სირჩინუე
 

• თიშო დუსუ ვაზოგენდი,
  
• ტაროზ, ჭვიმა, ნათუას...
  
• სერ დო დღაში გიხანდებუ,
  
• ცოდა მითინქ ვათქუას.
  

 

• ვადარკებუქ სქან სოფელიშ
  
• ჯგირ დო ფურიშ კვათუას...
  
• მეზობელიშ დიარას=,
  
• ხვამას= დო ნათუას.
  

 

• მინშა ღორონს ოხვეწუდი,
  
• ნიტე, შურო ვაპუას...
  
• ირკოს ართო უხვამუქუ,
  
• ჯგირობუა ქატუას.
  

 

• მარა ორთა მუშ კისერიშ
  
• უღუს ოთოლაფუანს...
  
• მოხოლებე სირჩინუე,
  
• დღალემს გოთვალაფუანს.
  

• კოჩი მინშა შიშის ღურუ,-
  
• მუთუნ ქიდილანდუანს...
  
• გოჯოგაფუ სქუალემს,
  
• ტორონს ოდიარუანს.
  

 


      *ჯიმალეფი
 

• უჩა ნირსეფ მეთხოზუნა ჩქინ ნარინა გვალემს,
  
• ათეზ=მა გაჭირებათ საშველ შურო ვარე.
  
• სიზმარ-ცხადო გეყურანს= ჩქიმ ცოქია გალე,
  
• ჩილამური მიშქვიდუანს ჩქიმ გონწერილ დალემს.
  
• ღურას ბრელშა ვოხვეწუქუ ჟინ ღორონთი ხვამელს,
  
• ირო ართო ვორდით= დო ქუდომიტეს ხვალე.
  
• მუშენირე, მოგაფუანს მა უსურებ ვალემს,
  
• ართშა ვარა ქუმოძირას ჩქიმ შალვა დო ვალე.
  

 


    * წალენჯიხა, მანცხვარიში კილისა

• წალენჯიხა, მანცხვარიში კილისა,
  
• სანთელჯგუა ივალუნა ცხვაცხვეფი...
  
• ორჩინელშო ირთუდ ნერჩ – სადგიმიშა,
  
• მუ დინაფუდ ბერზემეფიშ კარეს...
  

• მუშ ნახანტა მანცხვარიში კილისა
  
• დოხვამუ დო შურ ქიმეჩუ გონთეს...
  
• დუდშუშელო ათანგარდ- ცხვაცხვემს,
  
• მახარებელს გურს ეკაჭუდ ცოტნე...
  

 

• წალენჯიხა. მანცხვარიში კილისა,
  
• სანთელჯგუა ივალუნა ცხვაცხვეფი...
  
• ხვია ხუმა ათაკირუ კონქემს,
  
• გოჩხონუას, მახარებელ, ამენ!
  

  





7.ლეონტი ცირამუა.

   *მაყალე ცირაში ალბომი

• გიძღვნენთ მა ათე ვარდენც
  
• მაყალურო გოსაშინეთ;
  
• გეგნოფაჩ/ნთ, ქაშაჯინეთ,
  
• ხათე ხოლო ქიგაშინეთ.
  
• თე ნაჭარას ქოძირ/ნთი
  
• წეკითხენდათ, გიძიცანდათ,
  
• თქვანი სქვამი თოლი დო წარც
  
• ხეირიანო გინაქვანდათ.
  
• ეთი ბორჯის სოდგა ვორდე
  
• მუდგა დაფიქრებულონი,
  
• მათი ტანი ქომიგინანც,
  
• იყით ხიოლებურონი.
  
• დო ფიქრეფი მუდგაფერი
  
• მიღუდასი, გ/მაფანტუ
  
• დო ეთი დროს თქვანი სახე
  
• მა წოხოლე დიმახანტუ.
  

  *ასტრონომიული ოცნებას ყუნაფილი.

• ხე გომიტეთ დო მიჯინით,
  
• ასე ცაშა მეფუბრინ/ნქ;
  
• საჰაერო ქიდიბტე დო
  
• ეთერონას მიბუბრინ/ნქ.
  
• მიბჭურჭინ/ქ ირიათო,
  
• ცაშა ქიმურქ, ბჯინებულე,
  
• მარა ოლ/ ირო ყოფე,
  
• თესი ხოლო ბჩინებულე.
  
• ოქიანეს ხურგი ვარე,
  
• ჩქიმი დუდი, ს/ მუ გოკო?
  
• ... ათე ორთას, მუ ირთანცი,
  
• სალამ/ს/ გებგე მოკო.
  

 


    *ონჯუა

• ონჯუა რე, სარკილი დო,
  
• ბჟა ალალ/ს გერინელი,
  
• იქაქალ რგილი ბორია,
  
• ორთაძალაშ გორჩქინელი.
  
• ხობწყარი პიც, გვალაშ თუდო,
  
• გევოხექ/ დიდი ქუას;
  
• დუდი ხეშა გილამიძ/
  
• დო უჯინექ წყარიშ ულას.
  
• წყარი ტკილენც გინმობურსუნც,
  
• გინმიჭუმინ გინალაფუს,
  
• ქუას წყარჩიტი გეწიანც,
  
• წყარი ტობას ინემაფუნც.
  
• მოლე ოროს ქიგლურინ დო
  
• მელე ზესქვი ქიმკიფაჩალ,
  
• რგილი მასქურქ ქ/დირქიუ,
  
• წვანე დელო ქიგვაჩალ.
  
• ჯაში ფურცელენც მასქური
  
• სქვამას ქუფარფალუანც
  
• დო ფურცელენც გეყონილი
  
• კოლენც ქაჭ/რჭინუანც.
  
• ბჟაქ ალელ დო გელერუმ
  
• რობააკანქ, ორუეფით
  
• მარა ცააქ/ გიჭვაჭუტუ
  
• სქვამი, ჭითა მურუცხეფით.
  
• ვამკურთ/მუ ბრელი ხანც დო
  
• თუთაქ ხოლო გელესარკალ
  
• დო თიშ სქვამი ჩხორიაქ/
  
• ტყას ვარჩხილ/ ქიმშაკანკალ.
  
• მა ორთაში სისქვამეს/
  
• გვალო ქაბობრებუდი,
  
• წიგნი ქ/დომიდვალ/ დო
  
• თუთას ქიმებჩემებუდი.
  

8.ლაშა გვასალია

     *ოგურეში

• ჩქიმ ჯინჯიშა მეyონილემქ
  
• ქუდომჭყეს ჩალუა,
  
• მარა მუსუ დუმარკენც,
  
• გერც ცუცქეფიშ ლალუა…
  
• მუჟამსირდ უჯინჯეთ-
  
• ჯაშ ნოyელა ფალუნდუნჲ,
  
• ვარა ყამა ჩუალირო
  
• ვარკალანდ დო ვალუნდუნჲ…
  

      



    *დობშურდი

• დობშურდი-გიჯინექ ჭვიტეშე,
  
• მოკო სქანჲ წორო გილეფშე…
  
• ცაშე გეგმოზღვინდა თოლეფც-
  
• მოკო საცოდება ბღოლე…
  
• დღალეფც აშვოკირა ონწეს,
  
• მასქურც გითვოტყობა მონწეს,
  
• ყებურს ვუფურუა შურც,
  
• ღორონც კონ უთხილა შხურც…
  
• მოლა, მუნაფაშა მოლა,
  
• თაქ რინჲ გინორთუმე ჭკოლა,
  
• ღურუ საფულეშჲ კარც ჯგორუ,
  
• მოლა, თუთაშ ომპას ბგორუ…
  
• დობშურდჲ,
  
• იფცქვირინა ჭვიტეშე…
  
• ბორჯრე ცაშჲ ოხვამეს გოლეფშე…
  

       *ჩხანა

• ჩხანა, ჩხანა ბარჩხალია ჩხანა,
  
• სქან ოროშე ელნაფალა თუთას,
  
• ქეყოროფუ ჩქიმ სერქ დო ვათხუ,
  
• ცაშჲ სქუალეფც-ჯეგეთას და ურთას…
  

 

• ვადმათხინუ, სისმარებით ბჭყოლუნც,
  
• მუშო მოკოდ თეშჲ კიკინჲ დო ჯინა,
  
• ნანა მუჭო ვამარტინუ თეშე,
  
• მუჭო გამმწარ yოროფა დო რინა…
  

 

• ჩხანა. ჩხანა, ჩხორთოლია ჩხანა,
  
• ქუწი მუთუნ უონჯღორე თუთას,
  
• მუ იyი ღორონთქ თე ქიანაშჲ სქიბუს,
  
• თეშჲ უმოშო უჯინას დო ურთას?!
  

 

• ჩხანა, ჩხანა თოლუნჭაფუ ჩხანა,
  
• ვადომტუა თუთაწკუმა ხვალე
  

9.ლია ნაროუშვილი


    *სამარგალოს

• სამარგალო- გურიშ კილა,
  
• ღორონთიში კართეშ ორო,
  
• ღურჭულანა მარგალეფი,
  
• ჯიმალეფიწკუმა - წორო.
  
• ჩქიმი სქვამი სამარგალო,
  
• ოხვამურ ჯაშ ელნარდირე,
  
• გაფურინანც მაფშალია-
  
• ოშ ხონარშა ელმაბირე.
  
• ვოი ნანა გოლუაფირო,
  
• სქანი მანგი მითინ ვარე;
  
• მა ვორექ, ჭიჭე ჭყიში,
  
• მასქურწკუმა მიდგუ კარე.
  
• სქან სანთელო სქან გოლუა,
  
• სამარგალო, ჩქიმი რინა,
  
• მა ვამაკო, მა ვამოკო,
  
• უსქანეთ წუმოძინა.
  
• სამარგალო-გურიშ კილა,
  
• ღორონთიში კართეშ ორო,
  
• ღურჭულანა მარგალეფი,
  
• ჯუმალეფიწკუმა - წორო.
  

    *ჯინჯი ხატი
 

• სამარგალო - ჯინჯი ხატი ჩქიმი,
  
• თოლც ვა მოთხუ დღაშ დო სერით მა,
  
• თაქ რე ჩქიმი გიორგი დო ცოტნე,
  
• სქან სანთელო სქანი გოლუა.
  
• მოსიზმარუ, გეთუ ქიანაშ ხანქ,
  
• ვამმოსვანჯუ გურიშ ჭუაქ მა,
  
• მაფშალიეფ ღურჭულანა ცას,
  
• სქან სანთელო, სქანი გოლუა.
  
• სამარგალო, ოდაბადე ჩქიმი,
  
• თოლიშ სინთე, ბორჯი გოთანა,
  
• ერძამილი მურიცხეფ დო თუთა,
  
• სქან სანთელო, სქანი გოლუა.
  
• კონსტანტინეშ ნაკილოთა ბაღის,
  
• დობრგათ ხოლო საარკვანო ჯა,
  
• სამარგალო - ჯინჯიხატი ჩქიმი,
  
• სქან სანთელო, სქანი გოლუა.
  

10.ლაშა გახარია

     *ოდაბადე

• yა ოჭმარეს ზესქვ გილარხე,
  
• yა ონჯუას - მალაღური…
  
• სქან ოსქვებურ ვამათქუნი,
  
• კოჩ თაშ მუჭო ალაბღური?!
  
• ვართ მასქურო ეშმოლ შურქუ,-
  
• ქიგნოირქიე თუმასნი:
  
• სქან უჯგუშო მის უჩქ, ცაშა
  
• მუ მეუღუ კუმასნი…
  
• ნარღიშ yას გილაyონუნქ
  
• პირსელიში მუმულჯგუა,
  
• გინაიyია სამარგალოს-
  
• ჯგირობუას უკუჩხუა.
  
• ირიკოჩიში მენძელი რექ,
  
• გოონჯღორუ სუმარუა;
  
• ჭყოლირ გურიშ ლეცერი რექ,
  
• ღურუს ცურუს უვარუა.
  
• ანწ ვარენო ქომკითხენ დო,
  
• ქიგლულ, ქიგლებლანთირუქ…
  
• ოშ ქიანა მიბლი, მარა
  
• ნამთინიშა ვამთირუქ…
  

    *მარგალური

• მარგალური ჯვეშ ნინა რე -
  
• ქორთულიში ჯერღვი - ჭვერხი,
  
• ორჩქილეთ - საღორონთო,
  
• ვაუწყორუაფ ჭვახე რეხი.
  

• მინ - ზესქვიშ ჩილამური,
  
• მინ - პელეტი დო მერეხი,
  
• ქოთ - პეული, ქოთ - ჭუჭელი,
  
• გურც ეფალირ შურ-ბინეხი.
  

• მარგალურ გვალო შხვა რე, -
  
• ართო ბჟა დო ართო ცა რე,
  
• დიდაშ ფართო კართე რე დო
  
• მუმაშ yვანა დო ფაცხა რე.
  

• yოროფაში წყურგილე დო
  
• ღორონთიში აბარწა რე,
  
• უჩა ბორჯიშ ალნანგარა,
  
• გურიშ ელნაკარკაცა რე.
  

• ჩქიმ მარგალურ სხუნილი რე -
  
• კაჭალია ლაკადური,
  
• ყამბარულო ნაფურცელა, -
  
• სოთინ ვახოლ ნახაფული.
  

• ხათე მანჯღვერც დუგორუნც -
  
• სიტყვას შარა აკართუნი...
  
• ნჯღელ ზღვას ხოლო მიშარჩქინდ -
  
• წკონდა წყურგილ ქაკათუნი.
  

• ნინას ხოლო ნოკობუე
  
• ბარგუა დო მაჟირუა,
  
• ტყაში გითოტიტონუა,
  
• წყარუა დო ლაჟირუა.
  

• უმინჯ yვანა, გამგონებუ,
  
• სარდაკიაქ დაჟღირუა...
  
• ქემინჯი დო გაქშაბირცხე -
  
• უმოღე დო ნაჟირუა.
  

• ბრელც ვაუჩქ მარგალური,
  
• მიშემონტყორ ძათანძალო,
  
• წოლერ yვალი ცხვინც მებუ დო...
  
• თუდო ღუმუს ნტყვილუნც - ფალო.
  

• გინძე ხერხალც ელაბირძღ -
  
• ათოღანძგილ ხაჯიცალო,
  
• უმოღეს ბურდღინუნც -
  
• ქიანაში გაძიცალო.
  

• ნინა ჯგირო ვაიჩქუდა,
  
• ჭარაშ ძიცას ვეიაზადა,
  
• სქან ტაბაკის ქიგნაჯინი,
  
• გეგნილერჭყვე გინძე მადა.
  

• ღორას წყარი მესქირუნი,
  
• ქიგილადგუმუ სქიბუს ზანდა,
  
• ლერსი ვარი, ლებია ვერგ -
  
• ოგურიათ ელნაზადა.
  

• მინ მელერსე მარგალურც
  
• ტუტას მიშუტყურუანც,
  
• ჭყონიშ დაჩხირც - ალიაკონც,
  
• თხომუს მიშუტურუანც.
  

• მარჩქილეს ორტინუანც,
  
• წისქვილც ქიმკარულუანც,
  
• თიცალს თქუანს, ყვარიას
  
• კუდელც გეუფურუანც...
  

• მინცი თოფო გილუღ, მარა
  
• იშენ ვა რე მონადირე,
  
• შხვაშ ნოტყელც გაზუმინუ
  
• მუჭოთ ჭანდი - მოლადირე.
  

• თოლი არძას ალაბრსხუნა,
  
• მარა ზღვა-ქვინც აკა ორწყე...
  
• ჭიფელია ჭინიშ ღობერ
  
• სქვამას ირკოც ვაწკიროწკე.
  

• ბრელ იბურჭულ, მარა ლარჩვი
  
• ბოყვ-ყამბარო ვადაროწკე,
  
• გეშქირატილ ყებურიშო
  
• ხინკ-ლახვაცა ვაკაბოწკე.
  

• ანწ ქიკითხით: მუ ოკონი,
  
• კვანწილ ლერსიშ ღობუას,
  
• დორჯგიმილ ბარჯგეფიშ
  
• ზღონდით გინოზღონდუას.
  

• წვანდიშ მოზგუმონჯუას დო
  
• ლაბახათ ჭოფუას,
  
• უხუჯური ქარეფიშა
  
• ბირცხაში მიკოსოფუას?!
  

11.რინოს კვარაცხელია

    *ლერს იმენდო ალამირე

• ლერს იმენდო ალამირე,
  
• შური გამისქვამუა,
  
• ჩქიმ დუც ბრელ რე გინნაულა,
  
• გურგინი დო ვალუა,
  
• ცას მურიცხიშ მოხარცქუა,
  
• თუდო დიხაშ ნწალუა,
  
• მარა იშენ შური მიდგჷ,
  
• დუღას ვუგვარგვალუა,
  
• ჩქიმი ნარგი რინაშ ნერგის
  
• პეულქ გამკოფალუა.
  
• მოთალეფ რე ჩქიმ წამალი,
  
• ღორონთქ დომიხვამუა,
  
• ჩქიმი გური, ჭყოლირ გური,
  
• თინემქ გამიხარუა.
  
• ბჭარუნქ, ფსოფუნქ, იფსოფუქ,
  
• ვამოზარ ჭარუა,-
  
• ურაგადუშ რაგადი დო
  
• უხარ თირიშ ხარუა.
  

   *სამარგალო

• ჯვეშო უმოსი ქორდი მარა
  
• ასე ჭიჭეთ იძირექ,
  
• თენა, ირკოც ვაუჩქ ვარა,
  
• საქორთუოში ჯინჯი რექ.
  

• ვამიჩქ კილც მუს გარზენა
  
• მის მიოჩქუქ შხვასი თურო;
  
• სამარგალო ვაკონ თის
  
• ქოყურცო საქორთუო?
  

• ნტერიში ოყვილარი ტყვიათ
  
• სქანი გურც მუშენ ჭყოლუნდეს
  
• მოღალატეთ ორწყენანო
  
• ქუჯის, ცოტნეს, ჭყონდიდელც?
  

• ნტერ–მოჯგირესი ჩინებაში
  
• მუშენ ვაუღუ ართგანც ჭკუა;
  
• ანწი მუთ რე ისქილიდე
  
• გორგიჯილო გურიშ ჭუა.
  

• ვამიჩქ კილც მუს გარზენა,
  
• მის მიოჩქუქ შხვასი თურო,
  
• სამარგალო ვაკონ თის
  
• მუჭო უყორც საქორთუო?!
  

12.გური ოტობაია


    *გვიმარა

• ოხვამურ ჯა რდი, მარა
  
• დეჩიჩიო, გვიმარა?
  
• ვეგლენგარა ირიათო
  
• თი თუთა დო თი მარა,
  
• ოხვამურ ჯა რდი, მარა
  
• დეჩიჩიო, გვიმარა?!
  

• ჩელაია ნირსი ცაშე მირაyვალუ,
  
• გოკურცხია, დიდა ინგირ გირაქვალუ,
  
• გოლუაფირო, გოლუაფირო, ირო ფალუ,
  
• კუჩხეფიშა წყურგილეფი ქუმოიდვალუ,
  
• ოხვამურ ჯა რდი, მარა
  
• დეჩიჩიო, გვიმარა?!
  

• შხურიშ ტყების გეჭარუდუ სქან ნინაშა,
  
• მუჭო ოკო ონდღულესკო ფულანდი!
  
• ითამ კუჩხი გეიდგუმუდკო ტინტილაშა,
  
• ეკორჩვილი გილეში დო ქულანდი!
  

• შხურიშ ტყების გეჭარუდუ სქანობურო,
  
• ორქო ქვიშაშ კორობუაშ წესეფი,
  
• გიკურცხინე, გიკურცხინე, გოლუაფირო,
  
• სი მუნაფას გიწილოხუნს მესეფი!
  
• ოხვამურ ჯა რდი, მარა
  
• დეჩიჩიო, გვიმარა?!
  

• ბირგულ მუშენ გიდირკუ,
  
• კოლხურ ბირაშ მარჩქილეს,
  
• ქარწყექ - ჰავაქ ქიდირქუ,
  
• ფსუა გეკოვარჩხილე!
  
• ქიგიშინი ხიოლი,
  
• რე მუმულიშ yიონი,
  
• მობაღუნა ქიონი,
  
• უზისხირე გვიმარა!
  

• ნჭყოლირ გური მუჭო ვემკისქილადე,
  
• ღურა თელათ მუჭო ვემკიზგილატე,
  
• კოლხიდაშე ლანდი ქუდოსქილადე,
  
• უზისხირე, გვიმარა!
  

• ჩელაია ნირსი ცაშე მირაyვალუ,
  
• გოკურცხია, დიდა ინგირ გირაქვალუ,
  
• გოლუაფირო, გოლუაფირო, ირო ფალუ,
  
• კუჩხეფიშა წყურგილეფი ქუმოიდვალუ.
  

• ოხვამურ ჯა რდი, მარა
  
• დეჩიჩიო, გვიმარა?
  
• გიკურცხინე, გოლუაფირო,
  
• ვარა გიმორჯგინანა!
  
• ქიგიშინი თი მარა,
  
• ქარწყექ მუსხის გიღვარა,
  
• გემწოდორთი,
  
• გემწოჟვენგი,
  
• გემწოსოფი, გვიმარა!
  

     *დამორჩილი

• მეურს ურემი, დამორჩილი რე,
  
• სერი გინძე დი დღა მორჩილი რე,
  
• ჯათ გორჩვილი რე თავრენურენი,
  
• ოდაბადეში მოკო ბღურენი.
  

• მეურც ურემი დო მირსიოლუ,
  
• ოროფაქ დუდი მომირსიოლუ,
  
• ტან მარზიოლუნ აკა, მუ რენი?!
  
• ოდაბადეში მოკო ბღურენი.
  

• ემერ სქუა და ემერ ჩილი რე,
  
• შური ფურცელით მოფორჩილი რე,
  
• ფოფორ ჭვილი რე, ვეფანდურენი?!-
  
• ოდაბადეში მოკო ბღურენი.
  

    *ნერჩი

• ჩვარჩვალერ ტყაცალო µოთანს,
  
• ძეკვენეფ ნახუა ოდაში,
  
• მიდეღეს კვიკვალი ოდა,
  
• ქიµუნეს სისმარეფ ცოდაში.
  

• გილაშუნდ უდუდე მუმა,
  
• დოღურ დო ქიდიტუ ვალი,
  
• ბორიას აბარჭყუ ხუმა,
  
• მიოგდას ჩხოროფა ჭვალი.
  

• ჭვემასუ ეთურე ნოსა,
  
• გონწერე µოროფათ მერკე,
  
• მუნარე ბორჯეფი ქორსა,
  
• იხირგინ ვედრასუ ხერკე.
  

• ჯარგვალსუ მილენგარს ცირა,
  
• შქირენს დო ვეპალუ მინჯე,
  
• ჩხვიჩხვშორო იკვანწალ ჩილა,
  
• შოფერსუ უძახნა: - ქინჭე!
  

• დოხუეს, მიდეღეს µუდე,
  
• ვედიტეს ბონი დო ღულა,
  
• მაჭირხოლს ვაპალუ ბუდე,
  
• ვეშმოურს ოფურკეს ნპულა.
  

• ბოღანეფს გეკორდუნს ნანა,
  
• გეირ§ამუ ქიანა µვერე.
  
• ომბოლშათ ქუმოურს ჩხანა,
  
• ქიანეფი დიდათუ გერე!
  

   *ნანაია

• ნანაია, შხვა ვორდ ირო,
  
• თე გურ µოფე სქანი ჭირო,
  
• ჩქიმდა მითინს ვაგაგებუ,
  
• სქან მეტისუ, გოლვაფირო.
  
• სქან სისმარეფ მოფუნს µუჩე,
  
• ღორონთ ვორექ გური ქუჩე,
  
• ვაგმაკურცხინ, მარა ქიბგინ,
  
• ნორჩალ მუჭო ელამკუჭე.
  
• ერჩქინაშე ხანგა ვორდი,
  
• სო ვებდი დო სო ვავორდი,
  
• სქვამ ცირეფსუ ქეკვოდინი,
  
• ჩქიმი რინა შქაშა გოფრთი.
  
• უდღანუნა, ნან, ჩქიმჯგურეფს,
  
• მოჯგირეფქუ მიმენდურეს,
  
• მარა ლერსეფქ ამაქექეს
  
• დო ჟი დო ჟი მიდამტყურეს.
  
• ვარე ჰავაშ ფიჩუ-ფაჩუ,
  
• შურქ თიცალო გუმაფაჩუ,
  
• კოჩიშ თოლით უძირაფუ
  
• ოროეფი გიმაქვაჩუ.
  
• ვემგმართინა ანწი გიმე,
  
• ჟინცაშ ქვინჯი ოკო ბ§იმე,
  
• კოჩიშ µუჯით ურჩქილაფუ
  
• ხონარეფი ელმასიმე.
  
• ქეშილებე დაჩხირქ დირკას,
  
• დაჩხირ მუშო ოკო ნირგას,
  
• მა შილებე გეგნობტორხე,
  
• მარა გურქ დღას ვამოდირკას.
  
• სქან §ისხირქ რე გამაµალუ,
  
• სქან მასქვამა მი მაპალუ,
  
• ღორონთიში ნოµელაშე,
  
• თურმე ღორონთს გელამფალუ
  

   *ეჩდოშქვითი ჩილამური

• თქვან დუდიშა მუნომლუაფ ჯაშ წვანჯეფი,
  
• ცაშ ნოტეხეფქ ანწი ვარა თე გურს ხირცქას,
  
• თქვათ გიჩქუნა µათე შარა ვარდუ ეფი,
  
• თქვათ გიჩქუნა §ისხირ გოპუნდ არძო ბირცხას.
  

• ეჩდოშქვითი ჩილამური გეკვოშქვიდე,
  
• ეჩდობრუო მიხა§რენს, ალბათ, თორსას,
  
• ლერსი, ოკო უკახალე ეკმოსქიდე,
  
• µათე რინაქ მუდგანერო ვეკმამორსას!
  

• კოლხიდაშე წყურგილშორო გემწოფსოფი,
  
• ჩქიმ სისქვამეს მებეჭუდუ მაბჟალია,
  
• ოდაბადეშ თოლიშსინთე გეკობჭოფი
  
• დო ხურხიშა ქიფხუტოლე მაფშალია.
  

• µათე გურსუ ღურუშ ორან ჭვეთით ვარ§უ,
  
• მარა არძა მურიცხიში ლისმარ გეშქუ,
  
• მუჭო ფიქრენთ - იბთირანქო ანწი გვარსუ,
  
• ჩქიმ შარაქუ ბჟაეიოლიშე გემწოფეშქუ.
  

• მიკმაჭაბუ ირფელ ართო, ბჯოგუ მერკე,
  
• ებდიდორი, ქიპოპობრე, ეკიბლანდღვი,
  
• შურშა ოკო თისხი დაჩხირ ქენიბგვერგვე,
  
• მუსხის ვაგურ§ ჩქიმი ბირგული დო განთხი!
  

• წანეფი, წანეფი, ეკობხართეთ ხაჯალურო,
  
• ეჩდოშქვითი ჩილამური გეკვოშქვიდე,
  
• ჩქიმჯგურეფი ვეშქურინე ღაჭალურო,
  
• ლერსი ოკო უკახალე ეკმოსქიდე!
  

• µათეჯგუა წიმოკინა კოჩის ვაშუ,
  
• ნამს ღურუშფერ არშთა ვარა ვეგნოდვალუ,
  
• არძა ჭუაქ მა ვამა ვილ, მა ვეშმაშუ,
  
• გურც ნტყოლირი ლეკურეფქუ ვამათვალუ!
  

• ეჩდოშქვითი ჩილამური გეკვოშქვიდე,
  
• ეჩდობრუო მიხა§რენს, ალბათ, თორსას,
  
• ლერსი, ოკო უკახალე ეკმოსქიდე,
  
• µათე რინაქ მუდგანერო ვეკმამორსას!
  

13.ი.ფაზისელი(მურთაზ ჩახავა)


   *შურიშ რტინი

• ეკისერუ უსერეთ,
  
• ცა გიორე ონგარ დღას...
  
• ქარ იგანს დო ფურცელენს
  
• ევრე-ავრე ოფართხანს.
  

• გოვალ,გოტყვაც თოლონჭეს,
  
• ცაქ გიხირიტ ობჟალეს \
  
• შკურინაფილ ტორონჯეფქ
  
• გვალა გეგნიტკარჩალეს.
  

• სო იდი დო სო ფურინი,
  
• სო იდი დო სო ფურინი,
  
• ქარწყექ მუჭო დოვღურინი,
  
• ნეტე ღურელ ქოპუნინი.
  

• გურქ ოკომცუ ქუმუცალო,
  
• თოლეფქ ეკმაფშ ვალუას,
  
• მუ გურზუ დო მუ მუცადუ
  
• ჩხანაშ გითოფალუას.
  

  *ჭიჭე ცირა

• სი ვარექუ ხასილასუ,
  
• მა იფრელი მაცილანსუ,
  
• გურშა ქეიფხუტოლუა,
  
• სქანიჯგუა სქვამ ცირასუ.
  
• თუთა ორდი თუთარჩია,
  
• ჩე ნაბადო ქოდმარჩია,
  
• შურ დომიტე წკირილო დო
  
• გურს-დაჩხერი ბარბანჩია.
  
• რაგადანდინ,ქორშუნია;
  
• პეულეფი თორსუნია...
  
• ნეტე მუთუნ ბრალსი ვორდენ
  
• ღვას დაჩხერი გორზუნია.
  
• ჭიჭე ცირა ცვირალია,
  
• უჩა თოლეფ გვირალია,
  
• ჩქიმი გური სი დოვილი,
  
• ანწ ვარე მაპირალია.
  

   *ჭიჭე ცირა

• სი ვარექუ ხასილასუ,
  
• მა იფრელი მაცილანსუ,
  
• გურშა ქეიფხუტოლუა,
  
• სქანიჯგუა სქვამ ცირასუ.
  
• თუთა ორდი თუთარჩია,
  
• ჩე ნაბადო ქოდმარჩია,
  
• შურ დომიტე წკირილო დო
  
• გურს-დაჩხერი ბარბანჩია.
  
• რაგადანდინ,ქორშუნია;
  
• პეულეფი თორსუნია...
  
• ნეტე მუთუნ ბრალსი ვორდენ
  
• ღვას დაჩხერი გორზუნია.
  
• ჭიჭე ცირა ცვირალია,
  
• უჩა თოლეფ გვირალია,
  
• ჩქიმი გური სი დოვილი,
  
• ანწ ვარე მაპირალია.
  

  *სო რე შურიშ მორცხება

• გვალა გიდალ ქვარამი,
  
• კირდე-რობუ წკვარამი,
  
• ერცქემიში ქაწვანჯა,
  
• ცას მეგ ყამატარამი.
  
• ქირი, სუა შარშალა,
  
• ბჟა ველუნსი ბარჩხალა,
  
• ვართი შხური, ვართი ჭყიში...
  
• ვართ ხვამა დო ვართ ჭყალა.
  

14.ვალერიან ვეკუა


    *ოჭუმარექ ქოთქუას

• სერით აზრებს ვორკინუქ,
  
• სერ გურჩქინუ ეშმაკეფს,
  
• იალონს მივახიოლანქ,
  
• დღაშ დო სერიშ მაყარეს,
  
• ჩხომქ მუთუნ ქოთქუას,
  
• წყარი ნოყორს გეუფშანს,
  
• თისხი ჭირს ქიანას,
  
• ნინაქ მუჭო გინოჩას?
  
• ეკონთხაფე დღა დო სერი,
  
• გეურჯგინუ უკმელასი...
  
• ნამ გომოხოლუნა ნტერი,
  
• ოჭუმარექ ქოთქუას
  
• ნოყორს-პიჯის
  

   *მიქ კოროცხუ მურიცხეფი

• მიქ კოროცხუ მურიცხეფი
  
• ცაშ ღორონთიშ მიკნაჭკადა,
  
• გურს ბრელი მიჭირს მარა,
  
• იფრელს ართო ვა ბრაგადა.
  
• ჩელა გიჭირს ჯვეშობურო,
  
• სი მიყორქ ჩქიმ ნაბადა,
  
• ღორონთ ჭყანა ქომუჩი დო
  
• ნტერს მა ხვალე დობრაბადა...
  

   *მაჭუ გურსუ

• თენა მითინს ვაგუგონებ,
  
• თეშენ მატი მაჭუ გურსუ,
  
• დიდი წკუმა ჭიჭეშ მართალს,
  
• ვამკურთუმ დო ვართ მუკურსუ...
  

• მიქ ძირ ჩიტი ჭოფუნდ ქირსუ,
  
• ტურა თხილანდ კოკუშისუ,
  
• ჭყირ მეხარუნდ ზოთონჯს თირსუ,
  
• ართო მუჭო აბირენა
  
• ყვარია დო მოლაღურსუ?
  

   *მუს რაგადანს მოლაღური

• მუს რაგადანს მოლაღური,
  
• ხაშილ მაფუ შურ დო გური,
  
• ვართი ფსქიდი, ვართი ბღური,
  
• სო ვორექ, მა უბედური...
  
• სქანი გეშა ვამიღ რული...
  
• შურობუმუ ჩქიმი შური,
  
• სქან ყოროფაშ ყუმენური,
  
• ქომჯინი დო ქუმოული...
  

   *გვალეფი

• მიორს გვალეფი,
  
• რულერ წყარეფი.
  
• დუც მუნაპაში
  
• ყაბალახეფი...
  
• სარკო დემეფი,
  
• არამხუტეფი,
  
• ცა დო დიხასი
  
• მონჭაპილეფი
  

  *სი სო ული

• სათანჯოში გაჭირებაქ,
  
• ვალაზიმუ მელე რუხის,
  
• ნიტე თენა ქარჩქინანი
  
• ცოტნესი დო დიდ ქუჯისუ...
  
• აფხაზეთი-შურობუმუ,
  
• მონტუქ, მიჭირქ ჭყოლირ გურსუ,
  
• თხოზუნა დო მიწონენა
  
• ნანინასი მარგალურსუ.
  
• ამდღა თვალუნს გური ჭვილო,
  
• ტანიჭიფე ჩქიმ ჩონგური,
  
• სოდგა ვორდა ალმასიმე,
  
• ობირაშე ,,სი სო ული"...
  

    *თუთა მუტაცებუნა

• ოდაბადე, უსქანეთ
  
• რინა რენო ჩქიმ რინა?
  
• მაზაკვალენქ ქუმორთეს დო
  
• ენგურს ქიდიდვესი ბინა.
  

• თარაშ ემხვარს ოსიზმარუ
  
• არამხუტუ ვერეხი,
  
• დროქ გაჩერდუ,
  
• სარკოს ვორწყექ,
  
• ცაშე მოურს მერეხი.
  

• ლუკაია ამბებს ზოჯუნს,
  
• ხვამანს ღორონთს მარდიანს,
  
• ოდიშის ქეშეფხვადათ
  
• გერგეზ ცოტნე დადიანს.
  

• თარაშ ემხვარ ენგურს ორკინ,
  
• თუთა მუტაცებუნა.
  
• ოდოიაშ მაბირებს
  
• ნტერეფ ქუგასოპუნა.
  

   *ღულა კოჩი

• გვარიანო გიშეფჩინე
  
• ხაშილს დო ჭვილს
  
• ღულა კოჩიშ ნასაქვარს
  
• მუ ჯოპირენს ტინს.
  
• გური ჭირით ეფშა უღუ
  
• გისირქოლუ პის.
  
• ზოთონჯის ვამასქიდუ
  
• მითინშოთი თირს...
  
• ნარაგადუ ვადუჯერა,
  
• ქიმკაჭარი ყინს...
  
• ორქო ცაშე ქოთუნდას
  
• თიშით ირო ჭირს...
  

   *ბორძალი

• გაგნონირსელე ჩქინი ცარქვალი,
  
• ორქო აია, ართი მისხელი.
  
• ილორ ვეუაფ ნაილორალი?!..
  
• წმინდა გიორგის მოუნს ლაშქარი,
  
• ნტერს დომერეხანს თიში ბორძალი.
  

          
  *კოჩანას შინი უღუ

• კოჩშა პიჯის ვამაოერე
  
• გოსირქოლსით ვავაპირე,
  
• კოჩანაშოთ მუჭომი რე,
  
• ორდე შხვაში ალმაბირე?.
  
• კოჩ ჯოხო დო ქუდ გიორთუ,
  
• შხვაშ ყუდეს ბუქნას ორთუ.
  
• სიავესი სქანი გორთუ,
  
• თე წესიქი სოვრე მორთუ...
  
• კოჩანას შინი უღუ,
  
• უკოჩობაშ მუ გიწუა...
  
• კოჩიშენი იკითხანა,
  
• ცხოვრებასი მუ მიწუა...
  

    *ნანინა

• ვოი, ნანინა, ო, ჩქიმი ჩელა,
  
• სი ჩქიმი ბათა, ოდელა, დელა...
  
• ჩქიმი ყოროპა დო ჩილამური.
  
• ო, სქან სანთელო, ჩქიმი ჩონგური...
  
• ჩქიმი აია, სი რექ არიკი,
  
• შორშე მოული, მუჭოთ ლეგენდა,
  
• ჩონგურქ გიბირუ ჩელა, ჩერჩელა,
  
• ბარჩხალია დო თუთარჩელა..
  

    *მაფშალიაქ მუ ქიმინას

• გირინს კვართი ქუმუთვინი,
  
• გაწყუნას დო ვაგეწყინას,
  
• წყარს ეკოხონს ვალინე დო
  
• კოჩი მუჩო ეკიუნანს.
  
• მართალს დიდი ხანი უღუ,
  
• ტყურა თიშა ვამიოთინანს.
  
• არძოს მუში მინაცია,
  
• მუში ხანდა მუკარჩქინანს.
  
• ყვარია ბირას ქოჩემენს და,
  
• მაფშალიაქ მუ ქიმინას?..
  

    *ჩქიმი ოდა მოსიზმარ

• ბრელი ფთვალი,
  
• ბრელ იმნგარი,
  
• მარგალ ვორექ,
  
• სოხუმარი...
  
• ოდაბადე
  
• მიდაღალირს,
  
• ჩქიმი ოდა
  
• მოსიზმარ...
  
• სო იბკითხა,
  
• ათე ჭარა,
  
• ღორონთ მუშენ
  
• გემოჭარ...
  
• ჟიროშ წანა
  
• რუს მორკინ,
  
• ხეს უკინებ
  
• ქრისტეს ჯვარ...
  

    *ჯუმა, გელუქი

• მარგალ ვორექ,
  
• გურ მაფ ხალირი,
  
• ჩქიმ ჯუმა ლაზი,
  
• მაფუქ ხვამილი...
  
• ართი ბაბაში
  
• ვორეთი ბერი,
  
• ორაგადე მიღ
  
• სკანწკუმა ბრელი...
  
• ეშმაკი პუნა
  
• ჟირხოლოს მტერი,
  
• თეურე მოურსი
  
• პურე ირპელი...
  
• ჩქიმი ნანინა
  
• სარკოდ ენწყილი,
  
• ორაგადე რე
  
• ჰამო მენწყილი,
  
• ღორონთს ფთხულე,
  
• გევორძ სანთელი,
  
• ქომუჩან რინა
  
• ანწი ნათელი...
  
• ჯუმა, გელუქ,
  
• კარი გუვონჯი,
  
• განათებული
  
• მოურს ბორჯი...
  

 

    *კერპიქ ქიმიუნუ კერპი

• კერპიქ
  
• ქიმიყუნუ
  
• კერპი...
  
• კირიბი რე
  
• ირო
  
• მსხვერპლი...
  
• მხეც
  
• იზიცანს,
  
• ხარხარენს...
  
• ყვერე
  
• ტაშის
  
• გეუშკვანს...
  

    *დღას ვეუაფუ კალმახა

• მელა გინორთელე ნგერო,
  
• ხალხ ქიგერე უჩა დღას,
  
• ჩქინ ოჭკუმალს მიკიზვირთუ
  
• იქირქოლ დო იძიცანს....
  
• მიქ ძირ მონაშ ნაღელ ლელო,
  
• ვარა ტურა ყოფირ ბერო.
  
• შხვაშ ოგვაჯეშ კარკალერო,
  
• სკანოთ კვერცხი მირჩქინენო...
  
• ვარენ თიზმას ისოფ ბრელი,
  
• სერს ერკინებ ირო დღა,
  
• ღორჯოშ სქუა ღორჯო რე დო
  
• დღას ვეუაფუ კალმახა.
  

   *ქუმოუძახუქ ნანინას

• ნძორით ათაქ ვორექ ვარა,
  
• შურობუმუს მიხე შური,
  
• თენა რენო ჩქიმი ჭარა,
  
• ხაშილ გურ დო ჩილამური...
  

• ჭკუმილ ვაფუქ სიზმარებს,
  
• ბგორუნქ ბაბაშ საბულეს,
  
• ათაშ როსტო კაკა შორო
  
• გოფთხოზუქ ჩქიმ ოზეს...
  

• ღორონთ თეში ვაპილას,
  
• ვადუართე ჩქიმ ჯარგვალს,
  
• გინორთვილი ჩქიმ ჭიშკარს
  
• ქუმოუძახუქ ნანინას...
  

    *სი გიბირუ ზოსიმექ

• ჩქიმი ნინა, ჰამო რექ,
  
• სი გიბირუ ზოსიმექ,
  
• ქომწი, მუქ დუგორულუ
  
• დო სო მიკოსკილადექ...
  
• ოთხ დღაშ წოხლე დოღურექ,
  
• თაშ გუნოფჩეს ზოსიმექ,
  
• სქანი სიალალეშენ,
  
• გიჯიმალუ სი ქრისტექ...
  
• სი ლურს, ვარა ვა გურექ
  
• გინოჭყორდუ ბრელ ამბექ,
  
• ასე დროს ქუმოურთუმ,
  
• გამწოდირთ ლაზარექ
  

     *უსკანეთ ვამიღ რინა

• ბჟაქ თუთას მუ მეუჩინა,
  
• უსქანეთ მა მუ ფქიმინა?
  
• ჩქიმ დუდს სქანოთ ქიმიფრჩქინა,
  
• ართო ქიდიბდვათ ბინა...
  

• ცა ქუდი დო დიხა ჩაფლა
  
• მა სი მუთუნ ვადომფულა,
  
• ჩქიმი შორშე თინ ნათინა,
  
• უსქანეთი ვამიღ რინა.
  

     *ვაგუფალუ პილატეს

• ქრისტე ჯვარსი აცვეს მარა,
  
• ვაგუფალუ პილატეს,
  
• შური ამდღათ ყვილუნს ბრელს დო
  
• იუდა იშენთ იუდენს...
  
• ქრისტეს ძმარს არძენდეს დო
  
• ბარაბას ოცქვანდეს,
  
• წანებს წანა მეთხოზ, მარა
  
• ცოდაქ ვამკაბონინეს...
  

15.დანიელ ფიფია



დანიელი ფიფია

   *თუთარჩელა

• დუცუ გიმოკარკაცანც
  
• ფორონჯი ცა მერეკელა
  
• ონჯუაშე ხურჭკუმი დო
  
• გოთანაშა ტუთარჩელა,
  
• გოთანას– გ/მათანე, დო
  
• ირო–ჩქიმი ხურხიჩელა.
  

   *ზალამება

• ბღალა რშებუდას/ ჯიმა,
  
• დიდი მაფა აიეტიში
  
• ნათელაცალი ოსური
  
• კვათირ ნინა ფარტაზიში,
  
• მაყალუა – ცოტინეში,–
  
• მესიაკონი – ფარსაკიში,
  
• ქომოლობა მერჩამუდას
  
• უტუ, კოჩა დო მართალიში!..
  

    *ცირა

• ბადიდიქ ქუმორთუდო
  
• ქ/დოდოხოდ ჭიჭე შორც/,
  
• ფრიმულ(ი) თ/რიცალო აფუ,
  
• ჩე მუნუხვე ცალი თოლც.
  
• ართი ძღაბი მოყუნცუნი,
  
• მი სო ძირ/ნც იში ტოლც/?
  
• თოლეფც ჩხორია ელმუვცენც,
  
• ღვანწკეფი ვარდიშორო პონც.
  
• ალ–დაჩხ/რც/ გოორჩქინანც
  
• ართი თიში ინოჯინა;
  
• დეხოლენი, დიჭუუქუ,
  
• უჯგუ ხოლო იშო ნტინა!..
  
• ალბათ სისქვამეშ ღორონც/
  
• მოწყინაფუ ცას/ რინა,
  
• ქიანაშა გიმუვლებუ,
  
• გოვკეთებუ თაქი ბინა;
  
• ძარწუფაშა უგ/ ლეშქვი,
  
• სპილოშ(ი) ძვალიშა კიბირი,
  
• ახალ(ი) აგვიგვილებური
  
• დო პიკვალი კიდირი;
  
• ოჭიშის გიოჭვართ/,
  
• სირმა–თუმა შიბილი;
  
• ეცალიში მაძირაფუ
  
• დიო ვართ(ი) რე მითინი.
  
• მუჭოთ(ი) ვარდის ჭუჭელია
  
• მაყალეთ/ ვარგ/ნი,
  
• მაგნოლიაში სქვამი პირც
  
• თხუმუშ(ი) ხვიხვილი ვაგ/ნი,
  
• რუმე ვაგ/ ს/ნთეს/ნი,
  
• ვართი ზოთონც აფუნი.
  
• ეს/თ ვაგ/ შხვა ძღაბეფი
  
• თაქი გილეფაფუნი.
  

  * ინა ვა ვოვორექ მუთ ვორდი
         კინოხ

• ინა ვავორექ
  
• მუთ ვორდი კინოხ,
  
• ჩქიმ გურც ანდაფა
  
• არზი ალეჭიროთ
  
• თაკარი ინორზ
  
• ჩქიმი შურიშ ინოხ
  
• უჩა ლანდეფი
  
• ვაგლაპუნდუნი,
  
• მაყალეს ღალატი,
  
• ვამიჩქ მურდუნი,
  
• ვართ ფერ მუთუნი,
  
• მონარღუდუნი,
  
• ვამიჩქუდუნი–
  
• წ/მე იბჯინედი,
  
• მენდი მიღუდუ
  
• თე მენდი მურიცხო
  
• წოხოლე ბჯღუნუდუ,
  
• ვორწყედი ფურცუ,
  
• ვამაგრენდი გურცუ,
  
• ფიფქრენდი თე ფური
  
• მედინ მიდურცუ.
  
• ამდღა მაყალემქ
  
• ბრელ იღალატ,
  
• შხვეფი მის უჩქუ
  
• სო მითიფაფდუ,
  
• ნამთინეს ზისხირქ
  
• დიხა დოღაფუ
  
• ნამუს შურ უდგუნი
  
• ნგერეფი გართქაფუ
  
• დო ბრელი მუთუნი
  
• დუღათ ბჭკუნცუნი
  
• ტინტილა, ხვილარი
  
• მაჩამუ ბჭკუნცუნი
  
• მა სოლე უღუნი
  
• თექ გეპუნცუნი,
  
• მუთუნი სოფინი
  
• თეში უკული
  
• მა მითხუ სკანდა,
  
• ჩქიმ გაჭირებას
  
• გურცუ უჩანდა.
  
• ვაგიბძიცანდა,
  
• გილაფუშანდა,
  
• სი გიჩქ, თეშ თაკილ/ც
  
• მუთას მუჩანდა.
  

16. თენგიზ(ჩოქო) მხეიძე


1. ურთა

• გური ჩხე შური წირდე
  
• მუდგა კოჩის თოლეფს მურთა,
  
• ორექ ოხვამური კირდე
  
• რჯუდუნს ვითოჟირი თუთა.
  

• ჟი უჩქუნა სი მურექინ,
  
• გუგალუაფ ბჟა დო თუთა,
  
• ქვერსემ გოლემს მიშურექი
  
• ნერი სკვამი... თოლი სუფთა.
  

• უჩა ტობას გიჯინექ,
  
• დაჩხირ გუგაკიონტ გურსი,
  
• ჯუმიშ ნარღის მიარჩქილექ
  
• ცაშე მურიცხ გიმორყუნცი.
  

• ქარ–ბორია გუგაზუმინ
  
• ელგასიმე ხმა ბარჩხილი,
  
• გუგაბარჩხალ ბჟაშ ჩხორია
  
• სკან ორქო დო სკან ვარჩხილი.
  

• გური ჩხე დო შური წირდე,
  
• თოლეფს ურგინუა, ურთა,
  
• ორექ ოღორონთე კირდე
  
• სკან ჯირა რე, ბჟა დო თუთა.
  

2.მუნაფა

• გურს გინმოქუნს მუნაფა,
  
• ღორონთ მუდა წანა რე
  
• ჩილათირი მუ მაფნა,
  
• ჩილამურით ნგარა რენ.
  

• ოღორონთე კირიბეფ,
  
• წირდე ზისხირს ობუნდეს,
  
• ანგელოზეფ ნკირილ რდეს,
  
• უვაიჭარეფს ქოგუდეს.
  

• ჩქიჩქუეფი ღიანდეს,
  
• ღალირ რდეს დო ვალურდეს,
  
• ტყაშ–მაფეფი რკიანდეს,
  
• კირდეს მიკოვალუნდეს.
  

• გინმოქუნა მუნაფა,
  
• ბნარღენთ მუდა წანარე
  
• კოჩიშ შურიშ ხუნაფა
  
• ღორონთ მუშ მანწარა რე.
  

• ცას მიოხე მუნაფა
  
• ღორონთ სქანი მარდი რე,
  
• ოკო ჩქიმი ყუნაფა
  
• დიხა–უჩას ვაბდინე.
  

• ნარღიანი თოლეფ ურჩქუ
  
• ჩილამურეფ ალარე,
  
• დუფულენი, მუ ვაუჩქ
  
• ჩხორო გოლას ამარე.
  

• გურ გუსოფი მუნაფა,
  
• ეშმაკეფიშ მაშინეს,
  
• ჩქინი ათოყუნაფა
  
• ქოთქვი მუჭო ვაშინერს.
  

• ვამორკუნა გურაფა
  
• ვართ ყვანა დო ოთხირე
  
• მაზაკვალეფ გუმაფაფ
  
• უჩა თოლშე დოფთხილე.
  

• ქარი ათორულაფა
  
• ტყვა–გურგინი ჭყალა რე
  
• მაფურენჯე მუნაფა
  
• დუდ–ღორონთიშ ჭყანა რე.
  

3.ჩხოუშია

• ჯვეშ ბორჯიშე შინელ ყოფექ,
  
• სკან გოლუა ჩხოუშია
  
• ჩქინ თურეფიშ მოყოროფე
  
• ნარღიანი მოურქია.
  

• დუც ონდეთ მეუკანტუა,
  
• შური ძიუთ ენგაქაქუ,
  
• წელს იშენთ მეუკვანწუა,
  
• გურს ხვითოეფი ელგაფაფუ.
  

• დოპოპორე ნტერიშ ჯინით,
  
• გურ–მარგალი ჩხოუშია
  
• ნაღვარია წყარო გნირთი,
  
• სარკო ბორჯი მოურსია.
  

• სქანი შინი მის აფულე,
  
• ჩილამურო დოყუნქ გოლას
  
• დუნთხორათ ნტერს საფულე,
  
• გომორძგუაშ თოფიქ გოლას.
  

• აკაბუცხა ღალის გეშე
  
• ქვერსემ გეიძ დიო შარა,
  
• სკანი ოხვამურ ოკო გებშვე,
  
• ქოთქვი სოიშა მიოცქვარა.
  

• მა დოპჭვედა გოლვაფირი,
  
• სქან სანთელო ჩხოუშუა...
  
• ორან გაფუ გოლაფირი
  
• მითა–ჟამშე მოურქია.
  

4.ჩილამურით ნარაგადი

• გოლას დემკოჩი გიმარე,
  
• დიხა იჭყანს ნწალუას,
  
• ვოტყუქუ ჩქიმი ჯიმარე,
  
• გურს დაჩხირ უსანწალუანს.
  

• მუშ გაჭირებას იჩიებ,
  
• ჩილამურს უტყვარჩალუანს,
  
• გაფაფ უჩინებ–ნაჩინებ
  
• თე რაგად მოგენს თვალუას.
  

• მთელ საქორთუო ქუმიბღით
  
• ხუჯით ამდღარშა მარგალეფქ,
  
• მუზმა თანთუა გინიბღით,
  
• დიდ აიეტიშ ბაღანემქ.
  

• ენა ირფელი თექ ქორდას,
  
• იშენ ვამაფნა მარდიერი,
  
• ვამიჩქ მუშენი ოკო რდან,
  
• ათე ზომაშა კანდიერი.
  

• ადღაშა გლახა ვამთქუალ,
  
• გვალო დუც ქუმნობდოხოდეს,
  
• ჭყონდიდელ ყუნდეს მარდუალ
  
• თეიშა დასურო ძოკო რდეს.
  

• მორდუ აფხაზა მომდურეს,
  
• მუნემქ პატონო გინმართეს,
  
• ჯვეშ ისტორია დომფულეს
  
• მოგურუანა გინორთელს.
  

• დუდ მარგალური ვამჩქუნა
  
• ქორთულით ქუჯიშ ნინარე,
  
• ვამიყვილუნა, ვამრჩუნა
  
• ნიჭ მიღუდეს დო თინარე.
  

• ჩქინ ბოგიშ–ბოგიშ დოხორეს
  
• დემ–კოჩეფიში ძინა რე,
  
• ენემქ ცოტნეშათ დომგორეს,
  
• ნინაქ ქომსხაპ დო თინა რე.
  

• ჩქინი მათანგა ვარენა,
  
• თეშენ ნწალუნა ქიანას,
  
• ჩქინ ჩილამურით ხარენა
  
• ჩქი იბძიცანთუნ რკიანა.
  

• სამარგალოს ლიმა რენ,
  
• შუნა, სხაპუნა, იბირა,
  
• იბძახუქ ჩქინი ჯიმა რე
  
• დო ხასლას ელვოძიგვინა.
  

• გური ჭვილირე გურ ქორთუ
  
• მიჩქუ დო, თეშენ ფთვინულე,
  
• ჩქინი ელ–მოლუ მიქ გორთუ,
  
• თეთ ფხარენქ დო ბძინულე.
  

• ბრელ უგამაგეთ გილართეს,
  
• ენა ქიანას მიოხე,
  
• ართი მუნეფიშ გილარდე...
  
• ამღა დუდ–კოჩო მიკომხე.
  

• ოდო პიც ენმოღიანა,
  
• მარგალ რენია უთური...
  
• ჩქი ჟიშე ღორონთ ფთხილანა
  
• ვამორჩირთუნა მუთუნი.
  

• იბრდუდით ოდოიათი,
  
• მიჩქუდეს ოლურ კულარე,
  
• ბდუა ბონდოიასი,
  
• დარულაფარო თქუანდეს.
  

• გიპკურცხინუათ მარგალეფ,
  
• ლურენჯეფს ქარწყეთ მორუნა,
  
• ჯვეში პოფეთ მანგარეფი,
  
• ამდღა ცოცხალო ფთხორუნა.
  

• ეფუთის ვორეთ შინელი,
  
• ჩქინი წაულა ტყურა რე,
  
• მიდგარენს ეკოძინელი
  
• ვორდათუნ, თელო ღურარე.
  

• დღას ვაპოფეთ მარგალეფი
  
• ბრელ, მარა ვორდით ჯგირეფი,
  
• ძინა ყოფედას! ქუგალეთ!
  
• მოხიოლ, ენგოჯინეთი...
  

             02.07.2001წ.


***

• თე რინა დო თე ქიანა,
  
• გვალო პოტიკ ოფენია
  
• მეუ, მეუ მონსტერშა,
  
• მონასტერშა ოფელია.
  

• ბედიშ ამბე ხატეფს ქეჩი,
  
• გურს დაჩხირი ქუბარბანჩე
  
• შულადირი შური, გური,
  
• მონასტერსი გიმლასვანჯე.
  

• თეშ ვარიაშ მორაგადე,
  
• ვაგოკოდას მითინია
  
• მეუ, მეუ მონასტერშა,
  
• მონასტერშა ოფელია.

<