მაღურუუში ნარღი
ლეხი ვორექ მაღურუუ,
ვა ვორექ მასქილადუ
ირკოჩ ტყურათ იწუხებუ,
ნათესე დო მაძირაფუ...
მალას მემიღენდასჷნი,
ღორონცჷთი მარდი აფუ;
დიო ახალ ვორექჷ დო
რინაში ვალი ვამიგაფუ.
ჰაი! მუში მანწარა რე,
გიჩქჷ, ნანდულო ღურუქუნი,
დემუნჯებუქ, დეჸუნგებუქ
დო თოლემცჷ წკურუნქუნი.
ვაგჷგეგებ - გიჸორცჷნი,
ვარა მის ონდურუქუნი,
ირფელ წყარშა ქენოიცენც,
მუს ნატრე დო სხუნუნქუნი.
უდროვეთ გეთხიებუთ,
გიჩინანთჷ - შვიდებით,
ქორშუდათ ჭეხანც ვარა,
რადგანც დღაშა გიჸორდით