მა დო ჩილამურეფ
მა დო ჩილამურეფ ართ მახანა ვორეთ,
ართიანს ბრდუნთ ოჸოროფულ ლაკვიცალო,
მუთუნს ქოფჩირთუქ-და, ხელეფ ქაწომფორეთ,
ვენგმოშქვათ მა შხვაშ წოხოლე გაძიცალო...
მუჭოთ ბორჯი მეურს, გურ თეშ მეჩქიჩქარებ,
ხანიშ ძინას მივოჭარა თენა ვარო?
მუდა ოღალ მუმობ, მუდა პუხუს ჯვარეფ -
მუქ რე ამიოლუნ, მუ ჩხუქ დინმოღვარუ?!.
კათაშ ხასლას დუდს თეშ ბგინაფულე ირო,
ითამ ართ ვორდათ დო... ითამ ვარ დო თაშ რე!
გურშე გეშეხეკი ჯოგინი დო ძირუ
მუ მარდ გიგალენფერ, გიგაცირუ ცაშე...