მიჸორც მანე, მარა იშენ
მიჸორც მანე, მარა იშენ,
გოსოფურო მიმოჩქ მონე.
მიჩქუნ ინა, ირფელ მონუ,
ვამჩქუნ ინა, ვა მაფ მონე.
მორიტაკე, კავაბატა,
დო ჰაიკუშ მაფა ბაშო.
თენეფქ რინა ქოდიგურეს,
ჭარეს ურინუობაშო.
არძას ართი ჭუა მოძუდჷ -
ფირდოუსის, ჰომეროსის,
ტასოს, დანტეს, გოკონ მოსეს.
ჯგირ ძირეს დო ფურ გამორსეს.
ჭიჭექ დიდი ქათიჸუნუ,
ართიანით ქაწირინეს.
საქვარ ირფელ გასურესუნ,
უკულ თოლო ქაწმოდინეს.
მიჸორც მანე, მარა იშენ,
გოსოფურო მიმოჩქ მონე.
მიჩქუნ ინა ირფელ მონუ,
ვამჩქუნ ინა ვა მაფ მონე.