მორდუ (თალინა ხუხუა)

by თალინა ხუხუა

ჩქინი სკვამი საქორთუოში
ათე კუნთხუ ცქვაფილი რე,
საქორთუოში ოცქვაფური
ჩქინი ჭიჭე მარტვილი რე.

მარტვილელი, ჭყონდიდელი
საღორონთო დავით მორდუ,
დავითიქ საქორთუო,
ართი ჯიხვო დოზგუმონჯუ.

მორდუქ მორდუ, დასურო მორდუ,
ოცქვაფური მორდუ ნანა!

ჩხორო ოშირე მიკულირი,
თიხანიშე ამდღარი დღაშა,
ბრელი ჩხოროში წანაში იშო,
უშინუდანი თიში ხანა...

ართო მეურდით თი ხანას დო,
ართო მეურდათ ამდღარ დღას,
ართო მეურდათ ირო ართო,
ბრელი მულირი ოში წანას.

ბჟა მალუშე შიდა ქართლი,
ბჟა დალუშე აფხაზეთი,
ჯიმალურო ვხანდენდით,
ჩქინი სამცხე ჯავახეთით.

ართინერო წკუმონტილი
ართინერო გუმოხილი,
ართი ჯიხვო ზგუმონჯილი,
საქორთუოს ქორთუში რინი.

საქორთუო ხანდენდას დო
საქორთუო ვარდენდას,
მთელი ქიანაში ბჟა დო თუთა
ჩქინი რინათ ხანდენდას!