მორდუ (ნოჭყვედი)
გვალაშ წვანს ცაშ ხოლოს ბუდეცალო მიკიძირე
სიგინძა დო სიგანეს თოლი ვანჭუ ქიდეკვირე.
თექი ფაცხა მიკოღობუ ჭინუში ტკუბაცალი
ზოთონს ტიბუ ზაფხულს რგილუ სანდალერი ქუაცალი.
ქარ დო ჭვიმა მუნაფათ, გვალას ონირზ სხუაფილი
ფაცხა თეში მიკიძირე, ვითომ ორდას შკურნაფილი.
მარა მუჟამს ბჟა დო თუთა, გვალას გინაბარჩხალანს
მუს ძირუნს კოჩიში თოლ,თიშ მაჯგირა მასქვამას.
ჭიფე შარა მიქოუნცუ მიკორთელი მუკორთელი
თექ მაულარი მეშარესუ უჭკირუნდას ოკო თოლი,
ვარა უნდას რაში ცხენი, გვალაში ნარდი დო ხენდილი,
კირდეში გინმასხაფალი დო უშქურანდო გუმორდილი.
მიკოლაფირი ფაცხა ფოქვის მირე ომინჯ, მიში ორე
თეჯგურა ჯგირი დოხორეს, თეში ჸოროფა მის გიორე.
ახალგაზრდა კოჩი ორე, გვალაში სკუა აფხაზარე.
კომწარი რინა ვაკონ ფერი უღუნი თითუ ჭიჭე ვარე.