მორთი ჸუმენი
მორთი, ჸუმენი დოირჩქალუე,
მორთი, იმენდით ჯინას ეიფშა,
მორთი, გეჩიე მონარტებაშე,
მუჭოთი მობრთი მოთვინებაშა;
მორთი, გოძირე გოლაში თირი,
ოდო ლაფერდას იაშ ხვიჩინი;
მორთი, გიმელი დო ქიმისვანჯი,
მორთი, ბაიაშ ქუჩუჩ გიწილი;
მორთი, შუმინი ქიგნოიფორუე
ოდო ზოთონჯი გეგნიფაფრთხათი;
მორთი, ქიმენდი ხეშქაგურეფი
დო ორთას ართო ქუვაკათათი;
მორთ გოჲტიბუა ნასოთონჯ კითეფც,
ბჟას გოგიფაჩუ არძა ჭუასი,
მა მუსხანიე თვინათ გელუდი,
ანწ სქანი გურქით აშ ინჭუასი;
გედირთი, მორთი, გურქ მიმაშირჷ,
შარას ართ წუნსჷთ ვეგუსვანჯუა,
მორთი ხვიჩინცჷ ეიზადინუა,
გიძახჷქ, მორთი, შხვადო ვენჭუა!