მოხვარა
გიშელი ყურუობაშე,
ვაყურუ რჩქილას ყუჯეფი:
ნანინა, _ ონწეობაშე,
შხვა ნინა, _ აშნაკუჭეფი.
ამშვ ვითიც ქიდიგურუე,
გაკვირე მარი-ც ნიკო-ნი,
იშენით კირტე ყურუე,
თინა უჯგვ, მერჩამ ჯიშონი.
ჯიშო დო, ართი ქორდეს-და
დიეფი დო ბაბიეფი,
ზისხირ შხვა ვემშეწყორეს და,
მიყუნა ჩხონაფილეფი.
ჯიშეფს უღ ნინა მუშ-მუში,
მარგალურს მობსახელენთ ჩქი,
ნამ თქუა შხვაში რე უჯგუში,
მარგალო ონწეთ ეშნაჩქვი?
მარა დო ამარ-ამარი
ძუძნინას იჭყოლიდუა,
ნანინათ გილეჭვამარი,
შხვაშის ნუმ იჭყოლიდუა,
შხვანინინა ჯიბეს მუშმაყუნს,
გელეთბ, იშო მირტებუ,
ოდო რენ ზისხირს გიშმარწუნს,
სი გიტენს, დუს ემინჯებუ.
შხვანინა ჩქინი უჯგუშო
ჯიშო ნამს დოგურაფუნი,
ურგებუაფნა მუშ-მუშო,
ჩქინს ვაგურაფლენს, ვაშუნი?
რშუდანი გამსახურდია
კოწია, მიჭარუნანი:
სუმარემქ გეგნმებრელეს-და,
მენძელო გინმართუნანი.
ნანინას გალუაფუდა,
შხვანინა ვაგეპატონა,
კინ თის ურგებე, გიჩქუდა,
მარგალონაშო ვამკონა.
ონჯღორე მუშენი ვაიჩქუ,
მუდა რე აბა უკუნი,
მონეწკმა გური გაჩქიჩქუ,
შურო დუს ვამწოუკუნი.
გიშელი ყურუობაშე,
ვაყურუ რჩქილას ყუჯეფი:
ნანინა ონწეობაშე,
შხვანინა აშნაკუჭეფი.