მუკოლაფირ ფურცელიშ შარა
მუკოლაფირ ფურცელიშ
შარა სი მუქ გორჩქინ?
თი ფურცელს ვა უჩქუ სოლე ოწურუანან დო...
ამარ, დამორჩილს
ოჭიშ მოდირაკილ კოც ჰალამო ქომიკაჭაბ ხუცჷ
ჯაშე ათე მერქას მუკნალეფი ოფიორაია ფურცელქ,-
მემჩქუნ, ქვერსემ ნარღიშ შანო.
ადამიერი, სქან სახე,
უჩა დიხაშა რე დინულირი,
კინ თევრე თიშ ეშულას უჯინექო?
სანარღოთ, პეულეფიშ ძირაფათ ბორჯი ვა გიძინანს,
მარა სი იშენ ირიათონ სერშა მინჭუაფუქ.
მი რექ სი ადამიერი?
სქან დუდი მუ რენ ვაიჩქ,
შხვა მუ რენ ვაიჩქ.
დიდაშ ქვარაშა სო რდინ ეს მი გიწინს?!
სასქუოს ალახედინ ენათ ვარშუ.
აქ მერქას ქიგგოხუნუანა თირიშ ფარტენაცალო
დო მინშა იშო ლეტათ მითხისუქ.
სო განჭუაფუ უმკუჯინუო?
პუხუს მუგკობუ სქან აგაგა, -
ოღალ ქექე, მარა უმოღე...
ოწონდეშ იშო ქალესვანჯ ოჭვიტაია ბჟაქ,
დო მიმოჩქ, თი ბჟა ხოლო გინოთირელი
კინ სი რექ, სი სარალო ადამიერი!