მუს სქვამი რექ ჩქიმი ქიანა
მუს სქვამი რექ ჩქიმი ქიანა,
გური ხიოლიში ეფშა მაფჷ,
ჩქიმი ჭიჭე სამარგალო,
ღორონც გჷშაგორილი აფჷ.
ბჟა დო თუთა კარკანტია
დიდა მაფჷ, მუმა მაფჷ,
მურიცხეფი ორწკინაია
არძო და დო ჯიმა მაფჷ.
მდიდარი ვორექ, ირფელი ჩქიმ რე
ათე ცა დო დიხა შკას,
კუჩხი უჩაფლეთ გილებრულექ,
სქანი დიხა ტიბუ მაფჷ.
არძა დროს მონატრჷქ
ანთასნერო ფერი გართუ
ზოთონც თირც უფათქუანქ,
გუშულირც ვარც პეულანქ.
ზარხულც სქანი არძო კუნთხუ
ნოხიცალო ქარგილ გაფჷ.
დამორჩილც ოჭნახუს
მაჭარი ინოგვარგვალანც.
დიარა დო კამპანიას
მარგალურო პკარკაცანთ.
სკანი ჩელას დო ოდოიას
მეუნწყჷნთ არძო ხმას.
თეში მაჰამას მითინი ვებირც
მემიჩქ ჩქინჲ ანი დო განც.
ჩქინი ჯვეშეფიში რინაშჲ წესეფც
მუთუნჲნერო მითინჲ ვაგჷ.
სასახელო სქუალეფი
ბრელ გირდჷ დო ხოლო გარდუ,
ხვალე სქანო, ხვალე სქანო
ღურა ხოლო ვამონაღჷ.
ღორონთიში ერჩქინელქ
სქანი ნარდი სქუალეფქ
მუჟამჲ დეგესაჭირებუნ
სანთელცალო სი ქჷგგალუ.