მუ ნწარე რე სირჩინუე
"მუ ნწარე რე სირჩინუე,
მუჟანც ბირგული დიჭკირუნი
დო ქიანა მუნაგერგა
ართ ეზოსჷ დიკირუნი.
ქიდოდოხოდჷ დამორჩილი,
ირფელ დიჭყანც დოციმს.
სიმინს ტარი ქიგლაბუ დო
ეშე ველესკინჩინანჷ.
დუც ბორია გეგშერტებუ
დო გურც გირდღ(ტკიპა)დოწჷნსჷნი,
ართ დროს იანარი კვირკვენდჷ დო
მუჟამც კვირკვეს დოთჷნცჷნი
ოსურ ქიგეყოროფებუ
თეშ, მუჭოთ დღას ვაიყორდნი
თის უყორქ დო ჯვეში გერც
ღურელც, ხოლო ვაგონდნი
გურ გურობას ვავარენს,
ფიქრ ლაყაფენს ბაღანურო;
სარკე ვარდას, ღონე ქორდას,
ვათაკილენს მუთუნს შურო.
მარა მუჟანს ქუდოიჭყანა
ნჯარებას მოთალეფი
დო განიშე გთოჯინას
ქორშქიდანან ნოსალეფი,
ქიმეხვადქ, ულირი რე
სქანი დრო დო სქანი ჟამი,
ულირი რე თი დრო, მუჟანს
ქიანას ირფელ ორდუ სქანი.
დიდ ვაიგენს, მუს გაიგენა
ჭიჭე-ჭიჭე მარდუეფი,
სი ძღირძღინუ დო ვაგათქუე
თინეფიშა ბაბუეფი.
მუ ქიმინან, ინემს მუში
ხანი თაში ურაგად,
ართი დიხასჷ ვეგნითირა,
ვაგაშუას ბიგაქჷნი.
ჯარებას ქიდოგიჭყანანი
ჭიჭე-ჭიჭე მოთალეფი
დო თოლიში აღალასჷ
ქორშქიდანანი ნოსალეფი.
"ვავამტყუნე მა თენეფს"-
ხან დო წესჷ თაში ურაგადჷ,
სი პუხა დო ჩე ფრიმულამი
ბიგამი უჩქჷქ დონაბადჷ.
ვაპწანს ტომბა სირჩინუე,
მა ვამოკო, ვარ, ვარ,
ვორდა, სოიშახ ჩქიმი ხეში
მინათხჷმა კოც ვაზარ."