მუ ჯგირი რექ გოლვაფირო!
მუ ჯგირი რექ გოლვაფირო!
მუ ჯგირი დო მუ შკვართალა,
წკანტილი დო უთაკილო
თუთარჩელა დო ბჟალარა.
ჩქიმი ჭაპალა, ჩქიმ ჭკვაპალა,
ჩქიმი ჸოროფილი ცირა,
ირფელიშა ქომისხუნუ
სქანი რჩქილა, ინოჯინა.
უსქანოთი ვეშემლებუ,
ვართ ჸოროფა, ვართი რინა,
გოლვაფირო ვადმაღორა,
ვამღალატა , ვაგამწირა!
ჭირს დო ლხინს ვორდათ ართო,
უგურყელო ირო, ირო,
დო სამშობლოს ვალინათუ,
ართგულო დო ჸოროფილო!
მუ ჯგირი რექ გოლვაფირო!
მუ სქვამი დო მუ ფარფალა,
ნიჭიერი უთაკილო,
თუთარჩელა დო ბჟალარა.