ნანაია, ნანა სქუა (ლადი გაგუა)

by ლადი გაგუა

            
ნანაია, ნანა სქუა
ნანაში ჭირიმა
არკვანიშა, იშამჯანუქ
ვარდიში პირი მა!
პირსაფარი გაამგონწყი
ინგოჯინი მა,
ბჟაში ჩხორიათ აწმაძირი,
ვაგიჩინი მა...
კიდირც მეგიხუტოლუა,
რჩანქი ძუძუსი,
ქოიჩქ ქეშერწირენქჷნი
ნანა, ჩქიმ დუცი,
ასე ბჟათჷ რძღელი რექჷ,
გიბირქ ბდრუ – ბდრუსი,
სი არკვანცჷ იღვატი დო
ლურცუ გური უჩი,
ჩქიმი ბორბონჩია ბოში,
ჩქიმი ბუხუტი,
ხეხუ ოლე ქალეჭყვართე
ჰამას ქიხუტი!...