ნანინა'
ჸუდე გედგ დო
კოჩი გერე
ჩხოუ გებიჯ,
ჯა გეჩანს,
მარგალურიშ
ვამიჩქ გერე,
გეგნოთანგენ -
მუს მერჩანს?
ჩხოუ ხოლო
გერენია
შხვაში ნინა
ეკიშქვანს.
წყარს დინოდგ დო
წყარს დინორე
მალს, დინობიჯ,
დინოჩანს,
ფერდის მუკოდგ
დო მუკორე,
მუკობიჯ დო
მუკოჩანს,
ჯას გითოდგ დო
ჯას გითორე...
გინმათანგალ
ნინა სო რე?
მელ მინოდგ დო
მელ მინორე,
მინობიჯ დო
მინოჩანს,
მოხილს გინოდგ
დო გინორე,
გინობიჯ დო
გინოჩანს,
ინ ინოდგ დო
ინ ინორე...
გინმათანგალ
ნინა სორე?
ვეს წუმოდგ დო
ვეს წუმორე,
წუმობიჯ დო
წუმოჩანს,
მითე მითოდგ
დო მითორე,
მითობიჯ დო
მითოჩანს,
ძგას ეკოდგ დო
ძგას ეკორე...
გინმათანგალ
ნინა სო რე?
გონთეს აშადგ
დო აშარე,
აშაბიჯ დო
აშაჩანს,
წკვაფანს ალადგ
და ალარე,
ალაბიჯ დო
ალაჩანს.
ჟი მუნოდგ დო
ჟი მუნორე..
გინმათანგალ
ნინა სორე?
ჩქიმ ნანინა
სატანკუჩხეს
გუთმოურთუნს
კოჩიშ ტანს;
წელიშ ეშე
მუკოქუნა,
წელიშ გიმე
მითმიდვანს.
მარგალურიშ
ვამიჩქ გერე,
გეგნოთანგენ
მუს მერჩანს?
თი შხვა ძიქვას
მუკმიქუნანს
მარგალცალო
ვემიდვანს!