ნასხუნა (ლაშა გვასალია)

by ლაშა გვასალია

• ღორონთ გოჭყორელ ქიანას
  

ეშმაკეფი გარენა მუკი-მუკი!..
 

• ჸოროფა რტებულ კოცს
  

ღურუ ეკმაფშანს უგინარო!..
 

• თოლიშ გონჯამა დო წკურუა შქას,
  

ჩილამურ ვამურიცხენს-და შურ ბირცხონდუ!..
 

• კოცს მინშა სიცორცხლეშ უმოსო ღურუ დასკვანდუ!..
  

 

• კუნტა შურს ფართას ჸოფუა ვეშულებ!..
  

 

• მიწონებ კათა, დღას ვაუდინუაფნან თის გორუნან ფერი!..
  

 

• ჸოროფა ქვერსემ გურს ასინთოლენს,
  

ბარჯღილ გურს ოძიცეთ გინაშკვანს!..
 

• მაჭვერიაშო არძა დღა დამორჩილ რე!..
  

 

• ღურუშა ვაშკურუნ თის, შურდგუმაშ ფასი ვაუჩქ!..
  

 

• ჯგირ დო ფურიშ გოშინა
  

იმენდეფს ხვარხვანწანს!..
 

• ტყობას ვერაგადე კათაშ გასაგონე!..
  

 

• შურ მონკა ვარდასი, ირნერო გოღილატირ გვამს
  

მუ ენაცადინუანდუ?!..
 

• რტებულ ბრელშა უჯგუ მარტებუსი!..
  

 

• კოჩ დო ღორონთ შქას ხვამაშ ხინჯო შურ რე გოდვალირი!..