ობიშხაში სონეტი
მა ვაგმაგინუ, სი გიჩქუნდა ეგებ შხვანერო,
მუთ მეუდირთა დო მუნერო ეწიბრინუა,
ვამიჩქ, თიჯგურა მუდგარენემც ქაწომრინუა,
ვართ გამიგებ დო ვართ მიძირუ, მემიჩქ, ხანერო.
უწი თინერო, თენერო დო ქოთ არძანერო,
ის ართი უჩქუ დო თი ართი თაქ ვარინუანც,
ბრელქ ვაგურზუა თე საქვარცი, ვადარინუა,
თეშ მიდართუა, გაიკვირდუ, თქუანქ, მუნერო.
ბრელქი მუშ ჭკუათ, ვადირკუ დო დუდ ქიმკიბუნუ,
ოდო მეჩირთუ, სო განტინე, თქვი, ღორონთიშა,
ბრელქი ვაჩირთუ, მარა გვალო შხვას ქუმკაბუნუ,
თელემც ოკათუ დო უთანდუ ირ ღორონთიშ დღა.
ბრელქ ქიმკიწკურუ, ჸუჩე იდეს დო ვადართინეს,
ეფერ მუზმა რე, ღურელც ვაკათ დო ვართი თელემც.