ონდო რენი, თაში ორე
ონდო რენი, თაში ორე,
ძგვიტაფი დო ძიძიკი რე,
არძა მუშჲ თიას ლოტკჷნსჷ,
მით ლალჷნს დო მიკიკირენჲ.
ბრელჲ რე ხუჯიში ემართალი
ჯიმაშით დო სქუაშითჷ,
შხვაშა მუთუნქჺ ვამაღოლეს,
ართიანსჷ ქუაჩითჷ.
მოჯგირეთჷ მულირჲ ნტერქჷ
კოლხიშჲ შურითჷ გელეყვაყუ,
ჩქიმ პუხუსუ კონიერო
გილაჯანჷ, გილაღვაღუ.
რცქინი მურცუ ჯიმაშეთჷ,
(ქიმუარჩქვანით ნტერიშჲ რცქინსჷ),
თოლ ონდეთჷ ქიგიბწკურინჲ,
ხვემრაში ჭუკემქ გაქთოცისჷ.
შხვაშჲ ოსურიშჲ ფერეფათჷ
ჩქინი ნანა გილენგარსჷ,
ჭყვადუასჷ ქჷმურინჷ,
აეტიში ხვამელჲ კარსჷ.
ეი, გოკურცხი თოლიშჲ ონჭე,
ამდღა ვარე ლურიშჲ ბორჯი,
ქარწყექ შორიშჲ ლახარათჷ
აკუანთხჲ დო ქიდიფოფრჩი.
გილაგჷგა მუსჺ მუჩანა
სონჲ კონკიში ლეხერათჷ,
ჩქინი მინჯე მითინჲ ვარე,
დუსჺ ჩჷი ოკო ვეხვარათჷ.
3.03 2015 წანა