პატონი დო ჭკორი
ვორექ პატონიში ხესჷ
მაწვალენა მუჭოთ გვერსჷ,
აკაბუცხა მეფჩირთენი
მევკვათუნა მა კისერსჷ.
ვორექ ეჩდოხუთ წანერი
ეკოფთხოზუქ ჩხოულემსჷ...
ირფელ ართო ნწარე მაფუ
ვოგუქ ცოცხალო ღურელსჷ.
მოკო მუმა ქობძირენი
ჸოროფილით მიპონენი
მარა პატონი ვამიტენსუ
თაქ ოკო დოვღურენი.
მუჭოთ რე პატონს ქოვთხი
ჟირი დღა დო ჟირი სერი
ოსური მოკო მიპონენი დო
მუმათ მოკო ქოვძირენი.
პატონი მა თეს მიზოჯუნსუ
გოთანაშა ქუმორთია
ბრელ ვეხვეწი, ვეღორონთი
მარა მუთუნს ვაგოვრთია.
საბანო ონჯუანსუ
ქუდუძახი ჯიმალენსუ
ინემქ ჯიმა მაჸალენქუ
ჩქიმიწკმა მოლართელსუ
ჸუდეს მოკო გავჩერდენი
მარა პატონი მიწყინენსუ.
მაჸარეფი გემკივსური
ჭე, ბჟა ქორე ეკინელი,
პატინიში ჸუჩა ივრული
თექ ოკო ეკიპლენი.
პატონი ჩქიმქუ დინმორჩხვიუ
მუჭომ დრო რე სი მორთინი
ათე ჯგუა გილაულათ
ჩქიმი კოჩანა შქას ქორთინი.
პატონი ჟირ დღაშ(ი) მანგიორი
ჸუდეს ვორდი ართი სერსუ
მუთუნი გლახა ვამქიმინუ
თენა მუშენ გაფიცხენსუ.
სი ჯოღორი გვერიშ სქუა
მისრე ნინას ურთინუანქ
ოჭოფითუ დო დოკირითუ
ეს დაჩხირსუ ურკინუანქ.
ქიგიოკირით გირძე სკამსუ
იჭვასუ დო იკირასუ
მუჟამს შური გეშალუნი
გეგნაათით თე გვალასუ
დასურო ქიგმოკირეს სკამსუ
ბაწარი ქუგომიოთეს შკასუ
ბჭუნა მუჭო თუნი თეში
უბედური ჩქიმი დღასუ.
მითინი ვარე მარსხებელი
ვიჭუქუ დო ვიხალუქუ
პიჯი ტუტათ ებშა მაფუ
ტანსუ მიწკვარწკვალუ უფუ.
მა საწყალქუ გვერდო დიბჭვი
ვრაგადანქუ იშენი თესუ
პატონეფი გობჭყვი და თუდო
გეგნვორგინუათ ქირქესუ.
განწოციუ ჯიმალემქუ
არძო ჩქიმი მაჸალემქუ
დოჩქვაჩქვესუ პატონეფი
თიმ, მარასუ მოხვად თექუ.