რაგადანა

by მამანტი კვირტია

რაგადანა: ლალა კათეფი, სამიკიტნოს იშუმუნა,
მუთ ქუღუნანი გეშუნა დო, უკული შქირენც იზღოდუნა
ვიშო ჟირი ბოთილც შუნა, აშო ოთხის ეკაბუნა,
ჩილჲ დო სქუაქ დუღურანი, იში დარდი ვაუღუნა.
მოდასუ რე - რაგადანა... რაგადანა, რაგადანა
ბრელ მუთუნცუ რაგადანა
სქანიშენით რაგადანა, ჩქიმიშენით რაგადანა
იუმორი - მუ რე უკული თე რაგადანანი?
რაგადანა: ბრელი ხოლო, კარტი დო ნარდის ლაჸაფენა,
ჟირი კაპეკი უღუნანი თისჷთ თექ წუთმაგენა.
უკული მუთუნი ვაშინანი, ქოთომენც ხირულენა,
მინი ხოლო მუშა ხარხის, მიდმუღანა, აწუხენა
(მოდასურე დო იუმორი იმეორენა).
რაგადანა: ბრელი პიჯენც, დღა მეუღუ რაგადით,
ირო გილურც კანდიორო, დოყურწილი ნაბადით.
კავერკოტეფი მუკაქუნცუ, მუშა კათაში ნახანდით,
კავერკოტი შივიოტიში, ბარგი უღუ წყვილობით.
(მოდასურე დო იუმორი იმეორენა).
რაგადანა: ძღაბეფი ვარი, ბოშეფი ხოლო თაში ორთუნა,
ფერაიას ისვანა დო ლეჩქვის ჭითათ იღაფუნა,
სქვამი-სქვამი სიტყვას თქუანა დო ოშნერო იკიჩუნა.
ისჷ შურო ვაფირქენა, დუცუ მუთა მიშაძუნა.
(მოდასურე დო იუმორი იმეორენა).
რაგადანა: ბრელი მოინალე სათენც ოჩილითუანც,
გვიან მურცუ, ადრე ურცუ, დუცუ თაში ირთუანც,
ყაზახისჷ ვემკაჯინე, თოლც გილუჭვიტუანც.
(მოდასურე დო იუმორი იმეორენა).
რაგადანა: ლოთი, ლალა, დღაში მადინაფალეფი
გინძე ნინამი, ბრელი კანტალა, პუდრიში მასუმალარეფი.
კანდიორი უშქიდარი, თოლიში მაჭვიტაფალეფი,
ბიუროკრატია, მალურია, ვარდანი ოკო ანწი ინეფი.
(მოდასურე დო იუმორი იმეორენა).

მენაველე
1929 წ.